नदी स्वच्छ, पर्यावरण सुरक्षित — मुळा नदी संवर्धनाची सामूहिक जबाबदारी सचिन साठे

नदी स्वच्छ, पर्यावरण सुरक्षित — मुळा नदी संवर्धनाची सामूहिक जबाबदारी

सचिन साठे

पिंपरी-चिंचवड : वाकड ते औंधदरम्यान वाहणारी मुळा नदी ही प्रभागाची नैसर्गिक संपत्ती असून तिचे प्रदूषणमुक्तीकरण आणि संवर्धन हे नागरिक, प्रशासन आणि स्वयंसेवी संस्थांची सामूहिक जबाबदारी असल्याचे मत सामाजिक कार्यकर्ते सचिन साठे यांनी व्यक्त केले.

नदीकाठावरील कचरा, बांधकामावरील सांडपाणी व अनियमित विसर्ग यामुळे नदीचे प्रदूषण वाढत असल्याने नदी सुधार योजनेची काटेकोर अंमलबजावणी करणे अत्यावश्यक असल्याचे त्यांनी सांगितले. सांडपाण्याचे योग्य व्यवस्थापन, औद्योगिक प्रदूषणावर नियंत्रण आणि नदीकाठ स्वच्छ व सुरक्षित ठेवण्यासाठी स्थानिक प्रशासनाने सक्रिय पावले उचलण्याची गरज आहे, असे त्यांनी नमूद केले.

नदी ही फक्त जलस्रोत नसून पर्यावरणीय संतुलनाचा महत्वाचा आधारस्तंभ असल्याने, प्रत्येक नागरिकाने पुढाकार घेत नदी स्वच्छ मोहिमेत सहभागी व्हावे, असे आवाहनही साठे यांनी केले. विकासाच्या प्रत्येक टप्प्यात पर्यावरणाचा विचार करून मुळा नदीचे पुनरुज्जीवन करणे हा काळाचा मोठा संदेश असल्याचे ते म्हणाले.