घरकुलमध्ये देशी वृक्षांचा हरितसंकल्प

घरकुलमध्ये देशी वृक्षांचा हरितसंकल्प!

समर्थ हाऊसिंग सोसायटी आणि वृक्षमित्र अरुण पवार यांचा पर्यावरणपूरक उपक्रम; झाडे लावण्यासह जगविण्याचाही निर्धार

पिंपरी, प्रतिनिधी : वाढते शहरीकरण आणि पर्यावरणाचा ऱ्हास रोखण्यासाठी घरकुल परिसरात देशी वृक्षांच्या लागवडीतून हरित चळवळीला चालना देण्यात आली. समर्थ हाऊसिंग सोसायटी, एफ-१६ आणि मराठवाडा जनविकास संघाचे संस्थापक अध्यक्ष तथा वनश्री पुरस्कारप्राप्त वृक्षमित्र अरुण पवार यांच्या संयुक्त विद्यमाने हा वृक्षारोपण उपक्रम राबविण्यात आला.

या उपक्रमांतर्गत पिंपळ, वड, आवळा, चिंच, कडुलिंब, आंबा, जांभूळ, करंज यांसह विविध देशी, फळझाडे आणि पर्यावरणपूरक रोपांची लागवड करण्यात आली. यावेळी सोसायटीचे अध्यक्ष अशोक मगर, मीनाताई मोहिते, सुभाष लांडगे, लक्ष्मण जाधव, रंगनाथ आवारे, बिभीषण पवार, सुग्रीव पाटील, चतुर्भुज चव्हाण यांच्यासह सोसायटीचे सभासद तसेच स्वामी महिला बचत गट आणि समर्थ महिला बचत गटाच्या सदस्यांनी सहभाग घेतला.

वृक्षारोपणापुरते मर्यादित न राहता लावलेली सर्व झाडे जगविण्याचा संकल्प रहिवाशांनी केला. अरुण पवार यांनी यापूर्वी जांबवडे येथील भंडारा डोंगर पायथ्याशी एक हजार झाडांचे वृक्षारोपण केले आहे. राज्यभरात आतापर्यंत ५० हजारांहून अधिक झाडे लावून त्यांचे संगोपन करण्याचे काम त्यांनी केले आहे. त्यांच्या या पर्यावरण संवर्धनाच्या कार्याचे घरकुलमधील रहिवाशांनी कौतुक केले.

“दुष्काळावर मात करण्यासाठी प्रत्येकाने झाडे लावून ती जगविणे आवश्यक आहे. कुटुंबातील प्रत्येक व्यक्तीमागे किमान एक झाड लावले पाहिजे. ‘एक व्यक्ती, एक झाड’ ही संकल्पना प्रत्येक कुटुंबाने स्वीकारली, तर पर्यावरण संवर्धनाला मोठी मदत होईल. प्रशासनानेही या संकल्पनेची गांभीर्याने अंमलबजावणी करावी.”

— अरुण पवार, संस्थापक अध्यक्ष, मराठवाडा जनविकास संघ तथा वनश्री पुरस्कारप्राप्त वृक्षमित