जुन्या वाहनधारकांसाठी मोठी दिलासादायक बातमी — एचएसआरपी बसवण्यासाठी ३१ डिसेंबरपर्यंत मुदतवाढ

जुन्या वाहनधारकांसाठी मोठी दिलासादायक बातमी — एचएसआरपी बसवण्यासाठी ३१ डिसेंबरपर्यंत मुदतवाढ

मुंबई : परिवहन विभाग

महाराष्ट्र शासनाने दिनांक ०१ एप्रिल २०१९ पूर्वी नोंदणी केलेल्या सर्व जुन्या वाहनांना उच्च सुरक्षा नोंदणी क्रमांक (HSRP) पाटी बसविण्यासाठी आणखी एक महिन्याची मुदतवाढ दिली आहे. यापूर्वी ही अंतिम तारीख ३० नोव्हेंबर २०२५ होती; मात्र राज्यातील स्थानिक स्वराज्य संस्थांच्या निवडणुकांचा विचार करून ही मुदत ३१ डिसेंबर २०२५ पर्यंत वाढविण्यात आली आहे.

परिवहन आयुक्तांनी दिलेल्या माहितीनुसार, राज्यातील सर्व जुनी दुचाकी, चारचाकी आणि जड वाहने यांना अनिवार्यपणे उच्च सुरक्षा नोंदणी क्रमांक प्लेट (HSRP) बसवावी लागणार आहे. यासाठी वाहन मालकांनी विलंब न करता आवश्यक ती अपॉइंटमेंट घेण्याचे आवाहन करण्यात आले आहे.

HSRP बसविण्यासाठी वाहनधारकांनी थेट परिवहन विभागाच्या अधिकृत संकेतस्थळावर

👉 transport.maharashtra.gov.in

येथे जाऊन दिनांक ३१/१२/२०२५ पूर्वी ऑनलाईन स्लॉट बुक करणे आवश्यक आहे.

परिवहन विभागाने स्पष्ट केले आहे की, मुदत संपल्यानंतर HSRP न बसविणाऱ्या वाहनांवर दंडात्मक कारवाई अनिवार्यपणे केली जाईल. त्यामुळे सर्व वाहनमालकांनी निर्धारित कालावधीत प्रक्रिया पूर्ण करून सहकार्य करावे, असे आवाहन करण्यात आले आहे.

– परिवहन आयुक्त, महाराष्ट्र राज्य, मुंबई