पशुसंवर्धन विभागाच्या योजनांचा लाभ घेण्याचे आवाहन – २ डिसेंबरपर्यंत अर्ज दाखल करा

पशुसंवर्धन विभागाच्या योजनांचा लाभ घेण्याचे आवाहन – २ डिसेंबरपर्यंत अर्ज दाखल करा

पशुसंवर्धन विभाग, जिल्हा परिषद सोलापूर यांच्या वतीने सन २०२५–२०२६ या आर्थिक वर्षामध्ये जिल्हा वार्षिक योजनेतून वैयक्तिक लाभाच्या विविध योजना राबविण्यात येत आहेत. या अनुषंगाने पात्र लाभार्थ्यांनी २ डिसेंबर २०२५ पर्यंत अर्ज दाखल करण्याचे आवाहन जिल्हा उपायुक्त, पशुसंवर्धन व दुग्ध व्यवसाय विभाग, जिल्हा परिषद सोलापूर यांनी केले आहे.

योजनेअंतर्गत दुभत्या जनावरांना खाद्य उपलब्धता सुधारणा कार्यक्रम, तसेच वैरण व पशुखाद्य विकास कार्यक्रम या महत्त्वाच्या योजना राबविण्यात येणार आहेत.

पात्र लाभार्थ्यांकडून अर्ज गुगल फॉर्मद्वारे स्वीकारले जात असून संबंधित लिंक दिनांक ३ नोव्हेंबर २०२५ पासून सुरू करण्यात आली आहे. अर्ज करण्यासाठी दिलेली लिंक तसेच जोडलेला QR कोड पंचायत समितीतील पशुधन विकास अधिकारी (विस्तार) आणि सर्व पशुवैद्यकीय दवाखान्यांमध्ये उपलब्ध आहेत.

याशिवाय, अर्जाची लिंक आणि संपूर्ण माहिती जिल्हा परिषद सोलापूरच्या अधिकृत संकेतस्थळावर देखील उपलब्ध आहे.

अर्ज स्वीकृतीची अंतिम तारीख – २ डिसेंबर २०२५ असून पात्र पशुपालकांनी निर्धारित वेळेत अर्ज दाखल करून योजनांचा लाभ घ्यावा, असे आवाहन विभागाकडून करण्यात आले आहे.