नितिन इंगवले मित्र परिवारचा विधायक उपक्रम पिंपळे निलख-विशाल नगर-कस्पटे वस्ती येथे दरवर्षीप्रमाणे मोफत नेत्रतपासणी शिबिर घेतले
नितिन इंगवले मित्र परिवाराकडुन पिंपळे निलख-विशाल नगर-कस्पटे वस्ती येथे दरवर्षीप्रमाणे मोफत नेत्रतपासणी शिबिर घेतले
यावर्षी ११ ज्येष्ठ नागरिकांची नावे मोतीबिंदू शस्त्रक्रियेसाठी नोंद झाली होती, त्यापैकी सात ज्येष्ठांना पूर्णपणे मोफत शस्त्रक्रिया करून त्यांना नवं जग दाखवता आलं.
पट्टी काढताना त्यांचे थरथरणारे हात माझ्या हातात घेऊन त्यांनी प्रथम माझ्याकडेच पाहिलं… 
त्या भरलेल्या, पाणावलेल्या डोळ्यांनी त्यांनी जेव्हा मला हसत हसत “बाळ, तू दिसतोस…” असं म्हणून जवळ ओढलं,
त्या क्षणी मला माझा खरा वाढदिवस सापडला.
तो केक कापण्याचा नव्हता, तो डोळे उघडण्याचा क्षण होता.
ही सेवा करण्याची ताकद मला माझ्या माता-पित्यांच्या आशीर्वादातून आणि तुमच्या सर्वांच्या प्रेमातून मिळते.
तुमचं प्रेम हे माझं खरं ऊर्जास्रोत आहे.
हा माझा वैयक्तिक वाढदिवस नाही…
सात कुटुंबांमध्ये पुन्हा उजेड पसरला, सात ज्येष्ठांच्या चेहऱ्यावर हसू परतलं – 
हाच माझा खरा उत्सव आहे, माझी खरी भेट आहे.
माननीय आमदार श्री. शंकरशेठ जगताप यांच्या प्रेरणादायी मार्गदर्शनाखाली
आणि सर्व कार्यकर्त्यांच्या अतुलनीय परिश्रमामुळे हे शिबिर यशस्वी झालं.
त्या प्रत्येकाच्या हाताला मी कोटीशः कोटी वंदन करतो.
तुमच्या अथांग प्रेमामुळेच ही सेवेची ज्योत कधीही मालवणार नाही…
उलट अधिक तेजाने, अधिक उंच पेटत राहील.
धन्यवाद… आणि तुमच्याही डोळ्यात हीच आनंदाची ज्योत नेहमी तेवत राहो, हीच प्रार्थना. 🙏
नितिन इंगवले
संपादक : भाग्यश्री बि एम/ Golden Penn
