पिंपळे निलखचा अभिमान! जगताप बंधूंची जागतिक स्केटिंगमध्ये दणदणीत चमक

पिंपळे निलखचा अभिमान! जगताप बंधूंची जागतिक स्केटिंगमध्ये दणदणीत चमक—सर्वज्ञ प्रथम, सानिध्य द्वितीय क्रमांकाने भारताचा झेंडा उंचावला

पिंपळे निलख |

पिंपळे निलख या उपनगराने पुन्हा एकदा जागतिक क्रीडा नकाशावर आपला ठसा उमटवला आहे. सुबोध जगताप यांच्या घरी जन्मलेले, मेहनत-जिद्द-शिस्त या तीन आधारस्तंभांवर घडलेले जगताप बंधू—कु. सर्वज्ञ सुबोध जगताप आणि कु. सानिध्य सुबोध जगताप यांनी जागतिक स्केटिंग स्पर्धेत थेट भारताचा ‘मेगा परफॉर्मन्स’ सादर करत इतिहास रचला आहे.

जागतिक स्तरावरील या प्रतिष्ठित स्पर्धेत सर्वज्ञने प्रथम क्रमांक पटकावत सुवर्णपदक मिळवले, तर त्याचा भाऊ सानिध्यने अतिशय उत्कृष्ट कामगिरी करत द्वितीय क्रमांकाची रौप्यझळाळी मिळवली. एका कुटुंबातील दोन मुलांनी स्केटिंगच्या विश्वात अशी दुहेरी किमया साधणे हा पिंपळे निलख तसेच पिंपरी-चिंचवड शहरासाठी अभिमानाचा क्षण ठरला आहे.

स्थानिक क्रीडावर्तुळात जगताप बंधूंच्या कामगिरीची जोरदार चर्चा सुरू असून परिसरातील नागरिक, प्रशिक्षक, क्रीडा तज्ज्ञ यांनी बंधूंच्या लगोलग मिळालेल्या जागतिक सन्मानाचे विशेष कौतुक केले आहे. शिस्तबद्ध सराव, सकाळ-संध्याकाळची अविरत तयारी आणि कुटुंबाचा भक्कम पाठिंबा यामुळेच ही ऐतिहासिक कामगिरी शक्य झाल्याचे त्यांच्या प्रशिक्षकांनी सांगितले.

जगताप कुटुंबातील हे दोन्ही रत्न, सर्वज्ञ आणि सानिध्य यांनी मिळवलेली ही दुहेरी यशकहाणी केवळ पुरस्कार नाही, तर पिंपळे निलखमधील प्रत्येक लहान स्केटरला प्रेरणा देणारा मार्गदर्शक प्रकाश आहे.

दोन्ही भावंडांचे मनःपूर्वक अभिनंदन!

भारत, महाराष्ट्र आणि पिंपळे निलखचा झेंडा जागतिक पातळीवर उंचावल्याबद्दल हार्दिक शुभेच्छा!