ब्रेकिंग न्यूज : मानकर चौकात भीषण अपघात — प्रदीप शिंदे गंभीर जखमी; बोलरो चालक फरार

ब्रेकिंग न्यूज : मानकर चौकात भीषण अपघात — प्रदीप शिंदे गंभीर जखमी; बोलरो चालक फरार

वाकड | पिंपरी-चिंचवड

वाकडमधील मानकर चौक परिसरात उशिरा रात्री झालेल्या एका भीषण अपघाताने परिसरात खळबळ उडाली आहे. या दुर्घटनेत प्रदीप शिंदे गंभीर जखमी झाले असून धडक देणारा बोलरो पिकअपचा चालक फरार झाला आहे.

शनिवार, 17 नोव्हेंबर रोजी रात्री 11.40 ते 11.50 च्या सुमारास युग होंडा परिसरात ही घटना घडली. काम आटोपून दुचाकीवरून घरी जात असताना भरधाव वेगाने आलेल्या बोलरो पिकअप (MH12-WJ-1635) ने प्रदीप शिंदे यांना जोरदार टक्कर दिली. धडकेनंतर चालक नामदेव खताळ घटनास्थळावरून पळून गेल्याची माहिती समोर आली आहे.

अपघातात प्रदीप शिंदे गंभीर जखमी झाले असून अचानक झालेल्या धक्यामुळे त्यांच्या गर्भवती पत्नीची तब्येत बिघडल्याने त्यांनाही उपचारासाठी रुग्णालयात दाखल करावे लागले. शिंदे कुटुंबावर अचानक आलेल्या या दुर्दैवी प्रसंगाने मोठे संकट ओढावले आहे.

फिर्यादी व्यंकटनाथ शिंदे यांच्या दिलेल्या तक्रारीवरून वाकड पोलिसांनी आरोपी चालकाविरोधात भारतीय न्याय संहिता 2023 आणि मोटार वाहन कायदा अंतर्गत गुन्हा दाखल केला आहे.

या प्रकरणाचा तपास वाकड पोलीस स्टेशनचे PI माळी यांच्या मार्गदर्शनाखाली सुरू असून फरार आरोपीचा शोध घेण्यासाठी पोलिसांचे पथक सक्रिय झाले आहे.