महिनाभर चाललेला उत्सव… लोकप्रेमाचा वर्षाव’ — आमदार महेश लांडगे यांची भावनिक प्रतिक्रिया

महिनाभर चाललेला उत्सव… लोकप्रेमाचा वर्षाव’ — आमदार महेश लांडगे यांची भावनिक प्रतिक्रिया

पिंपरी-चिंचवड | प्रतिनिधी

भोसरी विधानसभा मतदारसंघात “वाढदिवस” नव्हे तर एका लोकप्रतिनिधीच्या कार्याचा, त्यांच्यावरील प्रेमाचा आणि विश्वासाचा मोठा उत्सव गेल्या महिनाभर रंगला. सामाजिक आणि सांस्कृतिक उपक्रमांच्या शंभरी पार कार्यक्रमांनी प्रदेशाला उत्सवी रूप प्राप्त झालं. या अभूतपूर्व प्रतिसादाने भारावून आमदार महेश किसनराव लांडगे यांनी आपल्या मनोगतात कृतज्ञता व्यक्त केली आहे.

“कृतज्ञ मी… कृतार्थ मी…!” या शब्दांत सुरुवात करत आमदार लांडगे म्हणाले —

“धावपळीच्या जगात एखाद्या लोकप्रतिनिधीच्या वाढदिवसानिमित्त मित्रपरिवार, सहकारी आणि नागरिकांनी महिनाभर 100 हून अधिक सामाजिक उपक्रम राबवावेत… ही गोष्ट माझ्यासाठी चमत्कारिक आणि भाग्याची वाटते. मला जीवाला जीव देणारी माणसं लाभली हेच माझं सर्वात मोठं संपत्ती आहे.”

महिनाभर भोसरी आणि पिंपरी-चिंचवड परिसरात रक्तदान शिबिरे, आरोग्य शिबिरे, सांस्कृतिक कार्यक्रम, प्रबोधनात्मक उपक्रम, हिंदुभूषण क्रीडा महोत्सव अशा विविध उपक्रमांनी वाढदिवस उत्सवाचे स्वरूप घेतला. गावजत्रा मैदानावरील अभिषेक चिंतन सोहळ्यात उसळलेल्या जनसागराने आमदार लांडगे भावूक झाले.

ते पुढे म्हणाले —

“इतक्या लोकांचा प्रेमपूर्वक सहभाग पाहून उर भरून आला. मी नेमकं काय कमावलय त्याची जाणीव झाली. यावर्षीचा वाढदिवस मी सफाई आणि घरकामगार माता-भगिनींना समर्पित केला. त्यांचा सन्मान करताना वेगळाच आनंद झाला.”

वडीलधाऱ्यांचे आशीर्वाद, सहकाऱ्यांची साथ आणि कार्यकर्त्यांच्या प्रेमानेच सामाजिक जीवनात समर्पित भावनेतून काम करता येते, असे सांगत त्यांनी नागरिकांच्या प्रत्येक शुभेच्छेबद्दल कृतज्ञता व्यक्त केली.

“प्रत्येक फोन, संदेश, पोस्ट, भेट आणि शुभेच्छांमध्ये आपलेपणा होता… तोच माझ्यासाठी सर्वात मोठा गिफ्ट आहे. तुमची निस्सीम साथ मिळणे ही देवकृपा आहे.” — असे आमदार महेश लांडगे म्हणाले.

शेवटी त्यांनी देव-देश-धर्म आणि संस्कृती संवर्धनासाठी कटिबद्ध राहण्याचा शब्द देत नागरिकांना मनःपूर्वक धन्यवाद दिले.

“तुमचा विश्वास, तुमचं प्रेम आणि तुमची साथ — हेच माझी खरी संपत्ती आहे.”

— महेश किसनराव लांडगे

आमदार, भाजप, पिंपरी-चिंचवड