स्नेहवन आश्रमाला लायन्स क्लबकडून गोमातेचे दान

स्नेहवन आश्रमाला लायन्स क्लबकडून गोमातेचे दान

पिंपरी : लायन्स क्लब इंटरनॅशनलच्या अधिपत्याखाली कार्यरत लायन्स क्लब ऑफ पुणे मेट्रोपोलीसच्या वतीने कोयाळी येथील स्नेहवन आश्रमाला गोमातेचे दान करण्यात आले. आत्महत्याग्रस्त शेतकऱ्यांच्या सुमारे ८० अनाथ मुलांचे संगोपन करणाऱ्या या आश्रमाला एक गाय व तिच्या चारासाठी एकूण ७२ हजार रुपयांची मदत देण्यात आली.

या उपक्रमाअंतर्गत ६३ हजार रुपयांची गाय आणि ९ हजार रुपयांचा चारा आश्रमाला सुपूर्द करण्यात आला. या मदतीमुळे आश्रमातील मुलांना नियमित पौष्टिक दूध उपलब्ध होणार असून त्यांच्या आरोग्याच्या दृष्टीनेही मोठा आधार मिळणार असल्याचे आयोजकांनी सांगितले.

कार्यक्रमाला लायन्स क्लब ऑफ पुणे मेट्रोपोलीसचे अध्यक्ष मिलिंद रणदिवे, सचिव ज्ञानेश्वर गायकवाड, खजिनदार श्रीकांत रेवणार, ॲक्टिव्हिटी चेअरपर्सन भरत इंगवले, झोन चेअरपर्सन विश्वजीत बोडगे, तसेच रामचंद्र माने, अनुपजी ठाकूर, नागेंद्र शेरेगर, अमित संगवान, महेश बरगले, जगराम कनोजिया, विनोद जाधव आणि वरदराज नाईक उपस्थित होते.

यावेळी युनियन जॅक ऑफ इंडियाचे व्यवस्थापक पवनकुमार शुक्ला, राजू गराडे, स्नेहवन आश्रमाचे संस्थापक अशोक देशमाने, लायन्स क्लबचे सदस्य तसेच आश्रमातील विद्यार्थी मोठ्या संख्येने उपस्थित होते. उपस्थितांनी या सामाजिक उपक्रमाचे कौतुक करत अशा सेवाभावी कार्याची गरज अधोरेखित केली.

यापुढील काळातही स्नेहवन आश्रमाच्या गरजेनुसार आवश्यक वस्तूंची मदत करण्यासाठी लायन्स क्लब ऑफ पुणे मेट्रोपोलीस आणि युनियन जॅक ऑफ इंडिया सातत्याने सहकार्य करणार असल्याची ग्वाही ॲक्टिव्हिटी चेअरपर्सन भरत इंगवले यांनी दिली. समाजातील गरजू आणि वंचित मुलांसाठी अशा उपक्रमांतून अधिकाधिक लोकांनी पुढे यावे, असे आवाहनही यावेळी करण्यात आले.