लक्ष्मणभाऊ जगताप यांनी घडवलेला परिसर आज दुर्लक्षित – अतुल पवार संतापले

पिंपरी-चिंचवड शहरातील महत्त्वाचे उपनगर म्हणून पिंपळे गुरुवची ओळख आहे. स्वर्गीय लोकनेते, आमदार लक्ष्मणभाऊ पांडुरंग जगताप यांच्या मार्गदर्शनाखाली पिंपरी-चिंचवड शहरासह पिंपळे गुरुव परिसराचा मोठ्या प्रमाणावर विकास झाला होता. त्यांच्या कार्यकाळात या भागाचा खऱ्या अर्थाने कायापालट झाला होता.

मात्र सध्या पिंपळे गुरुव येथील काही ठिकाणची परिस्थिती पाहता नागरिकांमध्ये नाराजी व्यक्त होत आहे. परिसरातील समस्या, अस्वच्छता आणि दुर्लक्षित कामांमुळे स्थानिकांना मोठ्या अडचणींचा सामना करावा लागत असल्याचे दिसून येत आहे.

याबाबत श्री.अतुल पवार सचिव- ऑल इंडिया ह्यूमन राईट असोसिएशन पुणे जिल्हा, भारत सरकार यांनी तीव्र नाराजी व्यक्त केली आहे. पालिकेचे कर्मचारी दुर्लक्ष करत असल्यासारखी परिस्थिती असल्याची टीका त्यांनी केली. नागरिकांच्या समस्या सोडविण्यासाठी प्रशासनाने ठोस पावले उचलली पाहिजेत, अन्यथा संबंधितांवर तात्काळ कारवाई करावी, अशी मागणीही त्यांनी केली आहे.

पिंपळे गुरुव परिसरातील समस्या तातडीने सोडवून नागरिकांना दिलासा देण्यासाठी पिंपरी-चिंचवड महानगरपालिकेने लक्ष घालावे, अशी अपेक्षा स्थानिक नागरिकांकडून व्यक्त होत आहे.