वाहतुकीला दिलासा देणारा उपक्रम : आठवडे बाजार आता खाजगी प्लॉटवर, नागरिकांचा मोठा फायदा

वाहतुकीला दिलासा देणारा उपक्रम :

आठवडे बाजार आता खाजगी प्लॉटवर, नागरिकांचा मोठा फायदा!

शहरातील वाढत्या वाहतूक कोंडीला कायमस्वरूप उपाय देत, एक महत्त्वपूर्ण आणि दूरदृष्टीचा निर्णय हाती घेण्यात आला आहे. रस्त्यावर व फुटपाथवर भरत असलेल्या आठवडे बाजारांमुळे निर्माण होणारी कोंडी, अडथळे आणि नागरिकांची होणारी गैरसोय यावर अखेर प्रभावी तोडगा निघाला आहे.

नवीन पद्धतीनुसार, खाजगी प्लॉटधारकांच्या सहकार्याने दर आठवड्याला भाजी मंडई खास खाजगी जागेत आयोजित केली जात आहे. या ठिकाणी पुरेशी पार्किंग सुविधा उपलब्ध करून देण्यात आली असल्याने रस्त्यावरची अनधिकृत पार्किंग पूर्णपणे थांबवण्यात यश आले आहे. परिणामी मुख्य रस्त्यावरील वाहतूक सुरळीत सुरू राहते आणि नागरिकांना विनाअडथळा प्रवासाचा अनुभव मिळत आहे.

हा उपक्रम सचिन साठे फाउंडेशन आणि मित्रपरिवाराच्या पुढाकारातून राबवला जात असून, आमदार मा. शंकरभाऊ जगताप तसेच स्व. आमदार विनायकराव निम्हण यांच्या मार्गदर्शनाचा मोलाचा आधार लाभत आहे.

उपक्रमाचे प्रमुख श्री. सचिन मुरलीधर साठे यांनी सांगितले की,

“नागरिकांना सुरक्षित, स्वच्छ आणि सोयीस्कर बाजारपेठ उपलब्ध करून देणे हेच आमचे ध्येय आहे. सार्वजनिक रस्त्यांवरील अडथळे दूर ठेवत सर्वांसाठी उपयुक्त असा हा उपक्रम पुढेही सातत्याने राबवला जाणार आहे.”

सार्वजनिक हिताला प्राधान्य देत केलेला हा उपक्रम नागरिकांमध्येही उत्स्फूर्त प्रतिसाद मिळवत असून, शहरातील वाहतूक व्यवस्थेला दिलासा देणारा ठरत आहे.