संघर्षनायक रामदास आठवले यांचा वाढदिवस ‘संघर्षदिन’ म्हणून देशभर साजरा होणार

संघर्षनायक रामदास आठवले यांचा वाढदिवस ‘संघर्षदिन’ म्हणून देशभर साजरा होणार

पुणे | दि. 14 —

रिपब्लिकन पक्षाचे राष्ट्रीय अध्यक्ष व केंद्रीय सामाजिक न्याय राज्यमंत्री संघर्षनायक मा. ना. रामदास आठवले यांचा येत्या २५ डिसेंबर रोजी वाढदिवस असून, हा दिवस रिपब्लिकन पक्षातर्फे देशभर ‘संघर्षदिन’ म्हणून साजरा करण्यात येणार आहे.

या अनुषंगाने पुणे शहरातील रिपाइं कार्यालयात आयोजित बैठकीत माहिती देण्यात आली. संघर्षनायक रामदास आठवले यांच्या वाढदिवसानिमित्त केवळ औपचारिक साजरा न करता, समाजोपयोगी उपक्रमांद्वारे संघर्षदिन साजरा करण्याचे आवाहन करण्यात आले आहे. यामध्ये रक्तदान शिबिरे, मोफत आरोग्य व चिकित्सा शिबिरे, रुग्णांना फळांचे वाटप, गरजू व गरीब कुटुंबांना जीवनावश्यक वस्तूंचे वितरण तसेच थंडीपासून संरक्षणासाठी चादर वाटप अशा विविध उपक्रमांचा समावेश असणार आहे.

सामाजिक न्याय, समता आणि वंचितांच्या हक्कांसाठी आयुष्यभर संघर्ष करणाऱ्या रामदास आठवले यांच्या विचारांना कृतीतून अभिवादन करण्याचा हा उपक्रम असल्याचे यावेळी सांगण्यात आले.

या प्रसंगी रिपब्लिकन पक्षाचे प्रसिद्धी प्रमुख हेमंत रणपिसे, पुणे शहर अध्यक्ष संजय सोनवणे, राज्य सचिव बाळासाहेब जानराव, शैलेश चव्हाण, श्याम सदाफुले यांच्यासह अनेक पदाधिकारी व कार्यकर्ते उपस्थित होते.

संघर्षनायकांच्या विचारांची ज्योत प्रत्येक कार्यकर्त्याने समाजात पेटवावी, असे आवाहनही यावेळी करण्यात आले.