पिंपळे गुरवमध्ये महावीर जयंतीनिमित्त मिरवणूक; राजीव गांधी प्रतिष्ठानकडून स्वागत

पिंपळे गुरवमध्ये महावीर जयंतीनिमित्त मिरवणूक; राजीव गांधी प्रतिष्ठानकडून स्वागत

पिंपळे गुरव येथील वर्धमान जैन स्थानकाच्या वतीने भगवान महावीर जयंतीनिमित्त भव्य मिरवणूक काढण्यात आली. सत्य आणि अहिंसा या तत्त्वांवर आधारित ही मिरवणूक परिसरात उत्साहात पार पडली.

या मिरवणुकीचे राजीव गांधी प्रतिष्ठानच्या वतीने स्वागत करण्यात आले. यावेळी स्थानकाला आनंदरृषी महाराज यांची प्रतिमा तसेच नवकार महामंत्राची प्रतिमा भेट देण्यात आली. कार्यक्रमात भाविकांचा उत्स्फूर्त सहभाग पाहायला मिळाला.

या प्रसंगी स्थानक अध्यक्ष ॲड. राजेंद्र कर्णावत यांच्यासह राजेंद्र भाटिया, महावीरजी रुणवाल, सुरेश दादीवाल, सूर्यकांत भापना उपस्थित होते. तसेच राजीव गांधी प्रतिष्ठानचे अध्यक्ष संदेश नवले, प्रतीक नवले, विजय तातेड, अजय तातेड यांनीही मिरवणुकीत सहभाग नोंदवला.