पद्मश्री अशोक सराफ व ज्येष्ठ अभिनेत्री निवेदिता सराफ यांच्या हस्ते “मॅजिक” चित्रपटाचा टीजर लाँच

1. पद्मश्री अशोक सराफ व ज्येष्ठ अभिनेत्री निवेदिता सराफ यांच्या हस्ते “मॅजिक” चित्रपटाचा टीजर लाँच

सायकोलॉजिकल थ्रिलर असलेल्या “मॅजिक”चा रंजक टीजर सोशल मीडियावर प्रदर्शित

चित्रपट १ जानेवारीला प्रेक्षकांच्या भेटीला

पुणे : अनेक आंतरराष्ट्रीय चित्रपट महोत्सवांत गौरव प्राप्त केलेला “मॅजिक” हा सायकोलॉजिकल थ्रिलर चित्रपट येत्या १ जानेवारीला प्रदर्शित होत आहे. एन्काऊंटर स्पेशलिस्ट असलेल्या एका पोलिस अधिकाऱ्याच्या आयुष्यात घडणाऱ्या अचानक पलटणाऱ्या घटनांची गुंतागुंतीची कथा या चित्रपटात मांडण्यात आली आहे.

नुकताच या चित्रपटाचा टीजर मराठी सिनेसृष्टीचे महानायक पद्मश्री अशोक सराफ आणि सुप्रसिद्ध ज्येष्ठ अभिनेत्री निवेदिता जोशी सराफ यांच्या हस्ते सोशल मीडियावर लाँच करण्यात आला. या टीजरला प्रेक्षकांकडून उत्स्फूर्त प्रतिसाद मिळत आहे.

निर्मिती – दिग्दर्शन – कथानक

तुतरी व्हेंचर्सचे राजू सत्यम यांनी यापूर्वी बॉलीवूड व तमिळ चित्रपटांची निर्मिती केली असून, “मॅजिक” द्वारे ते मराठी चित्रपटसृष्टीत निर्माता म्हणून पदार्पण करत आहेत. चित्रपटाचे दिग्दर्शन रवींद्र विजया करमरकर यांचे असून कथा योगेश विनायक जोशी व रवींद्र विजया करमरकर यांनी लिहिली आहे. पटकथा व संवाद योगेश विनायक जोशी आणि अभिषेक देशमुख यांनी लिहिले आहेत.

छायांकन केदार फडके, संगीत देवेंद्र भोमे व चिनार–महेश, कला दिग्दर्शन महेश कुडाळकर यांनी सांभाळले आहे.

कलाकार

चित्रपटात जितेंद्र जोशी एन्काउंटर स्पेशलिस्टच्या प्रमुख भूमिकेत झळकत असून, त्यांच्यासोबत सिद्धीरुपा करमरकर, जुई भागवत, प्रियांका पालकर, मयूर खांडगे, अभिजित झुंजारराव, रूपा मांगले, नितीन भजन, गुरुराज कुलकर्णी, योगेश केळकर, प्रदीप डोईफोडे, रसिकराज यांसारख्या कलाकारांच्या भूमिका आहेत.