आसबेवाडीचा गौरव! देशात प्रथम येण्याची ऐतिहासिक कामगिरी

मंगळवेढा प्रतिनिधी :

आसबेवाडीचा गौरव! देशात प्रथम येण्याची ऐतिहासिक कामगिरी

आसबेवाडीचा सुपुत्र विश्वजीत गणेश आसबे याने मॅथ्स ओलंपियाड (इयत्ता ९वी) या अत्यंत अवघड मानल्या जाणाऱ्या परीक्षेत ६० पैकी ६० गुण मिळवत थेट देशात प्रथम क्रमांक पटकावून इतिहास घडवला आहे.

होय, ही कामगिरी केवळ उल्लेखनीयच नव्हे तर देशपातळीवर अभिमानास्पद आहे!

या नेत्रदीपक यशामुळे विश्वजीतची झोनल स्तरावरील परीक्षेसाठी निवड झाली असून त्याच्या बुद्धिमत्तेचे व कठोर परिश्रमाचे सर्वत्र कौतुक होत आहे.

त्याचप्रमाणे, समर्थ नवनाथ आसबे याने सायन्स ओलंपियाड (इयत्ता १०वी) परीक्षेत ६० पैकी ५० गुण मिळवत उत्कृष्ट कामगिरी केली असून झोनल परीक्षेसाठी त्याचीही निवड झाली आहे.

या दोन्ही विद्यार्थ्यांच्या यशामुळे आसबेवाडीचे नाव राज्य व देशपातळीवर उज्ज्वल झाले असून पालक, शिक्षक आणि ग्रामस्थांकडून त्यांच्यावर अभिनंदनाचा वर्षाव होत आहे.

ही यशोगाथा भावी विद्यार्थ्यांसाठी प्रेरणादायी ठरणारी आहे