औंध रुग्णालयात रोबोटिक Assisted Knee Replacement—सार्वजनिक आरोग्य सेवेत ऐतिहासिक झेप

जिल्हा रुग्णालय औंध, पुणे येथे अत्याधुनिक रोबोटिक सहाय्यित गुडघा प्रत्यारोपण शस्त्रक्रिया यशस्वी!

राज्यातील सार्वजनिक आरोग्य सेवेमध्ये दर्जात्मक उंचीची नोंद

पुणे : प्रतिनिधी

सार्वजनिक आरोग्य विभागाचे मा. मंत्री श्री. प्रकाश आबिटकर तसेच विभागाचे माननीय सचिव डॉ. निपुण विनायक यांच्या मार्गदर्शनाखाली जिल्हा रुग्णालय, औंध—पुणे येथे आरोग्य सेवेच्या इतिहासात एक महत्त्वाची झेप घेण्यात आली आहे. आज दि. २८ नोव्हेंबर २०२५ रोजी सांधेदुखीने त्रस्त रुग्णांवर अत्याधुनिक Robotic Assisted Total Knee Replacement (रोबोटिक सहाय्यित गुडघा सांधा प्रत्यारोपण) शस्त्रक्रिया यशस्वीरीत्या पार पाडण्यात आली.

ही राज्यातील सार्वजनिक रुग्णालयांसाठी उपलब्ध होणारी आधुनिक आरोग्य तंत्रज्ञानाची मोठी उपलब्धी मानली जात आहे.

अस्थिरोग विभागाची टीम चमकली

या अत्याधुनिक शस्त्रक्रियेसाठी अस्थिरोग विभागाचे प्रमुख जिल्हा शल्यचिकित्सक डॉ. नागनाथ यम्पल्ले यांच्या मार्गदर्शनाखाली कुशल तज्ज्ञ डॉक्टरांची टीम कार्यरत होती:

• अनिल संतपुरे – अस्थिरोग तज्ज्ञ
• डॉ. महेंद्र गरड – अस्थिरोग तज्ज्ञ
• डॉ. अनिल बिर्हाडे – अस्थिरोग तज्ज्ञ
• डॉ. अमित बनशेळकीकर – अस्थिरोग तज्ज्ञ

या सर्वांनी संयुक्तपणे शस्त्रक्रिया कौशल्यपूर्णरीत्या पूर्ण केली.

भुलतज्ज्ञांची प्रभावी साथ

शस्त्रक्रिया सुरळीत, सुरक्षित आणि यशस्वीपणे पार पाडण्यासाठी भुलतज्ज्ञ टीमने मोलाचे योगदान दिले:

• डॉ. केशव गुट्टे – भुलतज्ज्ञ
• बालाजी कदम – भुलतज्ञ
• डॉ. शोयब शेख – भुलतज्ज्ञ
• डॉ. जयश्री मन्नुर – भुलतज्ज्ञ
• डॉ. प्राची उत्तरवार – भुलतज्ज्ञ

तर परिसेविका सौ. नंदा ठोंबरे तसेच संपूर्ण शस्त्रक्रियागृह स्टाफने दक्ष सेवा बजावली.

Meril कंपनीचे तांत्रिक सहकार्य

या शस्त्रक्रियेसाठी महात्मा ज्योतिराव फुले जनआरोग्य योजनेअंतर्गत Meril कंपनीकडून Robotic System, implants तसेच तांत्रिक मदत पुरवण्यात आली. त्यामुळे सामान्य रुग्णालाही अत्याधुनिक तंत्रज्ञानाचा लाभ उपलब्ध झाला—ही महत्त्वाची बाब नागरिकांसाठी आशादायी मानली जात आहे.

सार्वजनिक आरोग्य क्षेत्रात नवा टप्पा

अत्याधुनिक रोबोटिक तंत्रज्ञानाच्या सहाय्याने जिल्हा रुग्णालय औंध—पुणे येथे गुडघा प्रत्यारोपण यशस्वीरीत्या पार पडणे म्हणजे पुणे जिल्ह्याच्या वैद्यकीय सेवेची गुणवत्ता नव्या उंचीवर नेणारा टप्पा आहे.