पुण्यात टोटल स्पोर्ट्स अँड फिटनेसचे फ्लॅगशिप स्टोअर; वाढत्या फिटनेस ट्रेंडला चालना
क्रीडा व फिटनेस क्षेत्रातील वाढत्या मागणीचा वेध घेत Total Sports and Fitness या मल्टी-ब्रँड रिटेल चेनने पिंपरी-चिंचवड परिसरातील भुमकर चौक येथे आपले फ्लॅगशिप स्टोअर सुरू केले आहे. रायझ अल्टा प्राइम प्लाझा येथे उभारण्यात आलेले हे स्टोअर क्रीडाप्रेमी, फिटनेस उत्साही आणि सक्रिय जीवनशैली स्वीकारणाऱ्या नागरिकांसाठी एकाच छताखाली सर्व सुविधा उपलब्ध करून देणारे ठरणार आहे. पुण्यासारख्या वेगाने विकसित होत असलेल्या शहरात या स्टोअरच्या माध्यमातून कंपनीने आपली उपस्थिती अधिक बळकट केली आहे.
सुमारे ५,००० चौ. फूट क्षेत्रफळ असलेल्या या स्टोअरमध्ये १०० हून अधिक ब्रँड्सची ५,००० पेक्षा जास्त उत्पादने उपलब्ध करून देण्यात आली आहेत. नवशिक्यांपासून व्यावसायिक खेळाडूंपर्यंत सर्वांसाठी आवश्यक क्रीडा साहित्य, फिटनेस उपकरणे आणि अॅक्टिव्ह लाइफस्टाइल उत्पादने येथे मिळणार आहेत. ग्राहकांना त्यांच्या गरजेनुसार योग्य पर्याय निवडता यावा यासाठी प्रशिक्षित टीमकडून मार्गदर्शनाची सुविधा देण्यात आली आहे. २००३ पासून कार्यरत असलेल्या कंपनीवर आतापर्यंत ६ लाखांहून अधिक ग्राहकांनी विश्वास दाखवला आहे.
स्टोअरच्या उद्घाटनावेळी कंपनीचे संस्थापक व व्यवस्थापकीय संचालक Niteen Shah यांनी सांगितले की, भारतात फिटनेसबाबत जागरूकता झपाट्याने वाढत असून लोक प्रत्यक्ष कृतीकडे वळत आहेत. देशातील क्रीडा व फिटनेस बाजार झपाट्याने विस्तारत असून शहरीकरण, वाढती आरोग्य जागरूकता आणि वाढते उत्पन्न यामुळे या क्षेत्राला चालना मिळत आहे. पुण्यात फिटनेस ही जीवनशैली बनत असल्याने या नव्या स्टोअरमुळे कंपनीच्या विस्ताराला अधिक गती मिळण्याची अपेक्षा व्यक्त होत आहे.
संपादक : भाग्यश्री बि एम/ Golden Penn
