जपानच्या पर्यटन अभ्यासासाठी अमित कुलकर्णी यांची निवड

जपानच्या पर्यटन अभ्यासासाठी अमित कुलकर्णी यांची निवड

२२ देशांतील प्रतिनिधींमध्ये भारताचे प्रतिनिधित्व; ‘गेट सेट गो हॉलिडेज’चा आंतरराष्ट्रीय उपक्रमात सहभाग

पुणे : जपानमधील पर्यटनाच्या विविध पैलूंचा अभ्यास करण्यासाठी पुण्यातील ‘गेट सेट गो हॉलिडेज’चे संस्थापक आणि अनुभवी टूर लीडर अमित कुलकर्णी यांची ‘व्हीजेटीएम जपान २०२६’ या आंतरराष्ट्रीय पर्यटन उपक्रमासाठी निवड झाली. जपान नॅशनल टुरिझम ऑर्गनायझेशनच्या (जेएनटीओ) विशेष निमंत्रणावरून त्यांनी या उपक्रमात भारताचे प्रतिनिधित्व केले. या कार्यक्रमात २२ देशांतील पर्यटन क्षेत्रातील प्रतिनिधींनी सहभाग घेतला. त्यामध्ये कुलकर्णी हे भारतातून निवडलेले एकमेव प्रतिनिधी होते.

या दौऱ्यात जपानमधील पर्यटन संस्था, स्थानिक पर्यटन मंडळे, हॉटेल्स आणि अनुभवाधारित पर्यटन सेवांची माहिती घेण्यात आली. तसेच इकोहॉ, निक्को, ओया हिस्ट्री म्युझियम, बांबू फार्म, बांबू हस्तकला कार्यशाळा आणि साके मद्यनिर्मिती केंद्रांना भेट देण्यात आली. जपानची संस्कृती, खाद्यपरंपरा, ग्रामीण पर्यटन, स्थानिक उद्योग आणि ऐतिहासिक वारसा यांचा जवळून अभ्यास करण्यात आला. या अनुभवातून भारतीय पर्यटकांसाठी जपानमधील पारंपरिक पर्यटनस्थळांसोबतच वेगळे आणि स्थानिक संस्कृतीशी जोडलेले पर्यटन अनुभव उपलब्ध करून देण्याच्या संधींचा अभ्यास करण्यात आला.

या आंतरराष्ट्रीय सहभागामुळे ‘गेट सेट गो हॉलिडेज’ला जपानमधील पर्यटनाच्या नव्या संधी जाणून घेता आल्या आहेत. जपानमधील वैशिष्ट्यपूर्ण पर्यटनस्थळे आणि अनुभव भारतीय पर्यटकांपर्यंत पोहोचविण्यासाठी या अभ्यासाचा उपयोग होणार आहे. तसेच भारत आणि जपान यांच्यातील पर्यटनविषयक सहकार्य वाढविण्याच्या दृष्टीनेही हा सहभाग महत्त्वाचा ठरणार आहे.

“जपानची ओळख केवळ टोकियो, माउंट फुजी किंवा बुलेट ट्रेनपुरती मर्यादित नाही. तेथील संस्कृती, स्थानिक जीवनशैली आणि वैशिष्ट्यपूर्ण अनुभव भारतीय पर्यटकांपर्यंत पोहोचविण्याचा आमचा प्रयत्न आहे. या सहभागामुळे भारतीय पर्यटकांसाठी जपानमधील नवीन पर्यटनस्थळे आणि वेगळे अनुभव देणाऱ्या सहली विकसित करण्यास मदत होणार आहे._अमित कुलकर्णी, संस्थापक, गेट सेट गो हॉलिडेज