पिंपळे निलखची सुकन्या शौर्या इंगवले हिची राष्ट्रीय स्तरावर चमकदार कामगिरी!

पिंपळे निलखची सुकन्या शौर्या इंगवले हिची राष्ट्रीय स्तरावर चमकदार कामगिरी! 

पिंपळे निलखची सुकन्या शौर्या गणेश इंगवले हिने सब-ज्युनिअर राष्ट्रीय फेन्सिंग स्पर्धेत वैयक्तिक तसेच टीम इव्हेंटमध्ये दमदार खेळ करत दोन कांस्य पदकांची कमाई केली आहे. तिच्या या अभिमानास्पद यशाबद्दल सर्वत्र अभिनंदनाचा वर्षाव होत आहे.

वयाच्या केवळ १३ वर्षांमध्ये महाराष्ट्राचे प्रतिनिधित्व करताना शौर्याने ३ ते ८ नोव्हेंबर २०२५ या कालावधीत मणिपूर येथे झालेल्या राष्ट्रीय स्पर्धेत उल्लेखनीय प्रदर्शन केले.

रविंद्रनाथ टागोर स्कूल ऑफ एक्सलन्स (बालेवाडी) येथे शिक्षण घेत असलेल्या शौर्याने वैयक्तिक गटात तामिळनाडूच्या प्रतिस्पर्ध्याचा १५–१ असा एकतर्फी पराभव करून आपले कौशल्य सिद्ध केले.

टीम कॅटगरीतही शौर्याने उल्लेखनीय कामगिरी करत महाराष्ट्राला पदक मिळवून दिले. पंजाबविरुद्ध झालेल्या रोमांचक सामन्यात महाराष्ट्राने ४५–४३ असा विजय मिळवताना शौर्याचे २२ गुण एकट्याने कमावणे ही निश्चितच चमकदार बाब ठरली.

या यशामागे तिचे आई-वडील तसेच मार्गदर्शन करणारे प्रशिक्षक —

मुख्य प्रशिक्षक सौ. श्वेता मॅडम,

बोम्मई सर, व्हिक्टर सर, आणि बेनिश सर

यांच्या समर्पित प्रशिक्षणाचा मोठा वाटा आहे.