वाकडमध्ये अग्रसेन जयंती उत्साहात साजरी; भव्य रथयात्रेसह विविध कार्यक्रम

वाकडमध्ये अग्रसेन जयंती उत्साहात साजरी; भव्य रथयात्रेसह विविध कार्यक्रम

वाकड : अग्रवाल समाज, पार्क स्ट्रीट, वाकड यांच्या वतीने ११ ऑक्टोबर रोजी महाराजा अग्रसेन जयंतीनिमित्त विविध धार्मिक व सांस्कृतिक कार्यक्रमांचे आयोजन करण्यात आले. यावेळी भव्य रथयात्रा, माता की चौकी व जागरण तसेच दांडिया उत्सव उत्साहात पार पडला. या कार्यक्रमांना समाजबांधवांचा उत्स्फूर्त प्रतिसाद मिळाला.

महाराजा अग्रसेनजींचे आदर्श आणि सामाजिक समरसतेचा संदेश युवा पिढीपर्यंत पोहोचवणे महत्त्वाचे आहे. त्यांच्या विचारांमुळे समाजात एकता, सहकार्य आणि बंधुभावाची भावना दृढ होते, असे मत उद्योजक कृष्णकुमार गोयल यांनी व्यक्त केले. तर प्रमुख आयोजक नितीन अग्रवाल यांनी महाराजा अग्रसेनजी यांचे संस्कार आणि परंपरा पुढील पिढीपर्यंत पोहोचवण्यासाठी दरवर्षी जयंती उत्साहात साजरी केली जात असल्याचे सांगितले.

या प्रसंगी डॉ. ओम अशोक अग्रवाल यांनी महाराजा अग्रसेनजी यांच्या ‘एक रुपया, एक वीट’ या परंपरेतून सामाजिक सहकार्य आणि सामूहिक विकासाचा संदेश मिळत असल्याचे नमूद केले. यावेळी कृष्णकुमार गोयल, नितीन अग्रवाल, डॉ. अशोक अग्रवाल, राजकुमार अग्रवाल, सुरेंद्र अग्रवाल, पवन अग्रवाल, मनीष अग्रवाल, पंकज अग्रवाल, दिनेश अग्रवाल, दीपक अग्रवाल, शांतनु अग्रवाल यांच्यासह समाजातील अनेक मान्यवर उपस्थित होते.

: कृष्णकुमार गोयल

“महाराजा अग्रसेनजी यांचे आदर्श, समाजहिताची विचारधारा आणि सामाजिक समरसतेचा संदेश युवा पिढीपर्यंत पोहोचवणे, हा आमचा प्रमुख उद्देश आहे. त्यांच्या तत्त्वांमुळे समाजात एकता, सहकार्य आणि बंधुभावाची भावना दृढ होण्यास मदत होते.”