नागपूर हिवाळी अधिवेशनात सामूहिक आत्मदहनाचा इशारा

विषय : नागपूर हिवाळी अधिवेशनात सामूहिक आत्मदहनाचा इशारा — डॉ. बाबासाहेब आंबेडकर वसाहत, खराडी येथील ६१७ मागासवर्गीय कुटुंबांचा संताप

महोदय,

सदर निवेदनाद्वारे आम्ही खालील बाबी आपल्या निदर्शनास आणून देत आहोत—

दि. २३/०४/२०२५ रोजी डॉ. बाबासाहेब आंबेडकर वसाहत, खराडी येथे बोगस संमतीपत्रांच्या आधारे SRA राबविण्याच्या संगनमतातून जाणीवपूर्वक आग लावण्यात आली, ज्यामध्ये २ जणांचा मृत्यू झाला व १०० झोपड्या जळून खाक झाल्या.

या अन्यायाविरोधात दि. ३०/०४/२०२५ पासून दररोज सकाळी ११ ते १२ या वेळेत आम्ही बेमुदत ठिय्या आंदोलन सुरू केले आहे. आजपर्यंत २२१ दिवस झाले, तरीही कोणत्याही संबंधित प्रशासनाने याची दखल घेतलेली नाही.

१. जिल्हाधिकाऱ्यांचे आदेश दुर्लक्षित

दि. १३/०५/२०२५ रोजी मा. जिल्हाधिकारी पुणे यांनी—

• बोगस संमतीपत्रांच्या आधारे SRA राबविता येणार नाही,
• झोपडपट्टी नियमितीकरणाचा शासन निर्णय १९९९ लागू होतो,
• सर्वे नं. ३०/१ मध्ये लेआऊट काढून, पंतप्रधान आवास योजनेत घरे देण्याचे निर्देश महापालिका आयुक्तांना देण्यात आले.

परंतु महापालिकेने आजपर्यंत कोणतीही अंमलबजावणी केलेली नाही.

२. जळीतग्रस्तांना नुकसानभरपाई रोखली

मा. मुख्यमंत्री कार्यालयाने नुकसानभरपाई देण्याचे आदेश दिले असूनही—

• महापालिकेने मुद्दाम ६ महिने विलंब,
• त्यानंतर नुकसानभरपाई नाकारली,
  ही अत्यंत गंभीर व असंवैधानिक बाब आहे.

३. SRA व इतर विभागांची टोलवाटोलवी

• SRA ने केवळ ८० वैध संमतीपत्रे दिली असून उर्वरित बोगस नोटरी संमतीपत्रे देण्यास नकार.
• नागरिकांनी नियम ३५ नुसार प्रस्ताव दिल्यावर SRA कडून नागरिकांना खोटी, दिशाभूल करणारी पत्रे पाठवली.
• म्हाडा जागा हस्तांतरणास टाळाटाळ करून मोकळ्या जागेत बिल्डरांच्या हितासाठी अनधिकृत बांधकामाचे प्रयत्न करत आहे.
• रस्त्यांवरील अतिक्रमण हटविण्याचाही बेकायदेशीर प्रयत्न सुरू आहे.

४. सर्व विभागांच्या निष्क्रियतेमुळे परिस्थिती बिकट

• मा. जिल्हाधिकारी
• मा. महापालिका आयुक्त
• मा. म्हाडा अधिकारी
• मा. SRA अधिकारी
• मा. पोलिस आयुक्त
  हे सर्व अधिकारी सहा महिन्यांपासून जाणूनबुजून निष्क्रिय राहून बिल्डर व पुढाऱ्यांच्या हिताशी संलग्न आहेत, अशी वस्तुस्थिती आहे.

ही सर्व माहिती मा. मुख्यमंत्री कार्यालयाच्या निदर्शनास असूनही

मा. देवेंद्र फडणवीस साहेब यांच्या अध्यक्षतेखाली एकही संयुक्त बैठक आजवर आयोजित केलेली नाही.

त्यामुळे — अंतिम इशारा

वरील सर्व अन्याय, दुर्लक्ष, टोलवाटोलवी आणि संविधान विरोधी वर्तनामुळे

डॉ. बाबासाहेब आंबेडकर वसाहत, खराडी येथील ६१७ मागासवर्गीय कुटुंबांकडून नागपूरच्या हिवाळी अधिवेशनात दि. ०९/१२/२०२५ रोजी सामूहिक आत्मदहन करण्याचा निर्णय जाहीर करण्यात येत आहे.

नम्र विनंती

मा. मुख्यमंत्री महोदयांनी तात्काळ—

• संबंधित सर्व अधिकारी वर्गाची संयुक्त बैठक बोलवावी,
• २२१ दिवसांपासून सुरू असलेल्या आंदोलनाची दखल घ्यावी,
• जळीतग्रस्तांना नुकसानभरपाई,
• शासन निर्णय १९९९ नुसार नियमितीकरण व PMAY अंतर्गत घरकुल प्रदान,
  या गोष्टींचे तातडीने निराकरण करावे.

अन्यथा आम्हाला सामूहिक आत्मदहन करण्यावाचून पर्याय राहणार नाही.

आपला नम्र,

अखिल मांजरईनगर कृती समिती

खराडी – पुणे