वाढदिवसाचा अर्थपूर्ण उत्सव : अनाथ मुलींना मदतीचा हात

वाढदिवसाचा अर्थपूर्ण उत्सव : अनाथ मुलींना मदतीचा हात

पिंपळे निलख | प्रतिनिधी

मैत्री आधार सामाजिक संस्था, पिंपळे निलखच्या माध्यमातून सामाजिक बांधिलकीचा आदर्श ठेवत संस्थेचे सन्माननीय सभासद श्री. संतोष शेट्टी यांनी आपल्या ५० व्या वाढदिवसानिमित्त अनोखा उपक्रम राबवला. चिंबळी येथील ओमशांती मुलींच्या बालगृह आश्रमात वास्तव्यास असलेल्या २२ अनाथ मुलींना आवश्यक वस्तू देऊन त्यांनी खऱ्या अर्थाने वाढदिवस साजरा केला.

याचवेळी गरजू कुमारी सायली जोवारी या मुलीची कॉलेज फी भरून शिक्षणासाठी मोलाचा हातभार लावण्यात आला. या संपूर्ण उपक्रमासाठी एकूण १५,००० रुपये खर्च करण्यात आला.

या सामाजिक कार्यात

श्री. संतोष शेट्टी व त्यांचा परिवार,

श्री. संतोष पादव व त्यांचा परिवार,

तसेच मैत्री आधार सामाजिक संस्थेचे कार्याध्यक्ष श्री. भरतशेठ इंगवले

यांची उपस्थिती लाभली.

या मदतीमुळे अनाथ मुलींच्या चेहऱ्यावर उमटलेला आनंद पाहून उपस्थितांचेही मन भरून आले. “गरजूंना मदत हाच खरा उत्सव” हा संदेश या उपक्रमातून अधोरेखित झाला.

मैत्री आधार सामाजिक संस्था, पिंपळे निलखच्या या उपक्रमाचे सर्व स्तरातून कौतुक होत असून, समाजात सकारात्मक परिवर्तन घडविण्यासाठी अशाच उपक्रमांची गरज असल्याची भावना व्यक्त होत आहे.