तुला ना कळे” प्रेमगीत प्रदर्शित — सोशल मीडियावर जबरदस्त चर्चा

तुला ना कळे” प्रेमगीत प्रदर्शित — सोशल मीडियावर जबरदस्त चर्चा

अहमदाबाद विमान दुर्घटनेत प्राण गमावलेल्या प्रवाशांना समर्पित भावपूर्ण प्रेमगीत “तुला ना कळे” प्रेक्षकांच्या भेटीस आले असून सोशल मीडियावर या गाण्याची जोरदार चर्चा सुरू आहे.

हे गीत वैशाली काळे, सागर सकट आणि नितीन घुगे यांनी संयुक्तपणे निर्मित केले असून अभिनेता अजिंक्य राऊत आणि अभिनेत्री श्रेया जाधव यांच्या प्रमुख भूमिका गाण्याला भावनिक स्पर्श देतात.

गाण्याची वैशिष्ट्ये

• गायक : हर्षवर्धन वावरे व शुद्धी कदम
• गीत-संगीत : अभिनंदन गायकवाड (A.V.G.)
• संगीत संयोजन : मिलिंद मोरे
• दिग्दर्शन : सागर सकट
• चित्रिकरण स्थळे : मरीन लाइन्स, गिरगाव, फोर्ट, ठाणे
• अतिरिक्त कलाकार : प्रज्ञा कदम, प्रथमेश कदम, वैशाली जाधव, आशुतोष कांबळे, किरण राऊत, केतन रणखांबे, प्राजक्ता मोहिते, विजय सोनगिरे

हे गाणं मुंबईतील विविध प्रेक्षणीय ठिकाणी चित्रीत करण्यात आले असून संगीत अनावरण सोहळा देखील नुकताच मुंबईत पार पडला.

निर्माते व कलाकारांचे अनुभव

अभिनंदन गायकवाड (संगीत दिग्दर्शक)

“विक्रोळी ते ठाणे प्रवासादरम्यान सागर सकट यांनी सांगितलेल्या कथेतून गाण्याचे शीर्षक आणि मुखडा सुचला. एक वेगळी प्रेमकथा स्वरूपात हे गीत उभं राहिलं.”

निर्माती वैशाली काळे

“हे आमच्या SNV स्टुडिओ या लेबलचं पहिलं गाणं. अहमदाबाद दुर्घटनेत मृत्यू झालेल्या एअर-हॉस्टेसच्या अधुरी प्रेमकथेवर हे गीत आधारित आहे. आगामी काळात आम्ही अनेक प्रोजेक्ट्स घेऊन येणार आहोत.”

दिग्दर्शक सागर सकट

“वास्तववादी कथा करण्याचा नेहमी प्रयत्न असतो. विमान दुर्घटनेनंतर मनात आलेले भावनिक विचार या गाण्यातून मांडले.”

अभिनेता अजिंक्य राऊत

“गिरगावातील १०० वर्षे जुन्या चाळीतले शुटिंग हा एक अविस्मरणीय अनुभव. दोन दिवसांत तीन मिनिटांत प्रेम, आनंद आणि विरह दाखवण्याचा प्रयत्न केला आहे.”

“तुला ना कळे” हे गाणं भावनिक, हृदयस्पर्शी आणि सुंदर चित्रीकरणामुळे प्रेक्षकांना भिडत असून याला मोठा प्रतिसाद मिळत आहे.

नक्की पाहा आणि आपल्या प्रतिक्रिया टीमपर्यंत नक्की पोहोचवा