पुण्यस्मरणातून समाजसेवेचा आदर्श — अंध मुलांना ब्लँकेट व भोजनदान

पुण्यस्मरणातून समाजसेवेचा आदर्श — अंध मुलांना ब्लँकेट व भोजनदान

पिंपळे निलख प्रतिनिधी —

मैत्री आधार सामाजिक संस्था, पिंपळे निलख यांच्या सौजन्याने संस्थेच्या सभासद श्रीमती शोभाताई परशुराम शिंदे यांच्या वतीने पती कै. परशुराम जगन्नाथ शिंदे यांच्या दहाव्या पुण्यस्मरणानिमित्त समाजोपयोगी उपक्रम राबविण्यात आला. थंडीपासून संरक्षण मिळावे या उद्देशाने ममता अंध कल्याण अनाथ संस्था, पिंपळे गुरव येथील अंध मुलांना ब्लँकेटचे वाटप करण्यात आले.

याचबरोबर या मुलांना एक वेळचे सकस भोजनही देऊन मानवतेचा संदेश देण्यात आला. या उपक्रमामुळे थंडीच्या दिवसांत गरजू अंध मुलांना दिलासा मिळाला असून उपस्थितांमध्ये समाधानाची भावना व्यक्त होत होती.

या संपूर्ण उपक्रमासाठी मैत्री आधार सामाजिक संस्थेचे कार्याध्यक्ष आदरणीय भरत इंगवले यांनी पुढाकार घेऊन कार्य यशस्वीरीत्या पार पाडले. पुण्यस्मरणाच्या निमित्ताने केलेली ही मदत समाजात माणुसकी, सहवेदना आणि सेवाभावाची प्रेरणा देणारी ठरली आहे.