कु. सानिध्य सुबोध जगतापचे जागतिक स्केटिंग मंचावर दमदार प्रदर्शन —द्वितिय क्रमांक पटकावत भारताचा तिरंगा उंचावला!

पिंपळे निलखचा मान वाढवणारी अभिमानाची बातमी!

कु. सानिध्य सुबोध जगतापचे जागतिक स्केटिंग मंचावर दमदार प्रदर्शन — द्वितिय क्रमांक पटकावत भारताचा तिरंगा उंचावला!

पिंपळे निलख |

पिंपळे निलखचा सुपुत्र कु. सानिध्य सुबोध जगताप याने जागतिक स्तरावरील प्रतिष्ठित स्केटिंग स्पर्धेत थेट द्वितिय क्रमांक पटकवून पिंपरी–चिंचवड तसेच महाराष्ट्राचा लौकिक उज्ज्वल केला आहे. अत्यंत वेग, अचूक संतुलन आणि कौशल्यपूर्ण तंत्र याच्या जोरावर सानिध्यने जगभरातील स्पर्धकांना मागे टाकत ही उल्लेखनीय कामगिरी साधली.

या आंतरराष्ट्रीय स्पर्धेत विविध देशांतील अनुभवी आणि दिग्गज स्केटर्स सहभागी झाले होते. अशा कठीण स्पर्धेत भारतीय खेळाडू म्हणून आत्मविश्वासाने उतरलेला सानिध्य सतत उत्कृष्ट कामगिरी करत अंतिम फेरीत झळकला आणि विजेतेपदावर आपलं नाव कोरलं.

स्थानिक पातळीवर आणि राज्यभरातून त्याच्या या यशाचा मोठ्या प्रमाणात गौरव होत आहे. पिंपळे निलख परिसरात तर आनंदाचं वातावरण असून अनेकांनी सोशल मीडियावरून सानिध्यवर अभिनंदनाचा वर्षाव केला आहे.

त्याच्या पालकांनी आणि प्रशिक्षकांनी व्यक्त केलेल्या आनंदाला पारावर उरले नाही. “सानिध्यने सातत्याने मेहनत, शिस्त आणि जिद्द यांचा मिलाफ साधत हा टप्पा गाठला आहे. भविष्यात तो भारतासाठी सुवर्णपदक नक्कीच घेईल,” असा विश्वास प्रशिक्षकांनी व्यक्त केला.

या कामगिरीमुळे स्थानिक पातळीवर खेळ आणि विशेषत: स्केटिंग क्षेत्राला मोठी चालना मिळेल, असा अंदाज व्यक्त होत आहे. शालेय विद्यार्थी आणि युवकांसाठी सानिध्य प्रेरणादायी ठरत असून “पिंपळे निलखचा हा नवा स्टार” म्हणून त्याचं कौतुक होत आहे.

या उज्वल यशाबद्दल कु. सानिध्य सुबोध जगतापचे हार्दिक अभिनंदन! भारताचा आणि पिंपळे निलखचा तिरंगा उंचावणाऱ्या या उदयोन्मुख स्केटिंग चॅम्पियनला पुढील वाटचालीस शुभेच्छा!