आसबेवाडी मध्ये बालदिन कार्यक्रमाला उत्स्फूर्त प्रतिसाद; विद्यार्थ्यांसाठी खाऊ व प्रेरणादायी मार्गदर्शन

मंगळवेढा प्रतिनिधी / आसबेवाडी

जिल्हा परिषद शाळा, आसबेवाडी येथे बालदिनानिमित्त आज उत्साहपूर्ण कार्यक्रमांचे आयोजन करण्यात आले. या विशेष उपक्रमात माननीय पोलीस पाटील महेश आसबे, डॉ. रणजीत आसबे आणि प्रगतशील बागायतदार किरण आसबे यांच्या वतीने विद्यार्थ्यांना खाऊचे वाटप करण्यात आले.

कार्यक्रमात सामाजिक भान जपत विद्यार्थ्यांना प्रेरणादायी मार्गदर्शन मिळाले. उपस्थित मान्यवरांनी मुलांच्या शिक्षणाबाबत सकारात्मक दृष्टीकोन ठेवत, मेहनत, शिस्त व स्वप्नपूर्तीबाबत प्रोत्साहनपर संदेश दिले.

बालदिनानिमित्त आयोजित या उपक्रमाला विद्यार्थ्यांसह पालक व शिक्षकांनीही उत्स्फूर्त प्रतिसाद दिला. मुलांच्या चेहऱ्यावर आनंद फुलला असून अशा उपक्रमांमुळे विद्यार्थ्यांमध्ये सकारात्मकता आणि आत्मविश्वास वाढण्यास मदत होत असल्याचे मत ग्रामस्थांनी व्यक्त केले.