सांगवीत संविधान दिनानिमित्त मोफत Wi-Fi आणि फ्री HD चॅनेल्सची भेट

सांगवीत संविधान दिनानिमित्त मोफत Wi-Fi आणि फ्री HD चॅनेल्सची भेट

‘हर घर इंटरनेट – हर मन कनेक्ट’ उपक्रमाची जोरदार सुरुवात

सांगवी (प्रतिनिधी):

भारतीय संविधान दिनाच्या औचित्याने प्रभाग क्रमांक ३२ मध्ये नागरिकांच्या डिजिटल सबलीकरणाला गती देण्यासाठी अत्यंत महत्त्वाकांक्षी “हर घर इंटरनेट – हर मन कनेक्ट” या उपक्रमाचा भव्य शुभारंभ करण्यात आला. डॉ. प्रज्ञाताई शक्तीगुप्त गायकवाड आणि डॉ. धम्मरत्न गायकवाड यांच्या पुढाकारातून सांगवीला डिजिटल क्रांतीची नवी दिशा देणारा हा उपक्रम सुरू झाला आहे.

या माध्यमातून सांगवीतील प्रत्येक कुटुंबाला मोफत Wi-Fi इंटरनेट, अनलिमिटेड डेटा सेवा आणि फ्री HD TV चॅनेल्स उपलब्ध करून देण्याचा निर्णय घेण्यात आला आहे. २६ नोव्हेंबर ते ३ डिसेंबर २०२५ या कालावधीत नागरिकांना या सर्व सेवा पूर्णपणे मोफत दिल्या जाणार आहेत.

“संविधानाने दिलेल्या न्याय, समता आणि स्वातंत्र्याच्या मूल्यांवर आधारलेली डिजिटल सक्षमता प्रत्येक घरापर्यंत पोहोचविणे हे आमचे ध्येय आहे. सांगवीकरांना मोफत सुविधा देताना आम्हाला आनंद आणि अभिमान वाटतो,” असे मत रिपब्लिकन पार्टी ऑफ इंडिया (आठवले) चे युवक शहराध्यक्ष डॉ. धम्मरत्न गायकवाड यांनी व्यक्त केले.

“महिला, युवक, ज्येष्ठ नागरिक आणि विद्यार्थ्यांसाठी हा उपक्रम माहिती, शिक्षण व संधींचे नवे दरवाजे उघडणारा ठरेल. नागरिकांचा सक्रिय सहभाग हीच या योजनेची खरी ताकद आहे,” असे डॉ. प्रज्ञाताई शक्तीगुप्त गायकवाड यांनी सांगितले.

डिजिटल सांगवी, स्मार्ट सांगवी, प्रगत सांगवी या संकल्पनेतून सुरू झालेला हा उपक्रम प्रभागातील प्रत्येक कुटुंबाला डिजिटल जगाशी जोडणार असून शिक्षण, रोजगार, ऑनलाइन सेवा यासाठी तो मोठा आधार ठरणार आहे.

संविधान दिनाच्या दिवशी सुरू झालेला हा उपक्रम सांगवीच्या विकासप्रवासाला एक नवी, आधुनिक आणि सक्षम दिशा देणारा ठरत आहे.