मल्लेवाडीमध्ये पोलिस पाटलावर हल्ला; मारहाणीसह सोन्याची साखळी लंपास

मल्लेवाडीमध्ये पोलिस पाटलावर हल्ला; मारहाणीसह सोन्याची साखळी लंपास

मंगळवेढा तालुक्यातील मल्लेवाडी येथे पोलिस पाटील आनंद रायबान यांच्यावर काही जणांनी मिळून गंभीर हल्ला केल्याची धक्कादायक घटना समोर आली आहे. गावातील चौकात झालेल्या वादातून हा प्रकार घडल्याची माहिती समोर येत आहे.

हल्लेखोरांनी रायबान यांना बेदम मारहाण केली तसेच त्यांच्या गळ्यातील सोन्याची साखळी जबरदस्तीने हिसकावून नेली. यावेळी आरोपींकडून जातिवाचक शिवीगाळ करण्यात आली असून जीव मारण्याच्या धमक्या देखील दिल्या गेल्याचे सांगितले जात आहे.

या प्रकरणी मंगळवेढा पोलीस ठाण्यात अॅट्रॉसिटी कायद्यांतर्गत गुन्हा दाखल करण्यात आला असून पुढील तपास सुरू आहे.

सदर फोटो :

• ही प्रतिमा कृत्रिम बुद्धिमत्ता (AI) द्वारे तयार केलेली असून केवळ प्रतिनिधिक आहे.