राजकीय प्रतिमा निर्मिती आणि ब्रॅण्डिंगच्या क्षेत्रात महाराष्ट्रात विश्वासार्ह ओळख निर्माण करणारे संतोष (आप्पा) डिंगणकर

पुणे | प्रतिनिधी

राजकीय प्रतिमा निर्मिती आणि ब्रॅण्डिंगच्या क्षेत्रात महाराष्ट्रात विश्वासार्ह ओळख निर्माण करणारे संतोष (आप्पा) डिंगणकर हे नाव आज अग्रस्थानी मानले जाते. पत्रकारितेतील प्रदीर्घ अनुभव, सामाजिक व राजकीय प्रश्नांची सखोल जाण आणि रणनीती आखण्याची विलक्षण क्षमता यामुळे त्यांनी 1990 साली “चिंतन” संस्थेची स्थापना केली. या संस्थेमार्फत त्यांनी राजकीय माध्यम व्यवस्थापनाला एक नवे परिमाण दिले.

डिंगणकर यांची कार्यपद्धती ही जमिनीशी जोडलेली आणि अत्यंत अभ्यासपूर्ण आहे. पारंपरिक सर्व्हे पद्धतीवर अवलंबून न राहता ते थेट लोकांमध्ये जाऊन संवाद साधतात, त्यांच्या भावना आणि अपेक्षा समजून घेतात. यामुळे त्यांच्या सर्व्हेचे निष्कर्ष अत्यंत अचूक ठरतात. जनमताचा कल ओळखून त्यानुसार प्रचार रणनीती आखणे ही त्यांची खासियत ठरली आहे.

नारायण राणे, विलासराव देशमुख, सुशीलकुमार शिंदे यांसारख्या दिग्गज नेत्यांच्या निवडणुकीत त्यांनी महत्त्वाची भूमिका बजावली आहे. महाराष्ट्राबरोबरच उत्तर प्रदेश, गुजरात आणि मध्य प्रदेशमध्येही त्यांनी यशस्वी कामगिरी केली. विशेषतः मायावती यांच्या निवडणुकीतील अचूक अंदाजामुळे त्यांचे कार्य देशभर चर्चेत आले आणि “चिंतन” संस्था म्हणजे यशाची खात्री अशी ओळख निर्माण झाली.

व्यावसायिक यशाबरोबरच सामाजिक बांधिलकी जपणारे डिंगणकर यांनी आंतरजातीय विवाहांना प्रोत्साहन देणे, पुस्तक दान, तसेच एड्स, गुटखा आणि लोकसंख्या नियंत्रणाविषयी जनजागृती अशा विविध उपक्रमांतून समाजाला दिशा दिली आहे. राजकीय माध्यम व्यवस्थापनाला व्यापक स्वरूप देणारे हे व्यक्तिमत्त्व आज अनेकांसाठी प्रेरणास्थान ठरत असून, त्यांचा प्रवास पुढील काळातही यशाची नवी शिखरे गाठत राहो, अशी अपेक्षा व्यक्त होत आहे.