आवारे यांची १२ मे २०२३ रोजी तळेगाव नगरपरिषदेसमोर गोळ्या झाडून हत्या झाली होती. या प्रकरणाचा सत्र खटला क्रमांक ५४/२०२३ वडगाव मावळ येथील अतिरिक्त सत्र न्यायालयात सुरू आहे. प्रकरणातील इलेक्ट्रॉनिक पुरावे आणि प्रत्यक्षदर्शी साक्षीदारांचे जबाब महत्त्वाचे असल्याने त्यांना सातत्याने पोलिस संरक्षण देण्याची मागणी यावेळी करण्यात आली. साक्षीदार मोहसीन मुलाणी यांनी हत्येपूर्वी कटाची माहिती मिळाल्याचा आणि आवारे यांना सावध केल्याचा दावा केला. तसेच सुधाकर शेळके यांनी आवारे यांच्या हत्येसाठी २० लाख रुपये दिल्याचे आपल्या समक्ष पाहिल्याचा आरोप त्यांनी केला.

या प्रकरणातील प्रत्यक्षदर्शी साक्षीदार आकाश जगताप यांनी घटनेचे मोबाईलमध्ये व्हिडिओ रेकॉर्डिंग केल्याचा दावा करण्यात आला. संदीप गराडे यांनी डोक्याला बंदूक लावून साक्ष देऊ नये, अशी धमकी दिल्याचा आरोप जगताप यांनी केला आहे. तर अनिल पवार यांनी पोलिस संरक्षण काढून घेतल्याचा तसेच राजकीय पदाचा गैरवापर करून आपल्यावर मोक्का कायद्यांतर्गत कारवाई केल्याचा आरोप केला. दत्तात्रय पारगे यांनीही जानेवारी २०२६मध्ये खोटी साक्ष देण्यासाठी दबाव आणल्याचा आणि ३० मार्च रोजी मध्यरात्री घरी येऊन धमकी दिल्याचा दावा केला. मिलिंद अच्युत यांनीही धमकी मिळाल्याचे न्यायालयाच्या निदर्शनास आणून दिल्याचे पत्रकार परिषदेत सांगण्यात आले.

साक्षीदारांच्या सुरक्षेचा प्रश्न पुन्हा ऐरणीवर आणत धमकी देणाऱ्यांवर तातडीने कारवाई करावी, महत्त्वाच्या साक्षीदारांना सातत्याने पोलिस संरक्षण द्यावे आणि त्यांच्या सुरक्षेची जबाबदारी निश्चित करावी, अशी मागणी करण्यात आली. पत्रकार परिषदेला आकाश जगताप, मोहसीन मुलाणी, अनिल पवार, मिलिंद अच्युत, दत्ता पारगे, निलेश पारगे, सुनिल करंडे आदी उपस्थित होते. दरम्यान, २० लाख रुपयांचा व्यवहार, धमक्यांचे आरोप, पोलिस संरक्षण काढल्याचा दावा आणि मोक्का कारवाईबाबत करण्यात आलेले आरोप हे संबंधित व्यक्तींचे दावे असून त्यांची स्वतंत्र न्यायालयीन पडताळणी होणे बाकी आहे. या प्रकरणाची उच्च न्यायालयातील पुढील सुनावणी २४ सप्टेंबर २०२६ रोजी, तर सत्र न्यायालयातील सुनावणी १ ऑक्टोबर २०२६ रोजी होणार आहे.

The post साक्ष बदलण्यासाठी धमक्या? आवारे खून खटल्यात साक्षीदारांची सुरक्षा ऐरणीवर appeared first on GOLDEN PENN.

यमन व मधुकंस रागातील बंदिशींनी रंगली मैफल; स्वरश्री संगीत फाउंडेशनतर्फे वाकड येथे आयोजन

पिंपरी, प्रतिनिधी : स्वरश्री संगीत फाउंडेशनतर्फे अखिल भारतीय गांधर्व महाविद्यालयाचे सचिव व प्रसिद्ध शास्त्रीय गायक पंडित सुधाकर चव्हाण यांच्या गुरुपूजनाचे आयोजन म्हातोबा मंदिर सभागृह, वाकड येथे करण्यात आले. रसिकांचा उत्स्फूर्त प्रतिसाद लाभलेल्या या कार्यक्रमाची सुरुवात नगरसेविका श्रुतीताई वाकडकर, रेश्माताई भुजबळ, पखवाजवादक ह.भ.प. तुकाराम भुमकर, कीर्तनकार ह.भ.प. लहू महाराज जमदाडे आणि गायक नामदेव शिंदे यांच्या हस्ते झाली. पहिल्या सत्रात स्वरश्री संगीत विद्यालयाच्या विद्यार्थ्यांनी विविध रागांतील बंदिशी व छोटेख्याल सादर केले.

पहिल्या सत्राचा समारोप नामदेव शिंदे यांच्या गायनाने झाला. त्यांनी विलंबित एकतालातील शुद्ध सारंग रागानंतर ‘अधिक देखणे तरी निरंजन पाहणे’ हे भजन सादर केले. दुसऱ्या सत्रात विद्यार्थ्यांचे गायन आणि विक्रम शिंदे यांच्या शिष्यांचे तबलावादन झाले. हार्मोनियम, तबला, पखवाज, टाळ व तानपुऱ्याची साथ लाभली. निवेदन हेमंत पुणेकर आणि आकाश थिटे यांनी केले.

कार्यक्रमाचे मुख्य आकर्षण पंडित सुधाकर चव्हाण यांचे शास्त्रीय गायन ठरले. त्यांनी यमन रागातील विलंबित एकतालातील ‘काहे सखी…’ व ‘श्याम बजाये आज मुरलिया’ या बंदिशी, तसेच शिवानंद स्वामी यांनी रचलेली मधुकंस रागातील ‘बनरा रे संग आजा…’ ही बंदिश सादर केली. त्यांच्या सुरेल आणि प्रगल्भ गायनाला रसिकांनी उत्स्फूर्त दाद दिली. हार्मोनियमवर गंगाधर शिंदे, तबल्यावर पंडित दत्तात्रय भावे, पखवाजवर गंभीर महाराज अवचार, टाळावर मकरंद बादरायणी, गायन साथसंगतीला शिवानंद स्वामी आणि तानपुऱ्यावर अभयसिंह वाघचौरे व विवेक गवळी यांनी साथ दिली.

The post पंडित सुधाकर चव्हाण यांच्या गुरुपूजन सोहळ्याला रसिकांची उत्स्फूर्त दाद appeared first on GOLDEN PENN.

चॅलेंजर पब्लिक स्कूलमधील कथित आर्थिक अफरातफर व गैरव्यवहाराच्या प्रकरणात निष्पक्ष चौकशीची मागणी

पिंपळे सौदागर, दि. ३१ ऑगस्ट २०२६ : चॅलेंजर पब्लिक स्कूलमधील कथित आर्थिक अफरातफर, आर्थिक गैरव्यवहार आणि निधीच्या गैरवापराबाबत वारंवार तक्रारी करूनही पोलिसांकडून ठोस कारवाई होत नसल्याचा आरोप चॅलेंजर पब्लिक स्कूलच्या संचालिका तथा नगरसेविका सौ. अनिताताई संदीप काटे यांनी केला आहे. संबंधित प्रकरणाची निष्पक्ष आणि सखोल चौकशी करून उपलब्ध पुरावे व कागदपत्रांच्या आधारे दोषींवर कारवाई करावी, अशी मागणी त्यांनी केली आहे.

अनिताताई काटे यांच्या माहितीनुसार, १९ ऑगस्ट २०२६ रोजी न्यू सांगवी पोलीस ठाण्याच्या पोलीस निरीक्षकांकडे निवेदन देण्यात आले आहे. सुधीर निंगडे हे पूर्वी संस्थेत कार्यरत असताना त्यांच्या कार्यकाळातील आर्थिक व्यवहारात कथित अफरातफर, आर्थिक गैरव्यवहार तसेच निधीच्या गैरवापराबाबत आरोप करण्यात आले आहेत. या प्रकरणाबाबत आवश्यक कागदपत्रांसह यापूर्वीही तक्रारी करण्यात आल्याचे त्यांनी सांगितले. संबंधित पोलीस अधिकारी व कर्मचाऱ्यांशी संपर्क साधून तक्रारीचा वारंवार पाठपुरावा करण्यात आल्याचा दावाही त्यांनी केला आहे.

पोलिसांकडून अपेक्षित प्रगती होत नसल्याने आता हे प्रकरण वरिष्ठ पातळीवर नेण्याचा निर्णय घेतल्याचे काटे यांनी स्पष्ट केले. यापूर्वीच्या तक्रारीवर नेमकी कोणती कारवाई झाली, याची लेखी माहिती द्यावी तसेच कारवाई झाली नसल्यास त्यामागील कारणांची चौकशी करावी, अशी मागणी करण्यात आली आहे. तसेच वरिष्ठ पोलीस अधिकाऱ्यांविरोधात आणि संपूर्ण प्रकरणाची तात्काळ दखल घेण्यासाठी राज्याचे मुख्यमंत्री व गृहमंत्री यांना लवकरच निवेदन देणार असल्याचे त्यांनी सांगितले.

“तक्रारीनंतरही निष्पक्ष आणि सखोल चौकशी होत नसल्याने आम्हाला वरिष्ठ पोलीस निरीक्षकांकडून सापत्नभावाची वागणूक मिळत असल्याची भावना निर्माण झाली आहे. उपलब्ध पुरावे व कागदपत्रांच्या आधारे दोषींवर कारवाई व्हावी, एवढीच आमची मागणी आहे. याबाबत सांगवी पोलिसांकडून ठोस कार्यवाही होत नाही. त्यामुळे संपूर्ण प्रकरणाची तात्काळ दखल घेऊन योग्य ती कारवाई करावी, यासाठी आम्ही राज्याचे मुख्यमंत्री आणि गृहमंत्री यांना लवकरच निवेदन देणार आहोत.”
— सौ. अनिताताई संदीप काटे

The post तक्रारी करूनही पोलिसांकडून ठोस कारवाई नाही; नगरसेविका अनिताताई काटे यांचा आरोप appeared first on GOLDEN PENN.

मराठी पत्रकार संघाच्या पिंपरी-चिंचवड शहरातील नवनिर्वाचित पदाधिकारी व सदस्यांचा सत्कार

पिंपरी : पत्रकार हा समाजाचा अत्यंत महत्त्वाचा घटक आहे. आपल्या परिसरातील चांगल्या-वाईट घटना, समस्या आणि घडामोडी समाजापर्यंत पोहोचविण्यासाठी पत्रकार प्रतिकूल परिस्थितीतही आपले कर्तव्य बजावत असतो. हे काम करताना पत्रकार केवळ आपले कर्तव्य पार पाडत असल्याच्या भावनेने कार्यरत असतो. त्यामुळे समाजाच्या या महत्त्वाच्या घटकासाठी सर्वतोपरी मदत करण्याबरोबरच पत्रकार आणि त्यांच्या कुटुंबीयांसाठी आरोग्य कवच उपलब्ध करून देण्यासाठी प्रयत्न करणार असल्याचे पिंपरी-चिंचवड महापालिकेचे विरोधी पक्षनेते भाऊसाहेब भोईर यांनी जाहीर केले.

मराठी पत्रकार संघाच्या पिंपरी-चिंचवड शहरातील नवनिर्वाचित पदाधिकारी व सदस्यांचा सत्कार समारंभ महापालिकेतील भा. वि. कांबळे पत्रकार कक्षात उत्साहात पार पडला. यावेळी विरोधी पक्षनेते भाऊसाहेब भोईर, मराठी पत्रकार संघाचे प्रदेश उपाध्यक्ष विवेक इनामदार, पिंपरी-चिंचवड शहराध्यक्ष रोहित खर्गे, महिला फोरम अध्यक्षा अर्चना मेंगडे, कार्याध्यक्ष दादाराव आढाव आदी मान्यवर उपस्थित होते.

यावेळी बोलताना भाऊसाहेब भोईर म्हणाले, “पत्रकार हा समाजाचा आरसा आहे. समाजातील विविध प्रश्न प्रशासन आणि लोकप्रतिनिधींपर्यंत पोहोचविण्याचे तसेच प्रशासनाच्या कामाची माहिती नागरिकांपर्यंत पोहोचविण्याचे महत्त्वाचे काम पत्रकार करतात. अनेकदा प्रतिकूल परिस्थितीतही पत्रकार आपले कर्तव्य पार पाडतात. त्यामुळे पत्रकारांच्या अडचणी सोडविण्यासाठी आणि त्यांच्या कुटुंबीयांना आरोग्याची सुरक्षितता मिळावी यासाठी आपण सर्वतोपरी सहकार्य करू.”

यावेळी मराठी पत्रकार संघाचे प्रदेश उपाध्यक्ष विवेक इनामदार यांनी संघाच्या आगामी उपक्रमांची माहिती दिली. पत्रकारांना हेल्मेट वाटप, आरोग्य विमा, पत्रकारांसाठी परवडणारी व हक्काची घरे तसेच अन्य कल्याणकारी योजनांसाठी संघाच्या माध्यमातून प्रयत्न सुरू असल्याचे त्यांनी सांगितले.

येत्या काही दिवसांत मराठी पत्रकार संघातील पत्रकार सदस्यांना  हेल्मेटचे वाटप करण्यात येणार असल्याची माहिती शहराध्यक्ष रोहित खर्गे यांनी दिली. पत्रकारांच्या हितासाठी विविध उपक्रम राबवून आगामी काळात मराठी पत्रकार संघाच्या लौकिकात भर घालणारे काम करण्याचा संकल्प त्यांनी व्यक्त केला. सत्काराला उत्तर देताना त्यांनी संघाच्या सर्व पदाधिकारी व सदस्यांच्या सहकार्याने पत्रकारांच्या प्रश्नांसाठी सातत्याने प्रयत्न करण्याचे आश्वासन दिले.

कार्यक्रमाचे प्रास्तविक कार्याध्यक्ष दादाराव आढाव यांनी केले. संघांचे उपाध्यक्ष संतलाल यादव, सचिव बजरंग मासाळ,  खजिनदार संतोष जाधव, संपर्क प्रमुख संतोष महामुनी, पत्रकार हल्ला विरोधी कृती समिती अध्यक्ष कालिंदर शेख, संदीप सोनार, श्रीधर जगताप, शफिक शेख, विवेक कुलकर्णी, नागेश खजूरगीकर, अजय कुलकर्णी, सीताराम मोरे, लीना माने, पूनम पाटील, राजश्री आतकरे, संगीता पाचंगे आदी पत्रकारांचा सत्कार करण्यात आला.

पत्रकारांच्या सुरक्षिततेबरोबरच त्यांच्या कुटुंबीयांच्या आरोग्याचा प्रश्नही महत्त्वाचा असून, आरोग्य विमा आणि इतर कल्याणकारी योजनांच्या माध्यमातून पत्रकारांना अधिक सुरक्षितता देण्यासाठी संघाच्या वतीने प्रयत्न केले जाणार असल्याचे यावेळी पदाधिकाऱ्यांनी सांगितले.

कार्यक्रमाचे सूत्रसंचालन विवेक इनामदार यांनी केले, तर आभार संतोष महामुनी यांनी मानले.

The post पत्रकारांच्या प्रश्नांना वाचा फोडणार; मराठी पत्रकार संघाच्या नव्या पदाधिकाऱ्यांचा सन्मान appeared first on GOLDEN PENN.

Pune: Suryadatta Education Foundation has organised a week-long series of cultural, educational, sports and social activities from August 14 to 21, 2026, to commemorate the 80th anniversary of India’s Independence. Based on the theme ‘Unity, Harmony and National Pride’, the initiative aims to instil patriotism, social responsibility and nation-building values among students. The programmes are being conducted under the guidance of Prof. Dr. Sanjay B. Chordiya, Founder President, Suryadatta Education Foundation, and the leadership of Mrs. Sushama Chordiya, Vice President and Secretary.

A major highlight of the celebrations will be the felicitation of 15 Veer Naris, wives of brave soldiers who made the supreme sacrifice in service of the nation, with the ‘Veer Nari Samman’. The Independence Day programme on August 15 will also feature flag hoisting in the presence of Colonel Pal, along with the ‘Surya Chakra Awards’ for eminent personalities who have made notable contributions in different fields. A patriotic fashion show and theatrical presentation showcasing India’s rich heritage and valour will also be organised. Traditional handicrafts and indigenous products will be promoted through an exhibition under the initiatives of ‘Vocal for Local’ and ‘Atmanirbhar Bharat’, while fitness activities will be held under the ‘Fit India’ initiative.

The celebrations will further bring students together through programmes inspired by ‘Ek Bharat, Shreshtha Bharat’, including folk dances representing different states, group singing, patriotic music and Indian food stalls. Students will participate in essay and poster competitions, street plays, a book exhibition and panel discussions. Lectures on de-addiction, social pledges and visits to gaushalas and orphanages will add a strong social dimension to the initiative, connecting students with the values of service, compassion and responsible citizenship.

Prof. Dr. Sanjay B. Chordiya said, “Independence Day should not remain limited to flag hoisting and the national anthem. It is important to nurture the vision of ‘Viksit Bharat’ and ‘Atmanirbhar Bharat’ in the thoughts and actions of every student. Suryadatta is committed to providing quality education while shaping students into responsible, aware and patriotic citizens.”

Mrs. Sushama Chordiya said, “As India celebrates 80 years of Independence, nurturing patriotism, social responsibility and a spirit of service among students is the need of the hour. Through the honouring of Veer Naris and various activities, Suryadatta aims to bring the inspiration of the sacrifices made by our freedom fighters and soldiers closer to the younger generation. A capable, value-driven and responsible youth will be the true strength of a developed India.”

The post Suryadatta Organises Week-Long Activities to Mark 80 Years of Independence appeared first on GOLDEN PENN.

पिंपरी, प्रतिनिधी :
स्वातंत्र्य दिनाचे औचित्य साधत पर्यावरण संवर्धन आणि संविधान साक्षरतेचा अनोखा संगम घडविण्यात आला. महाराष्ट्र शासनाचा ‘श्री छत्रपती शिवाजी महाराज वनश्री वृक्षमित्र राज्यस्तरीय पुरस्कार’ व ‘समाजभूषण पुरस्कार’ प्राप्त अरुण पवार यांच्या प्रेरणेतून आणि मराठवाडा जनविकास संघाच्या पुढाकाराने विविध शाळा, महाविद्यालये व संस्थांच्या परिसरात १,०५० रोपांचे वृक्षारोपण करण्यात आले. यावेळी विद्यार्थी, शिक्षक आणि नागरिकांना भारतीय संविधानाच्या प्रतींचे वाटपही करण्यात आले.

हरित पट्ट्याचा संकल्प
धाराशिव जिल्ह्यातील हसेगाव येथील श्री लक्ष्मी सेवाभावी सामाजिक संस्थेच्या परिसरात ५००, धारूर येथील भैरवनाथ हायस्कूलमध्ये २५०, तर पुण्यातील औंध येथील श्री शिवाजी विद्यामंदिर व कनिष्ठ महाविद्यालय आणि अभियांत्रिकी महाविद्यालय परिसरात ५० झाडे लावण्यात आली.

परभणी, पुणे जिल्ह्यातही उपक्रम
सोनपेठ येथील रामेश्वर शिक्षण प्रसारक मंडळ परिसरात १००, तर वाकड, बोरकरवाडी आणि रिहे परिसरात १०० वृक्षांचे रोपण व वाटप करण्यात आले. रिहे येथील वेदांत साधना वारकरी गुरुकुल परिसरातही ५० झाडे लावण्यात आली.

संविधानाची प्रत विद्यार्थ्यांना
औंध येथील कार्यक्रमात प्राचार्य, शिक्षक आणि विद्यार्थ्यांना भारतीय संविधानाच्या प्रती भेट देण्यात आल्या. पर्यावरणासोबतच संविधान मूल्यांची जपणूक करण्याचा संदेश या उपक्रमातून देण्यात आला.

देशी प्रजातींना प्राधान्य
वड, पिंपळ, कडुलिंब, उंबर, चिंच, आवळा, बेल, अर्जुन, कदंब, करंज यांसह विविध औषधी, शोभिवंत आणि फळझाडांची लागवड करण्यात आली.

चौकट |

फक्त रोपण नाही, संवर्धनही!

“झाडे लावून थांबायचे नाही; ती जगविण्याची जबाबदारीही घ्यायची आहे. स्थानिक संस्था आणि नागरिकांच्या सहभागातून या सर्व झाडांचे शंभर टक्के संवर्धन करण्याचा संकल्प केला आहे.”
— अरुण पवार, संस्थापक-अध्यक्ष, मराठवाडा जनविकास संघ

चौकट |

हरित उपक्रमाला सामाजिक जाणिवेची जोड

१,०५० — एकूण रोपे
५०० — हसेगाव
२५० — धारूर
१०० — सोनपेठ
१०० — वाकड, बोरकरवाडी, रिहे
५० — औंध
५० — रिहे गुरुकुल

चौकट |

वृक्ष + संविधान = राष्ट्रनिष्ठेचा संदेश

पर्यावरण संवर्धनासोबतच विद्यार्थ्यांमध्ये संविधानाची ओळख निर्माण करण्याचा प्रयत्न या उपक्रमातून करण्यात आला. “हरित भविष्य आणि संविधानिक मूल्ये” असा दुहेरी संदेश देणाऱ्या या उपक्रमाचे विविध स्तरांतून कौतुक होत आहे.

The post अरुण पवारांचा हरित, संविधानिक संदेश appeared first on GOLDEN PENN.

पुणे प्रतिनिधी : सध्याच्या काळात कौशल्य विकासाला मोठे महत्त्व आहे. ग्रामीण भागातील विद्यार्थ्यांना कौशल्याधारित शिक्षण व प्रशिक्षण मिळावे, यासाठी शैक्षणिक संस्थांनी पुढाकार घ्यावा. त्यासाठी शासनाकडून आवश्यक सुविधा व प्रोत्साहनपर योजना उपलब्ध करून दिल्या जातील, अशी ग्वाही उच्च व तंत्रशिक्षण मंत्री चंद्रकांत पाटील यांनी दिली.

सिम्बायोसिस स्किल्स अँड प्रोफेशनल युनिव्हर्सिटीच्या कुलपतीपदी डॉ. स्वाती मुजुमदार यांची नियुक्ती झाल्याबद्दल त्यांचा चंद्रकांत पाटील यांच्या हस्ते गौरव करण्यात आला. यावेळी कौशल्य विकास मंत्री मंगल प्रभात लोढा, सिम्बायोसिसचे अध्यक्ष डॉ. शां. ब. मुजुमदार, संजीवनी मुजुमदार यांच्यासह मान्यवर उपस्थित होते.

कौशल्य आत्मसात केलेली युवा पिढी स्वतःचा तसेच समाजाचा आणि देशाचा विकास घडवू शकते. त्यामुळे ग्रामीण विद्यार्थ्यांपर्यंत प्रशिक्षण पोहोचविण्यासाठी संस्थांनी पुढाकार घेणे गरजेचे आहे. डॉ. स्वाती मुजुमदार यांनी कौशल्य विकासाच्या क्षेत्रात जागतिक पातळीवर योगदान दिले असून, त्यांच्या नेतृत्वाखाली विद्यापीठाची प्रगती अधिक वेगाने होईल, असा विश्वास पाटील यांनी व्यक्त केला.

महाराष्ट्राला कौशल्य विकासाच्या क्षेत्रात अग्रेसर करण्याचे मुख्यमंत्री देवेंद्र फडणवीस यांचे स्वप्न सिम्बायोसिस व मुजुमदार परिवाराने पुढे नेले आहे. विद्यापीठातील अभ्यासक्रम उद्योगांच्या गरजेनुसार तयार केले जात असून, २०० हून अधिक आघाडीच्या उद्योगांशी सहकार्य करार झाले आहेत. तळागाळातील विद्यार्थ्यांसाठी पदविका अभ्यासक्रमही सुरू करण्यात आले आहेत. त्यात ९० टक्के महिलांचा सहभाग असून, प्रशिक्षण घेतलेल्या २५ टक्के विद्यार्थ्यांनी स्वतंत्र व्यवसाय सुरू केला आहे.

The post कौशल्याधारित शिक्षण ग्रामीण भागापर्यंत पोहोचवा; चंद्रकांत पाटील appeared first on GOLDEN PENN.

खासदार डॉ. अमोल कोल्हे यांची रेल्वेमंत्र्यांकडे आग्रही मागणी

पुणे : पुणे-नाशिक सेमी हायस्पीड रेल्वे चाकण, मंचर, नारायणगाव, संगमनेर, सिन्नर याच मार्गाने व्हावी, अशी आग्रही मागणी खासदार डॉ. अमोल कोल्हे यांनी रेल्वेमंत्री अश्विनी वैष्णव यांच्याकडे केली. या प्रकल्पासाठी जनआंदोलन उभे राहत असल्याची माहिती देत, अनेक प्रकल्पांना विरोध होत असताना पुणे-नाशिक रेल्वेसाठी मात्र नागरिकांचा सकारात्मक प्रतिसाद असल्याचे त्यांनी निदर्शनास आणून दिले. प्रकल्पाचा मार्ग बदलण्याऐवजी पूर्वी प्रस्तावित मार्गानेच रेल्वे व्हावी, अशी भूमिका त्यांनी मांडली. याबाबत राज्य सरकारने नियुक्त केलेल्या डॉ. अनिल काकोडकर समितीच्या अहवालावर पुढील निर्णय अवलंबून असल्याचे रेल्वेमंत्री वैष्णव यांनी सांगितले.

दरम्यान, उरण-तळेगाव-चाकण-संभाजीनगर असा मालवाहतुकीसाठी समर्पित नवीन रेल्वे कॉरिडॉर उभारण्याची मागणीही डॉ. कोल्हे यांनी केली. न्हावाशेवा बंदराला जोडणाऱ्या या कॉरिडॉरमुळे तळेगाव, चाकण, रांजणगाव, संभाजीनगरसह विविध औद्योगिक क्षेत्रांतील कंपन्यांना कच्चा माल व तयार मालाच्या वाहतुकीसाठी स्वस्त आणि विश्वासार्ह पर्याय उपलब्ध होईल. सध्या मोठ्या प्रमाणावर मालवाहतूक रस्त्याने होत असल्याने वाहतूक कोंडी, इंधनाचा खर्च आणि वेळेचा अपव्यय होत असल्याचे त्यांनी रेल्वेमंत्र्यांच्या निदर्शनास आणून दिले.

चाकण विमानतळासाठी प्रस्तावित जागेवर पीएम गतीशक्ती योजनेंतर्गत टर्मिनल उभारण्याची मागणीही त्यांनी केली. औद्योगिक तसेच शेतीमालाच्या वाहतुकीला चालना देण्यासाठी हे टर्मिनल महत्त्वाचे ठरू शकते, असा मुद्दा त्यांनी मांडला. पुणे-नाशिक रेल्वे, समर्पित मालवाहतूक कॉरिडॉर आणि चाकण टर्मिनल या तिन्ही मागण्यांवर रेल्वेमंत्र्यांनी सकारात्मक विचार करण्याचे आश्वासन दिले. तसेच डॉ. काकोडकर समितीचा अहवाल सकारात्मक यावा, अशी अपेक्षाही व्यक्त करण्यात आली.

चाकणला टर्मिनलची मागणी

“चाकण विमानतळाच्या प्रस्तावित जागी पीएम गतीशक्ती टर्मिनल उभारण्यात यावे. औद्योगिक तसेच शेतीमालाच्या वाहतुकीसाठी स्वस्त व जलद पर्याय मिळेल. सातत्याने होणाऱ्या वाहतूक कोंडीचा प्रश्नही काही अंशी सुटेल.”

— डॉ. अमोल कोल्हे, खासदार

The post पुणे-नाशिक रेल्वे जुन्याच मार्गाने व्हावी appeared first on GOLDEN PENN.

‘राम कृष्ण हरी’चा जयघोष करत रविवारी (९) हा सामाजिक उपक्रम पार पडला. यावेळी मैत्री आधार सामाजिक संस्थेचे अध्यक्ष राजेंद्र टकले, कार्याध्यक्ष भरत इंगवले, तसेच संदीप कामठे, प्रकाश मुळे, बाळासाहेब धरपळे, पुंडलिक दरेकर, सतीश रानवडे, शैलेश शिंदे, अशोक इंगवले आदी सभासद उपस्थित होते. श्रद्धा गोसेवा पांजरपोळचे विश्वस्त प्रविण केदारी महाराज यांचीही यावेळी उपस्थिती होती.

कोट – भरत इंगवले :
“मुक्या जनावरांची सेवा ही केवळ सामाजिक जबाबदारी नसून माणुसकीची जपणूक आहे. ‘मैत्री आधार’च्या माध्यमातून सातत्याने विविध सामाजिक उपक्रम राबविले जात आहेत. येत्या काळातही गरजू घटकांसाठी तसेच गोसेवेसाठी आणखी भरीव मदत करण्याचा संस्थेचा प्रयत्न राहील.”

कोट – राजेंद्र टकले :
“समाजातील गरजू घटकांना आधार देतानाच मुक्या जीवांची काळजी घेणेही तितकेच महत्त्वाचे आहे. ६० गोमातांच्या महिनाभराच्या चाऱ्याची व्यवस्था करता आली, याचे समाधान आहे. सेवा, सहकार्य आणि माणुसकीचा हा प्रवास ‘मैत्री आधार’च्या माध्यमातून यापुढेही सुरू राहील.”

दरम्यान, एक महिन्याच्या चाऱ्याची व्यवस्था करून मुक्या जनावरांची सेवा केल्याबद्दल श्रद्धा गोसेवा पांजरपोळचे विश्वस्त प्रविण केदारी महाराज यांनी ‘मैत्री आधार’च्या पदाधिकाऱ्यांचे आभार व्यक्त केले. या उपक्रमामुळे पांजरपोळमधील गोमातांच्या चाऱ्याचा प्रश्न काही काळासाठी सुटण्यास मदत झाली असून, सामाजिक बांधिलकी जपणाऱ्या या उपक्रमाचे उपस्थितांनी कौतुक केले.

The post मुक्या जीवांच्या भुकेसाठी ‘मैत्री आधार’ धाव appeared first on GOLDEN PENN.

“पत्रकारिता ही लोकशाहीचा महत्त्वाचा आधारस्तंभ असून नागरिकांच्या भावना, समस्या आणि अपेक्षा प्रशासनापर्यंत पोहोचविण्याचे महत्त्वाचे काम पत्रकार करतात. पत्रकारांनी सकारात्मक, निष्पक्ष आणि वस्तुनिष्ठ पत्रकारितेच्या माध्यमातून जनहिताचे प्रश्न सातत्याने मांडावेत. नागरिक आणि प्रशासन यांच्यातील संवाद अधिक प्रभावी करण्यासाठी पत्रकारांची भूमिका महत्त्वाची आहे,” असे प्रतिपादन उपमहापौर शर्मिला बाबर यांनी केले.

यावेळी मराठी पत्रकार संघाची पिंपरी-चिंचवड शहर कार्यकारिणी जाहीर करण्यात आली. प्रदेशाध्यक्ष किरण जोशी यांच्या हस्ते नवनिर्वाचित पदाधिकाऱ्यांना नियुक्तीपत्र प्रदान करण्यात आले. शहराध्यक्ष रोहित खर्गे, महिला पुणे जिल्हाध्यक्षा मनीषा थोरात पिसाळ, शहर महिला अध्यक्षा अर्चना मेंगडे, कार्याध्यक्ष दादाराव आढाव, उपाध्यक्ष गणेश मोरे, सचिव बजरंग मासाळ, खजिनदार संतोष जाधव, संपर्कप्रमुख संदीप सोनार, नागेश खजूर्गीकर, बलभीम भोसले, उमेश सनस, सीताराम मोरे, उमेश यादव, संतलाल यादव, श्रीधर जगताप आणि अजय कुलकर्णी यांची विविध पदांवर नियुक्ती करण्यात आली.

“पत्रकार संघटना ही केवळ पत्रकारांच्या हक्कांसाठी काम करणारी संस्था नसून समाजातील प्रश्नांना व्यासपीठ देण्याचे माध्यम आहे. नवनिर्वाचित पदाधिकाऱ्यांनी संघटनेची ताकद वाढविताना पत्रकारांच्या अडचणी सोडविण्यासाठी आणि समाजहिताचे प्रश्न प्रभावीपणे मांडण्यासाठी एकजुटीने काम करावे. पिंपरी-चिंचवडमधील पत्रकारितेला संघटित आणि सक्षम करण्यासाठी मराठी पत्रकार संघ सदैव प्रयत्नशील राहील,” असे प्रदेशाध्यक्ष किरण जोशी यांनी सांगितले.

“पत्रकारांनी शहराच्या विकासकामांवर लक्ष ठेवतानाच नागरिकांच्या मूलभूत प्रश्नांना वाचा फोडण्याचे काम सातत्याने करावे. प्रशासनाच्या चांगल्या कामांची माहिती जनतेपर्यंत पोहोचविण्यासोबतच त्रुटींवरही निर्भीडपणे भाष्य होणे आवश्यक आहे. नूतन कार्यकारिणीच्या माध्यमातून पत्रकारांच्या प्रश्नांना योग्य व्यासपीठ मिळेल,” असे सत्तारूढ पक्षनेते प्रशांत शितोळे यांनी सांगितले. कार्यक्रमाचे प्रास्ताविक अरुण कांबळे यांनी केले. सूत्रसंचालन विवेक इनामदार यांनी केले, तर आभार रोहित खर्गे यांनी मानले. कार्यक्रमास मराठी पत्रकार संघाचे पदाधिकारी, सदस्य, विविध माध्यमांचे पत्रकार व मान्यवर मोठ्या संख्येने उपस्थित होते.

The post मराठी पत्रकार संघाची पिंपरी-चिंचवड शहर व जिल्हा कार्यकारिणी जाहीर appeared first on GOLDEN PENN.