पुणे प्रतिनिधी : पुण्याच्या खाद्यसंस्कृतीत वेगळी ओळख निर्माण करणाऱ्या ‘शौकीन फॅमिली पान’ या ब्रँडने विस्ताराचा वेग कायम ठेवत खेड शिवापूर येथे नव्या शाखेचे उद्घाटन केले आहे. २८ मार्च २०२६ रोजी पुणे-बंगळूर महामार्गावरील हॉटेल जगदंबा परिसरात ही शाखा सुरू करण्यात आली. नळ स्टॉप येथून सुरू झालेल्या या उपक्रमाने अल्पावधीतच ग्राहकांची पसंती मिळवत पुणे व मुंबईत आपला ठसा उमटवला आहे.

‘शौकीन पान’ची खासियत म्हणजे येथे मिळणारी सर्व पाने १०० टक्के तंबाखूमुक्त असून नैसर्गिक घटकांपासून तयार केली जातात. त्यामुळे आरोग्यदायी आणि सुरक्षित पर्याय म्हणून ग्राहकांकडून मोठा प्रतिसाद मिळत आहे. फॅमिली-फ्रेंडली संकल्पनेमुळे महिलांसह लहान मुलांनाही येथे आरामदायी आणि स्वच्छ वातावरणात पानाचा आनंद घेता येतो.

या ठिकाणी पारंपरिक विड्यांबरोबरच ‘फायर पान’, ‘चॉकलेट पान’ आणि ‘गोल्ड लीफ पान’ यांसारख्या ५० हून अधिक विविध चवींची मेजवानी उपलब्ध आहे. पारंपरिक पानाला ‘डेजर्ट पान’ची आधुनिक ओळख देत या ब्रँडने तरुणांमध्येही विशेष लोकप्रियता मिळवली आहे.

सध्या पुण्यातील कोथरूड, बाणेर, हडपसर, वाकड, सिंहगड रोड, बावधन व पिंपरी-चिंचवड येथे शाखा कार्यरत असून मुंबईतील दादरमध्येही ‘शौकीन पान’ने यशस्वी पाऊल ठेवले आहे. २००५ साली उद्योजक शरद मोरे यांनी सुरू केलेल्या या ब्रँडचे डिजिटल प्लॅटफॉर्मवरही विस्तार झाले असून Swiggy व Zomatoद्वारेही सेवा उपलब्ध आहे. खेड शिवापूरमधील नव्या शाखेमुळे ब्रँडचा विस्तार अधिक बळकट होत असून भविष्यात राज्यासह देशभर विस्ताराचा मानस व्यक्त करण्यात आला आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पुण्याचे लाडके ‘शौकीन फॅमिली पान’ खेड शिवापूरमध्ये; ५०+ चवींची आकर्षक मेजवानी appeared first on GOLDEN PENN.

पिंपरी, प्रतिनिधी :
निगडी येथील राजमाता अहिल्यादेवी होळकर प्रतिष्ठानच्या वतीने जेष्ठ सामाजिक कार्यकर्ते व देहू ग्रामपंचायतचे माजी सभापती गोपाळशेठ उर्फ आप्पासाहेब काळोखे यांना ज्येष्ठ साहित्यिक डॉ. श्रीपाल सबनीस यांच्या हस्ते ‘यमूनानगर भूषण” पुरस्काराने सन्मानित करण्यात आले. तसेच नवनिर्वाचित नगरसेविका सुलभा उबाळे, नगरसेवक उत्तम केंदळे, बापू घोलप, अर्चना कारंडे यांचाही सन्मान करण्यात आला.
कार्यक्रमाचे उद्घाटन उद्योजक विजयकुमार जयशेट्टे यांच्या हस्ते करण्यात आले. यावेळी विरोधी पक्षनेते भाऊसाहेब भोईर, हवेली पंचायत समितीचे सदस्य बाळासाहेब काळोखे, माजी नगरसेवक सचिन चिखले, राजाभाऊ गोलांडे, गणेश काळोखे, पांडुरंग काळोखे, भानूदास काळोखे, माजी प्राचार्य डॉ. सोमनाथ नजन, राहूल जाधव, ज्ञानेश्वर बिराजदार, विठ्ठल मंदिरचे अध्यक्ष अंकुश जगदाळे, नारायण पाटील आदी उपस्थित होते.
कार्यक्रमाचे आयोजन प्रतिष्ठानचे अध्यक्ष प्रा. राजेंद्र घोडके, उत्सव समितीचे अध्यक्ष रविंद्र चित्ते, उपाध्यक्ष दीपक वाणी, कार्याध्यक्ष दत्तात्रय मेमाणे, भरत डोके, दिगंबर पेटकर, गौरव सोनवणे, विश्वनाथ घोडके, सागर सुरवसे, उमेश कागे यांनी केले.
प्रास्ताविक शोभा घोडके यांनी, सन्मानपत्राचे वाचन सुनिता सुर्यवंशी यांनी, सूत्रसंचालन दीपक मुगावे यांनी, तर आभार नरसिंग माने यांनी मानले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post गोपाळशेठ उर्फ आप्पासाहेब काळोखे यांचा ‘यमूनानगर भूषण” पुरस्काराने सन्मान appeared first on GOLDEN PENN.

वारंवार पाठपुरावा करूनही ठोस उपाययोजना नाही; नागरिकांच्या सुरक्षेचा प्रश्न ऐरणीवर

प्रतिनिधी | पिंपळे निलख

पिंपळे सौदागर परिसरातील विश्वशांती कॅालनी ,लिनियर गार्डन , पिंपळे सौदागर गावठाण  भागात भटक्या कुत्र्यांचा वाढता त्रास नागरिकांच्या सुरक्षेचा गंभीर प्रश्न बनत असल्याची तक्रार नगरसेविका अनिताताई संदीप काटे यांनी केली आहे. यासंदर्भात संबंधित विभागाकडे वारंवार लेखी तसेच दूरध्वनीद्वारे पाठपुरावा करूनही अद्याप कोणतीही ठोस कारवाई करण्यात आलेली नसल्याचा आरोप त्यांनी केला आहे.

नगरसेविका काटे यांनी दिलेल्या माहितीनुसार, परिसरात भटक्या कुत्र्यांची संख्या लक्षणीयरीत्या वाढली असून नागरिकांकडून सातत्याने तक्रारी प्राप्त होत आहेत. विशेषतः लहान मुले, शाळकरी विद्यार्थी आणि ज्येष्ठ नागरिक यांच्या सुरक्षेबाबत मोठी चिंता व्यक्त केली जात आहे. काही भागांत कुत्र्यांच्या टोळ्यांमुळे नागरिकांमध्ये भीतीचे वातावरण निर्माण झाले आहे.

या पार्श्वभूमीवर पशुवैद्यकीय विभागातील अधिकारी अरुण दगडे व प्रमोद बाबर यांच्याशी अनेक वेळा संपर्क साधण्याचा प्रयत्न करण्यात आला. मात्र वारंवार फोन करूनही कोणताही प्रतिसाद मिळालेला नसल्याचे नगरसेविका काटे यांनी नमूद केले.

सदर प्रकरणाची गांभीर्याने दखल घेऊन तात्काळ उपाययोजना कराव्यात, संबंधित अधिकाऱ्यांना आवश्यक त्या सूचना द्याव्यात तसेच करण्यात आलेल्या कारवाईबाबत लेखी स्वरूपात माहिती द्यावी, अशी मागणी त्यांनी केली आहे.

नागरिकांच्या सुरक्षेच्या दृष्टीने भटक्या कुत्र्यांवर नियंत्रण मिळवण्यासाठी निर्बीजिकरण, लसीकरण व पुनर्वसनासारख्या उपाययोजना तातडीने राबविण्याची गरज व्यक्त होत आहे. प्रशासनाने या प्रश्नाकडे तातडीने लक्ष देऊन नागरिकांना दिलासा द्यावा, अशी अपेक्षा व्यक्त केली जात आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पिंपळे सौदागरमध्ये भटक्या कुत्र्यांचा वाढता त्रास; तातडीने कारवाईची नगरसेविका अनिताताई काटे यांची मागणी appeared first on GOLDEN PENN.

पुणे : पुणे महानगरपालिकेच्या औंध रोड कार्यालयाच्या माध्यमातून छत्रपती शिवाजी महाराज यांच्या जयंतीनिमित्त परिसर स्वच्छता व पाहणीसाठी विशेष संयुक्त मोहीम (ड्राईव्ह) राबविण्यात आली. या मोहिमेत सर्व विभागांचे प्रमुख, वार्ड अधिकारी नायकर यांच्यासह आरोग्य, अतिक्रमण, विद्युत, उद्यान तसेच ड्रेनेज विभागाचे अधिकारी व कर्मचारी सहभागी झाले होते.

ही पाहणी डॉ. बाबासाहेब आंबेडकर चौक ते राजर्षी शाहू महाराज चौक या मार्गावर घेण्यात आली. पाहणीदरम्यान परिसरातील स्वच्छता, अतिक्रमण, विद्युत व्यवस्था, हिरवळ तसेच ड्रेनेज व्यवस्थेचा सखोल आढावा घेण्यात आला.

या वेळी उपमहापौर परशुराम वाडेकर यांच्यासह नगरसेवक सनी निम्हन, नगरसेविका सपना छाजेड, भक्ती गायकवाड तसेच आनंद छाजेड, अमित मुरकुटे, अविनाश कदम व अन्य स्थानिक कार्यकर्ते उपस्थित होते.

1. याप्रसंगी परशुराम वाडेकर, उपमहापौर, पुणे यांनी अशाच स्वरूपाची मोहीम दोन महिन्यांतून एकदा संपूर्ण शहरातील सर्व प्रभागांतील झोपडपट्ट्या व प्रमुख रस्त्यांवर राबविण्याचे स्पष्ट निर्देश दिले. या सातत्यपूर्ण मोहिमेमुळे नागरिकांच्या दैनंदिन समस्या तातडीने सोडविण्यास मदत होईल, असा विश्वास त्यांनी व्यक्त केला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post *छत्रपती शिवाजी महाराज जयंतीनिमित्त औंध रोड परिसरात महापालिकेची संयुक्त मोहीम appeared first on GOLDEN PENN.

शिवाजीनगर रोड, दापोडी परिसरात MH13 AX 4786 क्रमांकाचा लॅारी ट्रक संशयास्पद स्थितीत आढळून आला. यावेळी अतुल पवार (सचिव, ऑल इंडिया ह्युमन राइट असोसिएशन, पुणे जिल्हा – भारत सरकार) यांनी सदर वाहन थांबवून वाहनचालकाची चौकशी केली.

वाहनचालकाने सांगितले की तो मुंबईहून सोलापूरकडे जात आहे. मात्र वाहनाचा ड्रायव्हिंग लायसन्स व कागदपत्रे विचारल्यावर वाहनचालकाने स्पष्ट केले की वाहन परवाना संपलेला आहे तसेच “गाडीचा परवाना ऑनलाइन चेक करा” असे उत्तर दिले. त्यामुळे सदर वाहन अनधिकृत पद्धतीने वाहतूक करत असल्याचे निदर्शनास आले.

या गंभीर बाबीची दखल घेत 112 वर कॉल करून संबंधित विभागाला माहिती देण्यात आली. त्यानंतर तात्काळ पोलिसांनी घटनास्थळी दाखल होत योग्य ती कार्यवाही केली, त्यामुळे मोठा धोका टळला.

विशेष म्हणजे सदर ट्रक क्षमता पेक्षा जास्त वजन वाहत असल्याने एका बाजूला कललेला होता, तरीही चालक वेगाने व बेधुंदपणे वाहन चालवत होता, हे स्थानिक नागरिकांच्या निदर्शनास आले. अशा प्रकारच्या वाहनांमुळे अपघातांची शक्यता वाढत असल्याने प्रशासनाने कठोर प्रतिबंधात्मक उपाययोजना कराव्यात, अशी भावना नागरिकांकडून व्यक्त होत आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post शिवाजीनगर रोड दापोडी येथे परवाना संपलेल्या ट्रकवर कारवाई; मोठा अपघात टळला appeared first on GOLDEN PENN.

“केंद्रीय अर्थसंकल्प 2026–27 हा शिस्तबद्ध आर्थिक धोरणासोबतच लक्ष केंद्रित गुंतवणुकीद्वारे विकासाला चालना देणारा असल्याचे स्पष्टपणे दिसून येते. भारताच्या व्यापक आर्थिक पायाभूत घटकांवरील विश्वास या अर्थसंकल्पामुळे अधिक बळकट होतो. पायाभूत सुविधा आणि शहरी विकासासाठी वाढवलेली तरतूद, विशेषतः टियर-2 आणि टियर-3 शहरांवर तसेच सुधारित संपर्क व्यवस्थेवर दिलेला भर, नव्या निवासी बाजारपेठांना चालना देईल आणि उदयोन्मुख शहरी केंद्रांमधील जीवनमान उंचावेल.

भांडवली खर्चात झालेली वाढ आणि शहरी आर्थिक क्षेत्रांना दिलेले प्रोत्साहन यामुळे दीर्घकालीन निवासी रिअल इस्टेट क्षेत्र अधिक सक्षम होईल. मागणीची मूलभूत कारणे भक्कम होण्यास मदत होईल, तसेच विकासकांसाठी अंमलबजावणीशी संबंधित जोखीम कमी होतील. गृहखरेदीदारांसाठी थेट कर सवलती मर्यादित असल्या तरी सातत्यपूर्ण पायाभूत गुंतवणूक आणि स्पष्ट वित्तपुरवठा मार्ग यामुळे अप्रत्यक्षपणे परवडणाऱ्या घरांच्या उपलब्धतेला पाठबळ मिळू शकते.

याशिवाय, परवडणाऱ्या आणि भाडेकरू गृहनिर्माणासंदर्भात अधिक स्पष्ट धोरणांची गरज असल्याचेही अर्थसंकल्पात अधोरेखित करण्यात आले आहे, जेणेकरून वाढत्या मागणीला सक्षम आणि प्रभावी वितरण यंत्रणेद्वारे प्रतिसाद देता येईल.”

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post गेरा डेव्हलपमेंट्सचे व्यवस्थापकीय संचालक श्री. रोहित गेरा यांचे केंद्रीय अर्थसंकल्प 2026–27 वर मत : appeared first on GOLDEN PENN.

पिंपळे निलख येथील मैत्री आधार सामाजिक संस्था यांच्या वतीने सामाजिक व पत्रकारितेच्या क्षेत्रात सातत्यपूर्ण व निर्भीड कार्य करणारे पत्रकार बजरंग मसाळ यांचा सन्मान करण्यात आला. यावेळी त्यांना जाहिरात स्वरूपात मदत देत संस्थेने सामाजिक बांधिलकीचे उत्तम उदाहरण सादर केले.

संस्थेचे ज्येष्ठ मार्गदर्शक ह.भ.प. माऊली मुरकुटे, बाळासाहेब धरपळे, भरत इंगवले, प्रकाश मुळे, प्रभाकर भारती यांनी पत्रकार मसाळ यांच्या उपनगरातील सामाजिक व पत्रकारितेतील कार्याची दखल घेत त्यांना प्रेरणा, प्रोत्साहन व शुभेच्छा दिल्या.

“हा सन्मान म्हणजे आमच्या कार्याची पावती असून, अधिक जबाबदारीने समाजहितासाठी कार्य करण्याची ऊर्जा देणारा आहे,” अशी भावना यावेळी पत्रकार बजरंग मसाळ यांनी व्यक्त केली.

या प्रसंगी राजेंद्र टकले (संस्थापक), संदीप साठे, जयवंत रानवडे, सतीश रानवडे, बापूसाहेब गायकवाड आदी मान्यवर उपस्थित होते.

हा सन्मान केवळ एका पत्रकाराचा गौरव नसून, सत्य, निर्भीडता आणि सामाजिक बांधिलकीच्या पत्रकारितेचा गौरव असल्याची भावना उपस्थितांमध्ये व्यक्त होत होती.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पिंपळे निलख मैत्री आधार सामाजिक संस्थेतर्फे पत्रकार बजरंग मसाळ यांचा सन्मान appeared first on GOLDEN PENN.

पुणे : पुणे महानगर पालिकेच्या आगामी निवडणुकीच्या पार्श्वभूमीवर कार्यकर्ते, पदाधिकारी तसेस  मनपा निवडणुकीसाठी इच्छुक उमेदवारांमध्ये  निवडणूकीचे उत्साहवर्धक वातावरण निर्माण करण्यासाठी रिपब्लिकन पार्टी ऑफ इंडिया (आठवले) पक्षाच्यावतीने ‘संकल्प मेळाव्याचे आयोजन केले आहे. हा संकल्प  मेळावा २१  डिसेंबर २०२५ रोजी  सायंकाळी ६ वा. अहिल्या आश्रम मैदान, डॉ बाबासाहेब आवेडकर महाविद्यालय, नाना पेठ, पुणे येथे होणार असल्याची माहिती पत्रकार परिषदेत देण्यात आली.

यावेळी रिपब्लिकन पार्टी ऑफ इंडिया (आठवले) चे पुणे शहराध्यक्ष संजय सोनवणे, प्रदेश सचिव बाळासाहेब जानराव, अशोक कांबळे, अशोक शिरोळे, महेंद्र कांबळे, महिपाल वाघमारे, शाम सदाफुले, महिला शहराध्यक्ष हिमाली कांबळे, मोहन जगताप, बाबूराव घाडगे, भगवान गायकवाड, वसंत बनसोडे, डॉ. कपिल जगताप, रोहित कांबळे, निशांत सोनवणे आदि उपस्थित होते.

केंद्रीय सामाजिक न्याय राज्यमंत्री व पक्षाचे राष्ट्रीय अध्यक्ष मा. रामदास आठवले यांच्या  अध्यक्षतेखाली व मार्गदर्शनाखाली मेळावा संपन्न होणार आहे.  या मेळाव्यात मित्र पक्षाचे केंद्रीय नागरी विमान वाहतूक  राज्यमंत्री  मुरलीधर मोहोळ,  उच्च व तंत्रशिक्षण मंत्री चंद्रकांत पाटील,  सामाजिक न्याय राज्यमंत्री माधुरी  मिसाळ आणि  महायुतीतील सर्व आमदार या मेळाव्यास प्रमुख पाहुणे  म्हणून उपस्थित राहून मार्गदर्शन करणार आहेत. रिपब्लिकन पक्षाचे केंद्रीय सरचिटणीस अविनाश महातेकर,  महाराष्ट्र राज्याचे प्रदेशाध्यक्ष राजाभाऊ सरोदे हे पक्षाचे प्रमुख नेते मेळाव्याकरीता उपस्थित राहणार आहेत,

मेळावा यशस्वी होण्यासाठी निरनिराळया समित्या गठीत केल्या आहेत पुणे शहरातील प्रत्येक विधानसभा मतदार संघात व शाखामध्ये बैठका घेणे सुरु आहे,  त्याचप्रमाणे अहिल्या आश्रम मैदान, डॉ. बाबासाहेव आंबेडकर महाविद्यालय, नानापेठ, पुणे येथील मैदानावर स्टेज, मंडप, पार्किंगची जय्यत तयारी चालू केली आहे.

निवडणूक प्रकिया अंतर्गत इच्छुक उमेव्दारांकरीता ११  ते १३ डिसेंबर २०२५ पर्यंत फॉर्म वाटप व स्विकृक्ति ठेवली आहे.  मागील महापालिका निवडणूका भाजपा – आरपीआय महायुतीच्या वतीने लढविल्या गेल्या होत्या त्यामध्ये आरपीआयचे पाच नगरसेवक निवडून आले होते, महापालिकेत महायुतीच्या माध्यमातून रिपब्लिकन पक्षाला वेगळा गट म्हणून मान्यता देण्यात आली होती त्यानुसार वेगळे ऑफिस देण्यात आले होते, पाच वर्षाच्या कालावधीमध्ये तीन नगरसेवकांना उपमहापौर पदे देण्यात आली पक्षाला दोन प्रभाग समितीचे अध्यक्ष पदे व स्थायी कमिटी सदस्स पद मिळाले, महायुतीच्या सत्तेच्या माध्यमातून महापालिकेच्या प्रवेशव्दारावर महामानव डॉ. बाबासाहेब आंबेडकर यांचा अर्थ पुतळा बसविण्यात आला, या सर्व सकारात्मक बाबींचा विचार करुन पुन्हा आगामी निवडणूक महायुतीच्या बरोबर लढण्याचे पक्षाने ठरविले आहे त्याकरीता भाजपाकडे  २० जागांची मागणी केलेली आहे, या निवडणुकीमध्ये मध्ये रिपब्लिकन पक्षाचे दोन आकडी नगरसेवक निवडून आणण्याचा संकल्प या मेळाव्यात करण्यात येणार असल्याचे उपस्थितांनी सांगितले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post रिपब्लिकन पार्टी ऑफ इंडियाचा २१ डिसेंबर रोजी ‘संकल्प मेळावा’* appeared first on GOLDEN PENN.

खासदार श्रीरंग आप्पा बारणे, प्रदेशाध्यक्ष रोहिणी ताई खडसे यांच्या शुभहस्ते पुरस्कार प्रदान

पिंपरी चिंचवड – शबनम न्यूज मीडिया ग्रुप वतीने आयोजित मेट्रो सिटी आयकॉन पुरस्कार दरवर्षीप्रमाणे याही वर्षी मोठ्या उत्साहात पार पडला. समाजात उल्लेखनीय कार्य करणाऱ्या व्यक्तींचा मेट्रो सिटी आयकॉन पुरस्कार 2025 देऊन सन्मान करण्यात आला. या सोहळ्यास नागरिकांचा, प्रेक्षकांचा व वाचकांचा प्रचंड प्रतिसाद पहावयास मिळाला. शबनम न्यूज मीडिया ग्रुपच्या संपादिका शबनम सय्यद यांच्या मार्गदर्शनात हा सोहळा संपन्न झाला. याप्रसंगी दैनिक मेट्रो सिटी वृत्तांच्या विशेष अंकाचे प्रकाशन मान्यवरांच्या हस्ते करण्यात आले.

याप्रसंगी राष्ट्रवादी शरदचंद्र पवार पक्षाच्या महिला प्रदेशाध्यक्ष रोहिणी ताई खडसे, मावळ लोकसभा मतदारसंघाचे खासदार श्रीरंग आप्पा बारणे यांच्या शुभ हस्ते तर शिवसेना उपनेते इरफान भाई सय्यद, माजी उपमहापौर शैलाजाताई मोरे, माजी नगरसेविका प्रियंका ताई बारसे, मनिषा ताई पवार, सामाजिक कार्यकर्ते पैगंबर शेख, युवक अध्यक्ष इम्रान भाई शेख, आयेशा शेख यांच्या प्रमुख उपस्थितीत पुरस्कार प्रदान करण्यात आले.

याप्रसंगी मावळ लोकसभा मतदारसंघाचे खासदार श्रीरंग आप्पा बारणे यांनी आपले मनोगत व्यक्त करताना सांगितले की, “शबनम न्यूज ही वृत्तसंस्था मागील नऊ वर्षापासून सातत्याने पत्रकारिता क्षेत्रात कार्यरत आहे. आपले काम प्रामाणिकपणे व सातत्यपूर्ण ठेवल्याने त्यांनी आपल्या कामात नावलौकिक मिळविला आहे. तसेच फक्त पत्रकारिता न करता त्यांनी समाजात उल्लेखनीय कार्य करणाऱ्या व्यक्तींचा मेट्रो सिटी आयकॉन पुरस्कार देऊन सन्मान करण्याचा जो मागील तीन वर्षांपासून उपक्रम राबविला आहे तो उल्लेखनीय आहे”.

राष्ट्रवादी शरदचंद्र पवार पक्षाच्या महिला प्रदेशाध्यक्ष रोहिणीताई खडसे यांनी आपल्या प्रतिक्रिया देताना सांगितले की, “शबनम न्यूज ही वृत्त संस्था पत्रकारितेसोबतच सामाजिक कामातही अग्रेसर असल्याचे या पुरस्कार सोहळ्याच्या माध्यमातून दिसत आहे. शबनम न्यूज या वृत्त संस्थेने पत्रकारितेसोबतच समाजकार्य करता करता महिला सक्षमीकरणासाठी काम करावे आणि महिलांना प्रोत्साहित करावे, पुरस्कार सोहळ्याच्या माध्यमातून जास्तीत जास्त महिलांना सन्मान देण्याचा प्रयत्न शबनम न्यूज करीत असल्याचे खडसे यांनी सांगितले.”

सदर सोहळ्यात मनोगत व्यक्त करताना इरफान सय्यद, पैगंबर शेख, इम्रान शेख यांनी देखील शबनम न्यूज मीडिया ग्रुप करीत असलेल्या कामाचे कौतुक करत मार्गदर्शन केले. तसेच सर्वांनीच पुरस्कार्थीना अभिनंदन केले.

या कार्यक्रमात अनेक सामाजिक, राजकीय, शैक्षणिक क्षेत्रात उल्लेखनीय कार्य करणाऱ्या व्यक्तींचा गौरव करण्यात आला. यावेळी उपस्थित मान्यवरांनी आपापले मनोगत व्यक्त करत असताना संपादिका शबनम सय्यद यांच्या कार्याचे कौतुक केले. शबनम न्यूज मीडिया ग्रुप वतीने फक्त बातमी देण्याचे काम होत नसून समाजातील व्यक्तींना प्रोत्साहन करण्याचे काम देखील होत आहे. शबनम न्यूज मीडिया ग्रुप वतीने अनेक सामाजिक कार्य करण्यात येतात. यामध्ये सामाजिक, शैक्षणिक असे उल्लेखनीय कार्यक्रम राबविले जाते.

दरवर्षीप्रमाणे मेट्रोसिटी आयकॉन पुरस्कार समाजातील विविध घटकात कार्य करणाऱ्या व्यक्तींना दिला जातो. सातत्याने शबनम न्यूज मीडिया ग्रुप वतीने हा पुरस्कार दिला जात आहे. याप्रसंगी अनेक मान्यवरांना हा पुरस्कार प्रदान करण्यात आला. सोबतच विशेष कार्य करणाऱ्या व्यक्तींचा विशेष सन्मान, ज्येष्ठ नागरिक सन्मान, महिला बचत गट सन्मान याप्रसंगी करण्यात आला. याप्रसंगी अनेक मान्यवरांनी शबनम सय्यद यांच्या त्या करत असलेल्या कामाचे कौतुक करत त्यांना शुभेच्छा दिल्या.

पुरस्कार्थींमध्ये पिंपरी चिंचवड शहरातील पिंपरी चिंचवड महापालिकेचे माजी नगरसेवक प्रसाद शेट्टी, माजी नगरसेविका मीनल यादव, शिवसेनेचे शहर उप प्रमुख निखिल उमाकांत दळवी, सामाजिक कार्यकर्त्या सीताताई राम केंद्रे, आदर्श कामगार लक्ष्मण सर्जेराव शिंदे, सामाजिक कार्यकर्त्या सीमा शांतादेवी जयसिंगराव चव्हाण, सामाजिक कार्यकर्ते विनोद सत्यशीला शंकरराव वरखडे, सामाजिक कार्यकर्ते रमजान सय्यद, पिंपळे निलखचे सुपूर्त शिरीष संभाजीराव साठे, संघर्षातून घडलेला युवक अभिजीत तानाजी कदम, आदर्श कामगार किरण दिनकर बागल, थेरगाव चे सुपुत्र अनिकेत परशुराम प्रभू, यशस्वी उद्योजक संजय जगताप व जनसेवक मारुती जाधव, पिंपरीतील सक्षम नेतृत्व सुरेश लोंढे, कायदेतज्ञ ॲड. विशाल जाधव, समाजात महिला नेतृत्व म्हणून नावारूपास येत असलेल्या आस्मा इम्रान शेख, जैन समाजातून उदयोन्मुख व्यक्तिमत्व संदेश गादीया, प्रदीर्घ सामाजिक कार्याचा अनुभव असलेल्या अश्विनी नामदेव शिंदे, ए.के.ढवळे नेओबिल्ड कंपनीचे संचालक आबा ढवळे, या व्यक्तींचा यंदाचा मेट्रो सिटी आयकॉन अवॉर्ड २०२५ जाहीर करण्यात आला आहे.

या कार्यक्रमाचे संयोजन रेहान हुसेन, फरदीन सय्यद, सानिया सय्यद, युनूस खातीब यांनी केले तर सूत्रसंचालन निवेदक भाऊसाहेब कोकाटे यांनी केले तर प्रस्तावना गजाला सय्यद यांनी केली व आभार आसिया इनामदार यांनी मानले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मेट्रो सिटी आयकॉन पुरस्कार सोहळा मोठ्या उत्साहात संपन्न appeared first on GOLDEN PENN.

पिंपरी–चिंचवड प्रतिनिधी :

वाकड ते औंधपर्यंत वाहणारी मुळा नदी वाढत्या प्रदूषणामुळे संकटात सापडली असून, नदीच्या स्वच्छतेसाठी तातडीने सामूहिक कृतीची गरज आहे, असे मत समाजसेवक श्री. सचिन मुरलीधर साठे यांनी व्यक्त केले.

स्थानिक पातळीवर नदीकिनारी कचरा टाकणे, सांडपाण्याचा अनियंत्रित प्रवाह आणि अस्वच्छता वाढत असल्याने नदीचे नैसर्गिक स्वरूप बिघडत चालले आहे. पर्यावरणीय संतुलन राखण्यासाठी प्रशासनासोबतच नागरिकांनीही सक्रिय सहभाग घेणे अत्यावश्यक असल्याचे त्यांनी स्पष्ट केले.

साठे म्हणाले,

“नदी स्वच्छ, सुरक्षित आणि प्रदूषणमुक्त ठेवणे ही केवळ शासनाची जबाबदारी नाही; प्रत्येक नागरिकाने स्वतःहून पुढे येण्याची गरज आहे. आपण सर्वांनी मिळून केलेल्या छोट्या–छोट्या प्रयत्नातून मोठे परिवर्तन घडू शकते.”

त्यांनी पुढे सांगितले की,

— नदीकिनारी कचरा न टाकणे

— प्लास्टिकमुक्त परिसराची अंमलबजावणी

— सांडपाण्याचे योग्य व्यवस्थापन

— वृक्षारोपण आणि जनजागृती

हे उपाय अमलात आणले तर मुळा नदी पुन्हा निसर्गरम्य आणि स्वच्छ स्वरूपात दिसू शकते.

नदी सुधार योजनेची प्रभावी अंमलबजावणी आणि प्रदूषण करणाऱ्या घटकांवर कठोर कारवाई करण्याची मागणीही त्यांनी प्रशासनाकडे केली.

मुळा नदीचे पुनर्जीवन हा केवळ पर्यावरणाचा मुद्दा नसून भविष्यातील पिढ्यांसाठी सुरक्षित, स्वच्छ आणि शाश्वत जलस्रोत निर्माण करण्याचा व्यापक उद्देश असल्याचा सुर साठे यांनी लावला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post नदी स्वच्छ ठेवणे ही प्रत्येकाची जबाबदारी” — सचिन साठे appeared first on GOLDEN PENN.