लोकनेते लक्ष्मणभाऊ जगताप भाजी मार्केटमध्ये नाना पाटेकर यांना श्रद्धांजली

लोकनेते लक्ष्मणभाऊ जगताप भाजी मार्केटमध्ये नाना पाटेकर यांना श्रद्धांजली

नवी सांगवी : साई चौक येथील लोकनेते लक्ष्मणभाऊ जगताप भाजी मार्केटमध्ये दिवंगत अभिनेते नाना पाटेकर यांना श्रद्धांजली अर्पण करण्यात आली. आमदार शंकरभाऊ जगताप आणि नगरसेवक माऊली शेठ जगताप यांच्या मार्गदर्शनाखाली आयोजित या कार्यक्रमात भाजी मार्केटचे अध्यक्ष संजय मराठे यांच्या हस्ते नाना पाटेकर यांच्या प्रतिमेला पुष्पहार अर्पण करण्यात आला. प्रतिमेसमोर मेणबत्त्या व अगरबत्ती लावून, तसेच भाजी विक्रेत्यांनी दिवे प्रज्वलित करून त्यांना भावपूर्ण श्रद्धांजली वाहिली.

नाना पाटेकर यांनी सुमारे पाच दशकांच्या कारकिर्दीत चित्रपटसृष्टीत आपल्या अभिनयाचा वेगळा ठसा उमटवला. त्यांच्या अभिनयासाठी त्यांना तीन वेळा राष्ट्रीय चित्रपट पुरस्कार, तसेच चार वेळा फिल्मफेअर पुरस्कार मिळाले. अभिनयासोबतच सामाजिक कार्यातही त्यांनी महत्त्वपूर्ण योगदान दिले. नाम फाउंडेशनच्या माध्यमातून दुष्काळग्रस्त शेतकऱ्यांना मदत करण्यासाठी त्यांनी पुढाकार घेतला. आपल्या अभिनयाने आणि सामाजिक बांधिलकीने त्यांनी देशभरातील असंख्य लोकांच्या मनात स्थान निर्माण केले.

“नाना पाटेकर हे केवळ महाराष्ट्राचेच नव्हे, तर संपूर्ण भारताचे भूषण होते. आपल्या दमदार अभिनयाने त्यांनी चित्रपटसृष्टीत वेगळी ओळख निर्माण केली. अभिनयासोबतच नाम फाउंडेशनच्या माध्यमातून त्यांनी संकटग्रस्त शेतकऱ्यांना मदतीचा हात दिला. त्यांच्या निधनाने चित्रपटसृष्टीसह सामाजिक क्षेत्राचीही मोठी हानी झाली आहे. त्यांच्या कार्याची आणि योगदानाची आठवण कायम राहील,” अशा शब्दांत भाजी मार्केटचे अध्यक्ष संजय मराठे यांनी भावना व्यक्त केल्या.

या वेळी संजय मराठे, संदीप पाटील, नितीन कांबळे, नावेद खान, विजय पाटील, सयाजी आगलावे, बलराम भोंगे, भरतकुमार, चंद्रकांत शिकले, गणेश मते, पोपट कांबळे, योगेश पैठणे, राजकुमार शेंडकर, अजय पवार, महादेव फुलगामे, अरुण जाधव, अण्णा नायडू, पिंटू मोरे यांच्यासह भाजी मार्केटमधील विक्रेते व मान्यवर उपस्थित होते.