पिंपळे निलख मैत्री आधार सामाजिक संस्थेतर्फे पत्रकार बजरंग मसाळ यांचा सन्मान

पिंपळे निलख मैत्री आधार सामाजिक संस्थेतर्फे पत्रकार बजरंग मसाळ यांचा सन्मान

पिंपळे निलख येथील मैत्री आधार सामाजिक संस्था यांच्या वतीने सामाजिक व पत्रकारितेच्या क्षेत्रात सातत्यपूर्ण व निर्भीड कार्य करणारे पत्रकार बजरंग मसाळ यांचा सन्मान करण्यात आला. यावेळी त्यांना जाहिरात स्वरूपात मदत देत संस्थेने सामाजिक बांधिलकीचे उत्तम उदाहरण सादर केले.

संस्थेचे ज्येष्ठ मार्गदर्शक ह.भ.प. माऊली मुरकुटे, बाळासाहेब धरपळे, भरत इंगवले, प्रकाश मुळे, प्रभाकर भारती यांनी पत्रकार मसाळ यांच्या उपनगरातील सामाजिक व पत्रकारितेतील कार्याची दखल घेत त्यांना प्रेरणा, प्रोत्साहन व शुभेच्छा दिल्या.

“हा सन्मान म्हणजे आमच्या कार्याची पावती असून, अधिक जबाबदारीने समाजहितासाठी कार्य करण्याची ऊर्जा देणारा आहे,” अशी भावना यावेळी पत्रकार बजरंग मसाळ यांनी व्यक्त केली.

या प्रसंगी राजेंद्र टकले (संस्थापक), संदीप साठे, जयवंत रानवडे, सतीश रानवडे, बापूसाहेब गायकवाड आदी मान्यवर उपस्थित होते.

हा सन्मान केवळ एका पत्रकाराचा गौरव नसून, सत्य, निर्भीडता आणि सामाजिक बांधिलकीच्या पत्रकारितेचा गौरव असल्याची भावना उपस्थितांमध्ये व्यक्त होत होती.