पुणे रस्ता अपघात : ट्रकने अनेक वाहनांना धडक दिली; सहा ठार, अनेक जखमी

नवी दिल्ली: पुणे-बेंगळुरू महामार्गावरील नवले पुलाजवळ गुरुवारी सायंकाळी झालेल्या अपघातात सहा जण ठार तर किमान आठ जण जखमी झाले. अधिकाऱ्यांनी दिलेल्या माहितीनुसार, एका कंटेनर ट्रकने नियंत्रण गमावले आणि अनेक वाहनांना धडक दिली. या धडकेनंतर दोन ते तीन अवजड वाहनांनी पेट घेतला.घटनास्थळावरील व्हिडिओमध्ये दोन जळत्या कंटेनर ट्रकमध्ये एक कार चिरडलेली दिसत आहे. जखमींना जवळच्या रुग्णालयात दाखल करण्यात आले आहे. पीटीआय या वृत्तसंस्थेच्या हवाल्याने पुणे पोलिसांचे डीसीपी संभाजी कदम म्हणाले, “अपघात कसा घडला याचा आम्ही तपास करत आहोत. सध्या, जखमींना रुग्णालयात तातडीने उपचार मिळावेत, हे आमचे प्राधान्य आहे.”अग्निशमन विभागाने पाण्याचे टँकर घटनास्थळी पाठवले असून अग्निशमन दलाच्या जवानांनी आग आटोक्यात आणण्याचे काम केले. या अपघातामुळे महामार्गावरही मोठी वाहतूक कोंडी झाली होती.