अभिमानाचा क्षण! पुण्यश्लोक 300 बोधचिन्ह आता वीजबिलावरही झळकणार!

अभिमानाचा क्षण! पुण्यश्लोक 300 बोधचिन्ह आता वीजबिलावरही झळकणार! 

पुणे | राज्यभरातील महाराणी अहिल्यादेवी होळकर यांच्यावर असलेल्या आदराचा आणि सामाजिक एकतेच्या भावनेचा ऐतिहासिक क्षण आज घडला आहे. पुण्यश्लोक 300 विशेष बोधचिन्ह अखेर अधिकृतपणे वीजबिलावर आणि महावितरण पोर्टलवर झळकू लागले असून नागरिकांकडून याला उत्स्फूर्त प्रतिसाद मिळत आहे.

या महत्त्वपूर्ण उपक्रमासाठी सातत्याने पाठपुरावा करणारे

श्री. बिरू कोळेकर साहेब (Biru Kolekar) यांचे समाजाकडून विशेष कौतुक होत आहे.

महाराणी अहिल्यादेवी समाज प्रबोधन मंच, महाराष्ट्र राज्य — मुंबई यांच्या वतीने वीजबिलावर पुण्यश्लोक 300 बोधचिन्ह छापावे अशी अधिकृत मागणी करण्यात आली होती. या पत्राचा मान राखत विद्युत वितरण कंपनीने तातडीने कार्यवाही करत बोधचिन्हाची समाविष्टता जाहीर केली.

समाजभावनेचा सन्मान —

प्रबोधन मंचची विनंती मान्य करून महावितरणने केलेल्या या उपक्रमामुळे महाराष्ट्रभर आनंद आणि अभिमानाची भावना पसरली आहे.

महावितरण कंपनीचे तसेच हा उपक्रम शक्य करून देणाऱ्या सर्वांचे मनःपूर्वक आभार!

हा निर्णय केवळ एका बोधचिन्हाचा नव्हे, तर महाराणी अहिल्यादेवींच्या गौरवशाली कार्याचा सन्मान – समाजभावनेचा विजय आहे!