पिंपळे निलखमध्ये समाजसेवेचा सुंदर आदर्श; हुशार विद्यार्थ्याला सायकल देऊन शिक्षणासाठी दिला आधार

पिंपळे निलखमध्ये समाजसेवेचा सुंदर आदर्श; हुशार विद्यार्थ्याला सायकल देऊन शिक्षणासाठी दिला आधार

पिंपळे निलख : शिक्षणासाठी जिद्द असलेल्या एका विद्यार्थ्याला मदतीचा हात देत मैत्री आधार सामाजिक संस्था, पिंपळे निलख यांनी समाजसेवेचा सुंदर आदर्श घालून दिला आहे.

आपल्या गावातील हुशार विद्यार्थी कु. योगेश दत्ता अवचार हा इयत्ता ९ वीमध्ये श्री महातोबा तुकाराम बालवडकर विद्यालय, बालेवाडी येथे शिक्षण घेत आहे. शाळा घरापासून लांब असल्यामुळे योगेशला दररोज तब्बल ३ ते ४ किलोमीटर अंतर पायी चालत जावे लागत होते.

योगेशचे वडील श्री दत्ता अवचार हे माळी व वॉचमन म्हणून काम करून कुटुंबाचा उदरनिर्वाह करतात. आर्थिक परिस्थिती साधी असतानाही मुलाच्या शिक्षणासाठी त्यांची धडपड सुरू आहे.

ही बाब लक्षात घेऊन मैत्री आधार सामाजिक संस्था, पिंपळे निलख यांच्या वतीने योगेशला सायकल भेट देत शिक्षणासाठी मदतीचा हात देण्यात आला. या उपक्रमामुळे योगेशचा शाळेचा प्रवास सुलभ झाला असून त्याच्या शिक्षणाला मोठा आधार मिळाला आहे.

या समाजोपयोगी कार्याबद्दल परिसरातील नागरिकांकडून संस्थेचे कौतुक करण्यात येत आहे. शिक्षणासाठी मदतीचा हा छोटासा प्रयत्न अनेक विद्यार्थ्यांच्या आयुष्यात मोठा बदल घडवू शकतो, अशी भावना यावेळी व्यक्त करण्यात आली.