संविधान दिन साजरा — लिनियर गार्डन ज्येष्ठ नागरिक संघ, पिंपळे सौदागर

संविधान दिन साजरा — लिनियर गार्डन ज्येष्ठ नागरिक संघ, पिंपळे सौदागर 

पिंपळे सौदागर, पुणे —

लिनियर गार्डन ज्येष्ठ नागरिक संघाच्या सभासदांच्या वतीने आज संविधान दिन अत्यंत शिस्तबद्ध व उत्साहपूर्ण वातावरणात पाळण्यात आला. या प्रसंगी उपस्थित सदस्यांनी सामूहिकरीत्या संविधानाची प्रतिज्ञा घेत भारताच्या संविधानाबद्दल आदर आणि निष्ठा व्यक्त केली.

कार्यक्रमाच्या आयोजनासाठी महापालिका कर्मचाऱ्यांनी मोलाचे सहाय्य केले.

अध्यक्ष अशोक वारकर यांच्या मार्गदर्शनाखाली कार्यक्रमाचे सुयोग्य नियोजन करण्यात आले.

या सोहळ्यास हरिओम तिवारी, दगाजीराव पाटील, सी. व्ही. ब्राह्मणकर, सुरेश बर्डे, शरदकांत नेरकर, सौ. अश्विनीताई शेकटकर, सौ. छायाताई वायकर आणि सौ. कीर्तीमाला मोरे यांचे विशेष सहकार्य लाभले.

ज्येष्ठ नागरिकांच्या सहभागातून संविधान दिनाचा संदेश अधिक प्रभावीपणे समाजापर्यंत पोहोचल्याची भावना सर्वांनी व्यक्त केली.