साई निसर्ग लँडमार्क एलएलपीकडून ‘स्कायलक्स’चे अनावरणसेंट्रल चिंचवडमधील जपानी लँडस्केपवर आधारित लक्झरी निवासी प्रकल्प
साई निसर्ग लँडमार्क एलएलपीकडून ‘स्कायलक्स’चे अनावरणसेंट्रल चिंचवडमधील जपानी लँडस्केपवर आधारित लक्झरी निवासी प्रकल्प
पिंपरी चिंचवड , दि. २५ जानेवारी २०२६ :
पीसीएमसी-आधारित नामांकित रिअल इस्टेट विकासक साई निसर्ग लँडमार्क एलएलपी यांनी सेंट्रल चिंचवडमध्ये आपल्या बहुप्रतीक्षित ‘स्कायलक्स’ या लक्झरी निवासी प्रकल्पाचे भव्य अनावरण केले. पीसीएमसीमधील पहिला जपानी लँडस्केप-प्रेरित निवासी प्रकल्प म्हणून स्कायलक्सची ओळख असून, ‘झेन’, संतुलन आणि मिनिमलिझम या तत्त्वांवर आधारित आधुनिक शहरी जीवनशैलीचे दर्शन घडवणारा हा प्रकल्प आहे.
या प्रकल्पाचे अनावरण साई निसर्ग लँडमार्क एलएलपीचे संचालक डॉ. संजय पटेल आणि श्री. सुजित पाटील यांच्या हस्ते करण्यात आले. यावेळी निसर्गाशी एकरूप डिझाइन आणि आधुनिक वास्तुकलेच्या माध्यमातून दर्जेदार, शाश्वत आणि भविष्याभिमुख निवासी पत्ता निर्माण करण्याचा कंपनीचा उद्देश त्यांनी स्पष्ट केला.
३.५ एकर क्षेत्रावर विकसित होत असलेल्या स्कायलक्स प्रकल्पामध्ये ८५ टक्क्यांहून अधिक खुल्या व लँडस्केप केलेल्या जागा राखीव ठेवण्यात आल्या आहेत. २८ मजली भव्य टॉवर, प्रत्येक मजल्यावर केवळ चार घरे, भरपूर नैसर्गिक प्रकाश, क्रॉस व्हेंटिलेशन आणि अडथळारहित दृश्ये ही या प्रकल्पाची प्रमुख वैशिष्ट्ये आहेत. प्रकल्पात प्रीमियम २, ३ व ४ बीएचके निवासस्थानांचा समावेश आहे.
याप्रसंगी बोलताना डॉ. संजय पटेल म्हणाले,
“स्कायलक्स हा केवळ निवासी प्रकल्प नसून, पीसीएमसीच्या बदलत्या शहरी ओळखीचे प्रतीक आहे. डिझाइन, निसर्ग आणि शाश्वततेचा संगम साधणारा दीर्घकालीन शहरी लँडमार्क घडवण्याची आमची दृष्टी आहे.”
स्कायलक्समध्ये ५० हून अधिक जीवनशैली सुविधा उपलब्ध असून, जपानी संकल्पनांवर आधारित झेन गार्डन, सकुरा कोर्ट, कोई पॉंड, इकीगाई लॉन, मेडिटेशन पॅव्हिलियन, तसेच ३२,००० चौ. फूटांचे ‘हार्मनी पार्क’ आणि २०,००० चौ. फूटांचे ‘असेंड पार्क’ विकसित करण्यात आले आहेत. याशिवाय स्विमिंग पूल, योगा-ध्यान क्षेत्र, फिटनेस डेक, मुलांसाठी खेळाची मैदाने, क्रीडा सुविधा, को-वर्किंग स्पेसेस आणि ज्येष्ठ नागरिकांसाठी विशेष व्यवस्था करण्यात आली आहे.
प्रकल्पाची रणनीतिक मार्केटिंग पार्टनर ‘बियॉन्डवॉल्स’ असून, डेटा-आधारित विक्री धोरणांद्वारे प्रकल्पाची बाजारातील उपस्थिती बळकट करण्याचे काम ती संस्था करत आहे.
लोकमान्य हॉस्पिटल, आगामी मेट्रो स्टेशन आणि एलप्रो मॉलच्या सान्निध्यात असलेला स्कायलक्स प्रकल्प उत्तम कनेक्टिव्हिटी आणि आधुनिक सुविधांमुळे सेंट्रल चिंचवडमधील महत्त्वपूर्ण शहरी लँडमार्क ठरणार आहे.
२५ वर्षांहून अधिक अनुभव असलेल्या साई निसर्ग लँडमार्क एलएलपीने आतापर्यंत २५ प्रकल्पांद्वारे ३१ लाख चौरस फूटांहून अधिक बांधकाम पूर्ण केले असून, सध्या २० लाख चौरस फूटांहून अधिक क्षेत्रफळाचे प्रकल्प विकासाधीन आहेत.
स्कायलक्सचे अनावरण हे कंपनीसाठी एक महत्त्वपूर्ण टप्पा ठरत असून, पीसीएमसीच्या प्रीमियम निवासी विभागात नवे मानदंड निर्माण करणारा प्रकल्प म्हणून त्याकडे पाहिले जात आहे.
संपादक : भाग्यश्री बि एम/ Golden Penn
