डॉ. रामकृष्णदास महाराज लहवितकरांचा अमृत महोत्सवी वर्ष : ७५ कीर्तनकार–प्रवचनकारांचा भव्य सत्कार

डॉ. रामकृष्णदास महाराज लहवितकरांचा अमृत महोत्सवी वर्ष : ७५ कीर्तनकार–प्रवचनकारांचा भव्य सत्कार

नवी सांगवी | ६ डिसेंबर

पिंपळे गुरव येथील कै. गणपतराव जगताप प्रतिष्ठान आणि महाराष्ट्र राज्य वारकरी महामंडळ, पिंपरी-चिंचवड यांच्या संयुक्त विद्यमाने जगदगुरू व्दाराचार्य विद्यावाचस्पती डॉ. रामकृष्णदास महाराज लहवितकर यांच्या अमृत महोत्सवी वर्षानिमित्त भव्य अभिष्टचिंतन सोहळा आणि ७५ मान्यवर कीर्तनकार, प्रवचनकार व गायनाचार्यांचा सत्कार सोहळा आयोजित करण्यात आला आहे.

हा सोहळा नवी सांगवीतील संस्कृती लॉन्स येथे ६ डिसेंबर रोजी सकाळी ९ वाजता भव्य दिमाखात होणार असल्याची माहिती शहराध्यक्ष विजूअण्णा जगताप, राजेंद्र जगताप, संजय जगताप आणि गोसेवक विजय जगताप यांनी दिली.

भव्य उद्घाटन व मान्यवरांची उपस्थिती

कार्यक्रमाचे उदघाटन जगतगुरू श्रीमद् शंकराचार्य स्वामी विद्यानृसिंह भारतीजी महाराज (करवीर पीठाधीश्वर) यांच्या शुभहस्ते संपन्न होणार आहे.

कार्यक्रमाच्या अध्यक्षस्थानी राज्याचे उपमुख्यमंत्री अजित पवार तसेच आमदार शंकर जगताप हे लाभणार आहेत.

सकाळी ९ ते ११ या वेळेत भागवताचार्य ह.भ.प. संतोष महाराज पायगुडे यांची प्रेरणादायी कीर्तनसेवा रंगणार आहे.

अनेक मान्यवरांची उपस्थिती

सोहळ्यास विधानसभेचे उपाध्यक्ष अण्णा बनसोडे, माजी आमदार विलास लांडे, अश्विनीताई जगताप, आमदार शंकर मांडेकर, माजी नगरसेवक आप्पासाहेब रेणुसे, राष्ट्रवादी काँग्रेसचे शहराध्यक्ष योगेश बहल, भाजप शहराध्यक्ष शत्रुघ्न काटे, नाना काटे, भाऊसाहेब भोईर, अतुल शितोळे, स्वाती (माई) काटे, सुरेश भोईर, प्रशांत शितोळे आदी मान्यवर उपस्थित राहणार आहेत.

कार्यक्रमाचे सूत्रसंचालन ह.भ.प. शेखर महाराज जांभुळकर करणार आहेत.