भैरवनाथ–विठ्ठल मंदिरास इन्व्हर्टर व बॅटरींची देणगी

भैरवनाथ–विठ्ठल मंदिरास इन्व्हर्टर व बॅटरींची देणगी

पिंपळे निलख प्रतिनिधी —

समस्त देखभाल कमिटी सदस्य, ग्रामस्थ व भाविकांसाठी आनंदाची बाब ठरावी अशी बातमी आहे. भैरवनाथ–विठ्ठल मंदिरात श्री संत ज्ञानेश्वर व श्री संत तुकाराम महाराज यांच्या मूर्ती प्राणप्रतिष्ठा कार्यासाठी श्रीयुत आयुष मिश्रा (मूळगाव – उत्तरप्रदेश, सध्या रक्षक सोसायटी, पिंपळे निलख) यांच्याकडून यापूर्वी रुपये ९३,०००/- इतकी देणगी प्राप्त झाली होती.

मंदिराच्या दैनंदिन गरजा लक्षात घेऊन मागील हप्त्यात मंदिर देखभाल कमिटीचे सदस्य श्री भरत इंगवले यांनी इन्व्हर्टर व बॅटरी संदर्भात श्री आयुष मिश्रा यांच्याशी चर्चा केली होती. त्यानुसार श्री मिश्रा यांनी मंदिरास भेट देऊन पाहणी केली व आवश्यक माहिती घेतली.

शुक्रवार, दिनांक १९ डिसेंबर २०२५ रोजी श्री आयुष मिश्रा यांनी स्वेच्छेने भैरवनाथ–विठ्ठल मंदिरास रुपये ७९,०००/- किमतीचा इन्व्हर्टर व चार बॅटऱ्या देणगी स्वरूपात प्रदान केल्या. या सुविधेमुळे भविष्यात मंदिरातील कार्यक्रम, आरती व धार्मिक विधी दरम्यान वीज खंडित झाल्यास येणारी अडचण कायमची दूर झाली आहे.

या उपक्रमाबद्दल ग्रामस्थ व भाविकांनी श्री आयुष मिश्रा यांचे मनःपूर्वक आभार मानले. इन्व्हर्टर व बॅटरी बसविण्याच्या वेळी ग्रामस्थ मोठ्या संख्येने उपस्थित होते.