पिंपळे निलखमध्ये काकड आरती सोहळ्याची भव्य सांगता

पिंपळे निलखमध्ये काकड आरती सोहळ्याची भव्य सांगता

 

पिंपळे निलख येथील भैरवनाथ–विठ्ठल रुक्मिणी मंदिरात गेल्या सदतीस दिवसांपासून सुरू असलेल्या काकड आरती सोहळ्याची सांगता बुधवार, १२ नोव्हेंबर २०२५ (कालाष्टमी) रोजी भक्तिमय वातावरणात झाली. या सांगतीनिमित्त आयोजित कीर्तनरूपी सेवेमुळे परिसर दिण्ड्या-ताळांच्या निनादाने दुमदुमून गेला.

सांगतीचे प्रमुख वक्ते हभप सचिन महाराज पवार (आळंदी) यांनी सुश्राव्य कीर्तनातून भक्तांना अध्यात्मिक आनंद दिला. कीर्तनादरम्यान पंचक्रोशीतील नामवंत गायक-वादक आणि हरिभक्त मोठ्या संख्येने उपस्थित होते. विशेषतः मुळशी भूषण हभप अरुण महाराज येवले गुरुजी, हभप मृदुगाचार्य पांडुरंग दातीर, तसेच इतर मान्यवर कलाकारांच्या उपस्थितीने सोहळ्यास अधिक भक्तिमय रंग चढला.

कीर्तनरूपी सेवा संपल्यानंतर जवळपास १२०० भाविकांसाठी महाप्रसाद आयोजित करण्यात आला होता. या सर्व कार्यक्रमाचे उत्तम नियोजन पिंपळे निलख ग्रामस्थ, विठ्ठल–रुक्मिणी भजनी मंडळ, तसेच सामाजिक कार्यकर्ते भरत इंगवले आणि त्यांच्या सहकाऱ्यांनी अतिशय सुंदररीत्या पार पाडले.

भक्ती, सेवा आणि समर्पणाच्या माध्यमातून पार पडलेल्या या सोहळ्याने पिंपळे निलख परिसरात आध्यात्मिक उर्जा निर्माण केली असून, एकात्मता आणि सदभावनेचेही दर्शन घडवले.प