आतापर्यंत १० जणांना नवी दृष्टी; नितीन इंगवले मित्र परिवाराची उल्लेखनीय सेवा

आतापर्यंत १० जणांना नवी दृष्टी; नितीन इंगवले मित्र परिवाराची उल्लेखनीय सेवा

पिंपळे निलख प्रतिनिधी :

नितीन इंगवले मित्र परिवाराच्या वतीने आज तीन गरजू नागरिकांचे मोतीबिंदू ऑपरेशन यशस्वीरीत्या करून देण्यात आले. यासह आतापर्यंत एकूण १० जणांना नवी दृष्टी मिळाल्याने अनेक कुटुंबांच्या आयुष्यात आशेचा प्रकाश पसरला आहे.

ही मदत केवळ वैद्यकीय उपचारापुरती मर्यादित नव्हती, तर अंधारातून उजेडाकडे नेणारी माणुसकीची सेवा ठरली. ऑपरेशननंतर पुन्हा स्पष्ट दिसू लागलेल्या डोळ्यांतून उमटलेले समाधान आणि अश्रूंनी व्यक्त झालेले आभार पाहून सेवेची खरी किंमत पैशात नसून कृतज्ञ भावनांमध्ये असते, हे पुन्हा एकदा अधोरेखित झाले.

यापूर्वी सात जणांच्या डोळ्यांच्या शस्त्रक्रिया करून दिल्यानंतर आज पुन्हा तीन गरजू नागरिकांना नवी दृष्टी देत, नितीन इंगवले आणि मित्र परिवाराने सामाजिक बांधिलकीचे उत्तम उदाहरण समाजासमोर ठेवले आहे.

“कोणतीही चांगली गोष्ट लहान नसते आणि कोणताही प्रकाश वाया जात नाही,” हे या उपक्रमातून सिद्ध झाले.

महत्त्वाचे म्हणजे, हे सामाजिक कार्य राजकारणाचा काडीमात्र संबंध न ठेवता, कोणत्याही निवडणूक-प्रेरित उद्देशांशिवाय, निखळ सेवाभावातून करण्यात आले आहे. आज दहा जीवनांमध्ये उजेड पसरवून या मित्र परिवाराने समाजात माणुसकी, विश्वास आणि प्रेरणेचा संदेश दिला आहे.