आण्णा आयोजित SBD चॅम्पियन्स ट्रॉफीची महास्पर्धा;टेनिस बॉल फुल पिच क्रिकेटला उत्स्फूर्त प्रतिसाद

आण्णा आयोजित SBD चॅम्पियन्स ट्रॉफीची महास्पर्धा;टेनिस बॉल फुल पिच क्रिकेटला उत्स्फूर्त प्रतिसाद

छत्रपती शिवाजी महाराज स्टेडियम सांगली  येथे सुरू असलेल्या आण्णा आयोजित भव्य टेनिस बॉल फुल पिच क्रिकेट स्पर्धेला खेळाडू व प्रेक्षकांकडून जोरदार प्रतिसाद मिळत आहे. SBD चॅम्पियन्स ट्रॉफी या नावाने प्रसिद्ध असलेल्या या प्रतिष्ठित स्पर्धेचे हे सातवे पर्व असून, सातत्य, शिस्त व पारदर्शकतेसाठी ही स्पर्धा विशेष गाजत आहे.

प्रमुख आयोजक संतोष लोखंडे व फिरोज पठाण यांच्या पुढाकारातून ही स्पर्धा मोठ्या दिमाखात आयोजित करण्यात आली आहे. क्रिकेटप्रेमींसाठी खास आकर्षण असलेली ही ट्रॉफी दोन शहरी गट व दोन ग्रामीण गटांमध्ये विभागून खेळली जात आहे. गाव-पाड्यातील गुणवान व शहरी भागातील दमदार खेळाडूंना एकाच मंचावर आपले कौशल्य दाखवण्याची सुवर्णसंधी या स्पर्धेमुळे मिळत आहे.

सात वर्षे सलग छत्रपती शिवाजी महाराज स्टेडियमवर ही स्पर्धा पारदर्शक पद्धतीने आयोजित केली जात असल्याने SBD चॅम्पियन्स ट्रॉफी आज परिसरातील क्रिकेटविश्वात एक ब्रँड म्हणून उभा राहिला आहे. उत्कृष्ट संघ, दमदार सामने, शिस्तबद्ध आयोजन व मोठ्या प्रमाणातील प्रेक्षकवर्गामुळे स्पर्धेचे क्षेत्र सतत विस्तारत आहे.

स्पर्धेच्या अखेरीस विजेत्या संघांना आकर्षक भव्य बक्षीस समारंभ करून गौरविण्यात येणार आहे. या ट्रॉफीमुळे उदयोन्मुख खेळाडूंना प्रोत्साहन मिळून परिसरातील क्रिकेटचा दर्जाही उंचावत आहे.

— SBD चॅम्पियन्स ट्रॉफी, सातवे पर्व – क्रिकेटचा सण, उत्साहाने रंगलेलं मैदान!