पिंपरी-चिंचवड : प्रतिनिधी

वाकड परिसरातील नागरिकांना सुलभ व दर्जेदार आरोग्य सेवा उपलब्ध करून देण्याच्या उद्देशाने पिंपरी-चिंचवड महानगरपालिकेच्या वतीने कावेरी नगर, वाकड भाजी मंडई येथे नव्याने सुरू करण्यात आलेल्या ‘नागरी आयुष्यमान आरोग्य मंदिरा’चे लोकार्पण उत्साहात पार पडले.

या उद्घाटन सोहळ्यास नगरसेविका आरती चौंधे यांच्या उपस्थितीत विविध मान्यवरांची उपस्थिती लाभली. कार्यक्रमास ज्येष्ठ वैद्यकीय अधिकारी डॉ. शंकर मुसळगी (नवीन थेरगाव रुग्णालय), नोडल वैद्यकीय अधिकारी डॉ. तुषार जाधव (NTH) तसेच कावेरी नगर दवाखान्याच्या वैद्यकीय अधिकारी डॉ. प्रसन्ना भोसलेंची प्रमुख उपस्थिती होती. परिसरातील ज्येष्ठ नागरिक व मान्यवरांनीही कार्यक्रमाला हजेरी लावली.

उद्घाटनानंतर आरोग्य केंद्राची पाहणी करण्यात आली. केंद्रातील आधुनिक सुविधा, स्वच्छतेचा दर्जा आणि रुग्णसेवेचे नियोजन पाहून उपस्थितांनी समाधान व्यक्त केले. या केंद्रामार्फत सर्वसामान्य नागरिकांना त्यांच्या हक्काची, दर्जेदार व सुलभ आरोग्य सेवा घराजवळच उपलब्ध होणार आहे.

या उपक्रमाचा मुख्य उद्देश नागरिकांपर्यंत आरोग्य सेवा अधिक प्रभावीपणे पोहोचवणे हा असून, डॉक्टर व आरोग्य कर्मचाऱ्यांशी संवाद साधून त्यांच्या कामाचा आढावा देखील घेण्यात आला. सर्वांच्या सामूहिक प्रयत्नातून हे केंद्र नागरिकांच्या विश्वासाचे आणि उत्तम आरोग्य सेवेचे प्रतीक ठरेल, असा विश्वास व्यक्त करण्यात आला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post वाकडवासीयांच्या सेवेसाठी ‘आरोग्य मंदिर’ सज्ज; कावेरी नगर येथे लोकार्पण संपन्न appeared first on GOLDEN PENN.

गौरीष फॅशन इन्स्टिट्यूट व जगदंब असोसिएट्स यांच्या संयुक्त विद्यमाने ‘फॅशन रनवे 2026’ हा आकर्षक फॅशन शो उत्साहात पार पडला. या कार्यक्रमास प्रमुख पाहुण्या म्हणून नगरसेविका उज्वला गणेश यादव, नगरसेविका कल्पनाताई दिलीप बहिरट, सभागृह नेते गणेश बिडकर यांच्या पत्नी सौ. गौरी गणेश बिडकर, कशिश प्रोडक्शनचे ओनर योगेश पवार तसेच सपना भावे उपस्थित होते.

गौरीष फॅशन इन्स्टिट्यूट गेल्या पंधरा वर्षांपासून फॅशन डिझायनिंगचे सरकारमान्य कोर्सेस चालवत असून विद्यार्थ्यांना व्यावसायिक मार्गदर्शन दिले जाते. या इन्स्टिट्यूटमधील डिझायनर विद्यार्थ्यांनी शोमध्ये इंडो-वेस्टर्न ड्रेसेस तसेच हँड पेंटेड साड्यांची आकर्षक डिझाइन्स सादर केली. सर्व प्रोफेशनल मॉडेल्सकडून प्रभावी रॅम्प वॉक सादर करण्यात आला.

या फॅशन रनवे 2026 मध्ये Kids आणि Adult अशा दोन्ही गटांचा उत्स्फूर्त सहभाग पाहायला मिळाला. Kids category मध्ये ३ ते १३ वयोगटातील मुलांनी सहभाग घेतला, तर Miss व Mrs category मध्ये १९ ते ५० वयोगटातील मॉडेल्सनी आत्मविश्वासाने रॅम्प वॉक सादर केला. सहभागी मॉडेल्सना ट्रॉफी, सॅश, सर्टिफिकेट आणि क्राउन देऊन गौरविण्यात आले.

गौरीष फॅशन इन्स्टिट्यूटच्या पुण्यात रास्ता पेठ आणि दिघी येथे दोन शाखा कार्यरत असून विद्यार्थ्यांना उत्तम व्यासपीठ उपलब्ध करून दिले जाते. कोर्सेससाठी प्रवेश घेण्यासाठी इच्छुकांनी 8888002728 या क्रमांकावर संपर्क साधावा, असे आवाहन करण्यात आले.

या शोचे आयोजन गौरी मोटे व गिरीश मोटे यांनी केले असून स्वाती केंजळे यांनी को-ऑर्डिनेटर म्हणून जबाबदारी सांभाळली. सामाजिक कार्यकर्त्या मृणाल पटवर्धन तसेच ग्रुमिंग मार्गदर्शनासाठी लक्ष्मी पाटील यांचा सहभाग होता. कार्यक्रमात तेजस्वी पोलके, प्रमिला पवार, सोनाली पॉल, वृशाली घोलप, दिक्षा कोळेकर, अंजली प्रजापती, नुसरत मुजावर, नेहा दुक्रे, निशिगंधा बोकिल, मोनिका परदेशी, मनिषा पवार, शाहिस्ता तांबोळी, रागिनी बेल्हेकर, कोमल दुधाने, अबोली तगडे, फातिमा सय्यद आणि रेनु ओसवाल या डिझायनर्सचा सहभाग होता.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post गौरीष फॅशन इन्स्टिट्यूट व जगदंब असोसिएट्स प्रस्तुत ‘फॅशन रनवे 2026’ उत्साहात संपन्न appeared first on GOLDEN PENN.

या निमित्ताने वडोदरा येथे ‘अथश्री’च्या ६,००० व्या रहिवाशाला घराचा ताबा देण्याचा सोहळा पार पडला. देशभरात सुमारे १६ वसाहतींमध्ये विस्तारलेल्या ‘अथश्री’त ३,००० हून अधिक ज्येष्ठ नागरिकांना सुविधा दिल्या जात आहेत. कार्यक्रमाची सुरुवात अध्यक्ष श्रीकांत परांजपे यांच्या भाषणाने झाली, तर व्यवस्थापकीय संचालक शशांक परांजपे यांनी ‘अथश्री’च्या प्रवासाचा आढावा घेतला.

या कार्यक्रमात रहिवाशांनी सादर केलेल्या विविध कलाप्रस्तुतींनी समुदायातील उत्साह आणि सक्रिय जीवनशैली अधोरेखित केली. तसेच आरोग्य, वेलनेस आणि समुदाय सहभाग वाढवण्यासाठी नवीन भागीदारी जाहीर करण्यात आल्या. यामध्ये ओपीडी, आयसीयू, आपत्कालीन सेवा, कार्डियाक अॅम्ब्युलन्स, ऑन-कॉल पॅरामेडिक सुविधा तसेच रिअल-टाइम हेल्थ मॉनिटरिंग प्रणालीचा समावेश आहे.

यावेळी ‘अथश्री’मधील उल्लेखनीय योगदान देणाऱ्या रहिवाशांचा सत्कार करण्यात आला. यामध्ये डॉ. मोहन फडणीस, पद्मश्री संजय गोविंद धांडे, वीरचक्र सन्मानित विंग कमांडर सुरेश कर्णिक, डॉ. रिता मुल्हेरकर आणि अभिनेत्री वंदना गुप्ते यांचा समावेश होता. या सत्कार सोहळ्याने समुदायातील कर्तृत्व आणि अनुभवाचा गौरव करण्यात आला.

शशांक परांजपे यांनी सांगितले की, ज्येष्ठ नागरिकांसाठी सन्मानाने आणि स्वावलंबीपणे राहता येईल अशी व्यवस्था निर्माण करण्याच्या उद्देशाने सुरू झालेला हा उपक्रम आज हजारो लोकांचा विश्वास जिंकत आहे. बदलती कुटुंबरचना, वाढती आयुर्मर्यादा आणि ‘सिल्वर इकॉनॉमी’मुळे भारतात ज्येष्ठ नागरिक निवास क्षेत्र झपाट्याने विस्तारत असून, ‘अथश्री’सारखे प्रकल्प भविष्यातील दिशा ठरवत आहेत.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post अथश्रीला २५ वर्षे पूर्ण; ज्येष्ठ नागरिक निवास क्षेत्रात ६,००० रहिवाशांचा टप्पा appeared first on GOLDEN PENN.

या पुरस्काराचे वितरण ११ व १२ एप्रिल रोजी नाशिक जिल्ह्यातील चांदवड येथे अहिल्यादेवी होळकर वाडा येथे आयोजित सोहळ्यात होणार आहे. या कार्यक्रमाला प्रा. रामशिंदे (सभापती, विधान परिषद), माजी आमदार रामहरी रुपनवर, श्रीमंत अमरजीत राजे जहागीरदार, खासदार रामराव वडकुते, माजी आमदार गोपीचंद पडळकर, डॉ. प्रकाश महानवर (कुलगुरू, सोलापूर विद्यापीठ), डॉ. अभिमन्यू टकले तसेच इतर मान्यवर उपस्थित राहणार आहेत.

प्रवीण काकडे यांनी गेल्या अनेक वर्षांपासून सामाजिक व शैक्षणिक क्षेत्रात सातत्याने कार्य केले आहे. विशेषतः कोरोना काळात त्यांनी डोंगर-दऱ्यांतील दुर्गम भागात जाऊन विद्यार्थ्यांना शैक्षणिक साहित्य वाटप केले. रत्नागिरी, सिंधुदुर्ग, रायगड, सातारा, कोल्हापूर आणि सांगली या जिल्ह्यांतील हजारो विद्यार्थ्यांना त्यांनी प्रत्यक्ष वाडी-वस्त्यांवर जाऊन मदत केली, ज्यामुळे अनेक विद्यार्थ्यांना शिक्षणाच्या प्रवाहात टिकून राहता आले.

अहिल्यादेवी सामाजिक व शैक्षणिक विकास ट्रस्टच्या माध्यमातून त्यांनी ५,००० हून अधिक विद्यार्थ्यांना शैक्षणिक साहित्य व आर्थिक मदत केली आहे. गुणवंत विद्यार्थ्यांचा सत्कार, महिलांसाठी मोठे पुरस्कार सोहळे आणि विविध सामाजिक उपक्रम त्यांनी राबवले आहेत. त्यांच्या कार्याची दखल घेत यापूर्वीही त्यांना समाजरत्न पुरस्कार (२०१९), राष्ट्रीय जीवनगौरव पुरस्कार (२०२३) आणि महाराष्ट्र रत्न पुरस्कार देऊन सन्मानित करण्यात आले आहे. त्यांच्या या कार्यामुळे महाराष्ट्रासह गोवा आणि कर्नाटकातील धनगर समाजात आनंदाचे वातावरण निर्माण झाले आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post प्रवीण काकडे यांना “महाराजा यशवंतराव होळकर” राज्यस्तरीय समाजसेवा पुरस्कार जाहीर appeared first on GOLDEN PENN.

पिंपळे सौदागर (ता. २८, प्रतिनिधी):

पाणी टंचाईच्या पार्श्वभूमीवर उन्नती सोशल फाउंडेशनच्या वतीने “फ्लश सेव्ह वॉटर अभियान” हा साधा, कमी खर्चिक आणि परिणामकारक उपक्रम सुरू करण्यात आला आहे. या अभियानाची सुरुवात पिंपरी-चिंचवडमधील पारस रिवेरा सोसायटीत करण्यात आली असून, नागरिकांमध्ये पाणी बचतीबाबत जनजागृती निर्माण करण्याचा यामागील उद्देश आहे.

या उपक्रमांतर्गत घरातील टॉयलेटच्या फ्लश टँकमध्ये एक लिटर पाण्याने भरलेली प्लास्टिकची बाटली ठेवण्याचे आवाहन करण्यात आले आहे. या छोट्या उपायामुळे प्रत्येक फ्लशवेळी सुमारे एक लिटर पाणी कमी वापरले जाते आणि मोठ्या प्रमाणावर पाणी बचत शक्य होते.

पारस रिवेरा सोसायटीतील ४० फ्लॅट्समध्ये हा उपक्रम राबविण्यात आला असून, सरासरी वापर लक्षात घेतल्यास दररोज सुमारे ६४० लिटर पाण्याची बचत होत आहे. महिन्याभरात ही बचत तब्बल १९,२०० लिटरपर्यंत पोहोचत असून, हा छोटासा बदल जलसंधारणासाठी महत्त्वपूर्ण ठरत आहे.

या उपक्रमाबाबत बोलताना डॉ. कुंदाताई संजय भिसे यांनी प्रत्येक नागरिकाने अशा साध्या उपाययोजना अवलंबल्यास मोठ्या प्रमाणावर पाणी बचत शक्य असल्याचे सांगितले. तसेच हा उपक्रम संपूर्ण शहरात राबवण्याचा मानस व्यक्त करण्यात आला असून, सहभागी नागरिकांना प्रमाणपत्र आणि सोसायटींना डस्टबीन देऊन प्रोत्साहन दिले जाणार असल्याची माहिती संस्थापक संजय भिसे यांनी दिली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post फ्लश सेव्ह वॉटर अभियान”मुळे एका सोसायटीतच दररोज ६४० लिटर पाणी बचत appeared first on GOLDEN PENN.

📍 पिंपळे सौदागर | प्रतिनिधी

पिंपरी-चिंचवड शहरातील झपाट्याने विकसित होणाऱ्या पिंपळे सौदागर परिसरात स्वतंत्र पोलीस स्टेशन सुरू करण्याची मागणी आता जोर धरू लागली आहे. वाढती लोकसंख्या, नागरी विस्तार आणि सुरक्षेच्या वाढत्या गरजा लक्षात घेता ही मागणी अधिक तीव्र झाली आहे.

या पार्श्वभूमीवर नगरसेविका डॉ. सौ. कुंदाताई संजय भिसे यांनी पोलीस आयुक्त विनय चौबे यांची भेट घेऊन सविस्तर निवेदन सादर केले.

🚨 नागरिकांची गैरसोय वाढली

सध्या पिंपळे सौदागरमधील नागरिकांना पोलीस संबंधित सर्व कामांसाठी सांगवी पोलीस स्टेशन येथे जावे लागते. दोन्ही भागांतील अंतर, वाहतूक कोंडी आणि वाढती लोकसंख्या यामुळे नागरिकांना मोठ्या अडचणींचा सामना करावा लागत आहे.

• तक्रार नोंदविण्यासाठी वेळेचा अपव्यय
• कागदपत्रांसाठी वारंवार फेऱ्या
• महिलां व ज्येष्ठ नागरिकांना अधिक त्रास
• आपत्कालीन परिस्थितीत विलंब

🗣️ “स्वतंत्र पोलीस स्टेशन अत्यावश्यक” – डॉ. भिसे

यावेळी बोलताना डॉ. कुंदाताई भिसे म्हणाल्या की,

“पिंपळे सौदागर हा वेगाने विकसित होणारा परिसर असून नागरिकांच्या सुरक्षिततेसाठी स्वतंत्र पोलीस स्टेशन अत्यंत गरजेचे आहे. नागरिकांना लांब अंतर पार करून सांगवीला जावे लागणे ही गंभीर बाब आहे.”

🏢 जागेची मागणी, प्रशासन सकारात्मक

या मागणीसाठी पिंपरी-चिंचवड महानगरपालिकेच्या मालकीची योग्य जागा उपलब्ध करून देण्याची मागणी करण्यात आली आहे. त्यामुळे स्थानिक पातळीवर पोलीस सेवा सुरू होऊन कायदा व सुव्यवस्था अधिक सक्षमपणे राखता येईल.

या उपक्रमासाठी भाजपा शहराध्यक्ष तथा नगरसेवक शत्रुघ्न बापू काटे तसेच सहयोगी नगरसेविका अनिता संदीप काटे यांचे सहकार्य लाभत आहे.

पोलीस आयुक्त विनय चौबे यांनीही या मागणीची गांभीर्याने दखल घेत सकारात्मक भूमिका दर्शवली असून, लवकरच योग्य निर्णय घेण्याचे आश्वासन दिले आहे.

✅ नागरिकांना मिळणार मोठा दिलासा

स्वतंत्र पोलीस स्टेशन सुरू झाल्यास पिंपळे सौदागरमधील नागरिकांना तात्काळ व सुलभ पोलीस सेवा मिळणार असून, परिसरातील कायदा व सुव्यवस्था अधिक बळकट होण्यास मदत होणार आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पिंपळे सौदागरमध्ये स्वतंत्र पोलीस स्टेशनची मागणी; नगरसेविका डॉ. कुंदाताई भिसे यांचा ठोस पाठपुरावा appeared first on GOLDEN PENN.

वाढत्या उन्हाची तीव्रता लक्षात घेऊन जिल्हा परिषद प्राथमिक शाळा, आसबेवाडी येथे विद्यार्थ्यांच्या आरोग्याची काळजी घेत एक स्तुत्य उपक्रम राबविण्यात आला. शाळेतील सर्व विद्यार्थ्यांना टोप्यांचे वाटप करण्यात आले, ज्यामुळे कडक उन्हातही विद्यार्थ्यांना दिलासा मिळणार आहे.

या उपक्रमामागे शाळेतील शिक्षक अरुण सरडे सर यांचा पुढाकार विशेष ठरला. त्यांच्या या संवेदनशील आणि विद्यार्थ्यांप्रती असलेल्या काळजीवाहू वृत्तीचे ग्रामस्थांकडून मोठ्या प्रमाणावर कौतुक करण्यात आले.

गावकऱ्यांनी सांगितले की, “विद्यार्थ्यांच्या आरोग्याचा विचार करून अशा प्रकारचे उपक्रम राबविणे ही खरोखरच प्रेरणादायी बाब आहे.”

या उपक्रमामुळे विद्यार्थ्यांमध्ये आनंदाचे वातावरण निर्माण झाले असून, शिक्षणाबरोबरच त्यांच्या सुरक्षिततेलाही प्राधान्य दिले जात असल्याचे स्पष्ट झाले आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post उन्हाच्या तडाख्यात विद्यार्थ्यांसाठी संरक्षणाची ढाल – आसबेवाडी शाळेत टोप्यांचे वाटप” appeared first on GOLDEN PENN.

पुणे/पिंपरी-चिंचवड (प्रतिनिधी) : भारतीय विद्यार्थ्यांना परदेशात, विशेषतः अमेरिकेत वैद्यकीय क्षेत्रात उज्ज्वल करिअर करण्यासाठी मोठ्या प्रमाणात संधी उपलब्ध करून देण्याच्या उद्देशाने ‘देश भगत युनिव्हर्सिटी (DBU) अमेरिका’तर्फे नवीन आंतरराष्ट्रीय वैद्यकीय अभ्यासक्रम लॉन्च करण्यात आले आहेत. पुण्यात झालेल्या पत्रकार परिषदेत तसेच आकुर्डी येथे आयोजित “Growth Strategy Meet 2026” या कार्यक्रमात या उपक्रमाची सविस्तर माहिती देण्यात आली.

विद्यापीठाचे कुलगुरू डॉ. हर्ष सदावर्ती आणि ऑपरेशन्स डायरेक्टर अरुण मलिक यांनी या अभ्यासक्रमाच्या वैशिष्ट्यांवर प्रकाश टाकताना सांगितले की, भारतातील मर्यादित व महागड्या एमबीबीएस शिक्षणाला पर्याय म्हणून हा जागतिक दर्जाचा कार्यक्रम विद्यार्थ्यांसाठी मोठी संधी ठरणार आहे.

या नव्या उपक्रमांतर्गत ४ वर्षांचा आणि ५ वर्षांचा ‘एमडी’ (MD) प्रोग्राम उपलब्ध असून, तो भारतातील ‘एमबीबीएस’ (MBBS) पदवीच्या समकक्ष मानला जातो. विशेष म्हणजे, भारतातील खासगी वैद्यकीय महाविद्यालयांच्या तुलनेत हा अभ्यासक्रम अत्यंत परवडणाऱ्या शुल्कात उपलब्ध करून देण्यात आला आहे.

या कार्यक्रमाचे आणखी एक महत्त्वाचे वैशिष्ट्य म्हणजे त्याची आंतरराष्ट्रीय मान्यता. विद्यार्थ्यांना अमेरिकेतील USMLE, तसेच यूके आणि कॅनडा येथील वैद्यकीय परवाना परीक्षांसाठी विशेष प्रशिक्षण दिले जाणार आहे. त्यामुळे विद्यार्थ्यांना जागतिक स्तरावर डॉक्टर म्हणून करिअर घडवण्याची संधी उपलब्ध होणार आहे.

अभ्यासक्रमाची रचना ही तीन वर्षांच्या सैद्धांतिक शिक्षणासोबत दोन वर्षांच्या क्लिनिकल रोटेशनवर आधारित असून, विद्यार्थ्यांना जगभरातील विविध रुग्णालयांमध्ये प्रत्यक्ष प्रशिक्षण दिले जाणार आहे. यामुळे त्यांना व्यावहारिक अनुभवासोबतच आंतरराष्ट्रीय आरोग्य व्यवस्थेची ओळख होणार आहे.

प्रवेशासाठी १०+२ सायन्स शाखा पूर्ण केलेले आणि ‘नीट’ (NEET) परीक्षा उत्तीर्ण विद्यार्थी पात्र असतील. याशिवाय, ‘D-Best Global MD’ या विद्यापीठाच्या स्वतंत्र प्रवेश परीक्षेद्वारे विद्यार्थ्यांची गुणवत्ता तपासली जाणार आहे.

दरम्यान, १८ मार्च २०२६ रोजी आकुर्डी येथील ग्रँड Exotica येथे आयोजित “Growth Strategy Meet 2026” कार्यक्रमाला विद्यार्थ्यांचा व पालकांचा उत्स्फूर्त प्रतिसाद मिळाला. या कार्यक्रमात उपकुलगुरू डॉ. हर्ष सदाबर्ती यांनी भारतीय विद्यार्थ्यांना आंतरराष्ट्रीय स्तरावर स्पर्धात्मक बनवण्यासाठी अशा अभ्यासक्रमांची गरज अधोरेखित केली.

या वेळी व्यासपीठावर प्रेसिडेंट 2ओएसडी अमित कुकरेजा, MBBS डायरेक्टर अरुण मलीक, मृत्युंजय हिरेमठ, बबिता सिरस्वा यांच्यासह अनेक मान्यवर उपस्थित होते. तसेच सीनियर मार्केटिंग मॅनेजर दिनेश सिंह, कार्यक्रम आयोजक सिंटू सिंग आणि करिअर क्राफ्ट एज्युकेशनल सर्व्हिसच्या मुख्य कार्यकारी अधिकारी बबिता सिरस्वा यांनी विद्यार्थ्यांना मार्गदर्शन केले.

कार्यक्रमात संस्थेच्या भविष्यातील विस्तार योजना, आंतरराष्ट्रीय सहकार्य, संशोधनाच्या संधी आणि जागतिक दर्जाच्या शिक्षण प्रणालीवर सखोल चर्चा करण्यात आली. विशेषतः School of Medicine अंतर्गत राबविण्यात येणाऱ्या MD (MBBS) कार्यक्रमामुळे विद्यार्थ्यांना अमेरिका, यूके आणि इतर देशांमध्ये करिअर करण्याचे दरवाजे खुले होत असल्याचे अधोरेखित करण्यात आले.

“भारतात एमबीबीएसच्या जागा मर्यादित आणि खर्चिक आहेत. अशा परिस्थितीत विद्यार्थ्यांना गुणवत्तापूर्ण आणि आंतरराष्ट्रीय दर्जाचे शिक्षण मिळावे, यासाठी सेंट व्हिन्सेंट आणि ग्रेनेडाइन्स येथील कॅम्पसमध्ये हे अभ्यासक्रम सुरू करण्यात आले आहेत,” असे डॉ. हर्ष सदावर्ती यांनी स्पष्ट केले.

या उपक्रमामुळे विद्यार्थ्यांना केवळ पदवीच नव्हे, तर जागतिक स्तरावर करिअर घडवण्याची संधी मिळणार असून, शैक्षणिक क्षेत्रात नवी दिशा निर्माण होईल, असा विश्वास यावेळी व्यक्त करण्यात आला.

कार्यक्रमाचे सूत्रसंचालन व प्रास्ताविक नीता यादवाड यांनी प्रभावीपणे पार पाडले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पुणे : ‘देश भगत युनिव्हर्सिटी’कडून आंतरराष्ट्रीय वैद्यकीय अभ्यासक्रम लॉन्च; ‘Growth Strategy Meet 2026’मध्ये जागतिक करिअरच्या संधींचा वेध appeared first on GOLDEN PENN.

पिंपळे निलख येथील मैत्री आधार सामाजिक संस्था यांनी आपल्या २६ व्या सामाजिक उपक्रमांतर्गत समाजाप्रती असलेली बांधिलकी पुन्हा एकदा सिद्ध केली. मंगळवार, दिनांक १७ मार्च २०२६ रोजी वाकड येथील अभिराज फाउंडेशन मतिमंद स्कूल येथे जाऊन संस्थेच्या वतीने विशेष गरज असलेल्या ४५ विद्यार्थ्यांना मदत करण्यात आली. या उपक्रमामुळे विद्यार्थ्यांच्या चेहऱ्यावर आनंद फुलला आणि सामाजिक संवेदनशीलतेचे उत्तम उदाहरण घडले.

या मदत उपक्रमामध्ये एकूण रुपये २१,६६०/- किमतीच्या आवश्यक वस्तूंचे वितरण करण्यात आले. यामध्ये शाळेसाठी २ ऑफिस कपाटे, विद्यार्थ्यांच्या वर्गखोल्यांसाठी ६ पंखे तसेच मुलांना फळे आणि चिक्कीचे वाटप करण्यात आले. शाळेच्या गरजेनुसार ही मदत करण्यात आली असून, यामुळे विद्यार्थ्यांच्या दैनंदिन शिक्षणात अधिक सोयी निर्माण होणार आहेत.

या उपक्रमामुळे समाजात सकारात्मक संदेश पसरला असून, गरजूंसाठी एकत्र येऊन मदतीचा हात पुढे करण्याची प्रेरणा मिळाली आहे. “राम कृष्ण हरी” या भावनेतून सेवा कार्य करत असलेल्या संस्थेचे सर्वत्र कौतुक होत असून, भविष्यातही अशाच समाजोपयोगी उपक्रमांची अपेक्षा व्यक्त केली जात आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मैत्री आधार सामाजिक संस्थेची २६ वी समाजसेवा; वाकडमधील मतिमंद मुलांना मदतीचा हात appeared first on GOLDEN PENN.

पुणे : कीस्टोन स्कूल ऑफ इंजिनिअरिंग, उरळी देवाची (पुणे) येथे “INMEC-2026” (Interdisciplinary Advances in Mechanical, Electronics and Computer Engineering) या आंतरराष्ट्रीय परिषदेचे १४ व १५ मार्च रोजी यशस्वी आयोजन करण्यात आले. उद्योग क्षेत्रातील ग्लोबमाईंड टेक्नॉलॉजी तसेच विज्ञान-तंत्रज्ञान प्रकाशन क्षेत्रातील अग्रगण्य साईटेक प्रेस व स्प्रिन्जर नेचर यांच्या संयुक्त भागीदारीत ही परिषद पार पडली.

परिषदेच्या उद्घाटन समारंभासाठी तंत्रशिक्षण विभाग, महाराष्ट्र राज्य, पुणे येथील सहसंचालक डॉ. दत्तात्रय जाधव प्रमुख पाहुणे म्हणून उपस्थित होते. तसेच सॅमसन टेकनीनिशे लॅब्सचे मुख्य डेटा सायंटिस्ट डॉ. प्रदीप बिलूलकर सन्माननीय अतिथी म्हणून उपस्थित होते. महाराष्ट्र रत्न आणि कृत्रिम बुद्धिमत्ता क्षेत्रातील तज्ज्ञ अब्दुल्ला पठाण हे मुख्य वक्ते म्हणून लाभले.

यावेळी बोलताना डॉ. जाधव म्हणाले की, प्राध्यापकांनी शैक्षणिक संशोधन औद्योगिक तंत्रज्ञानात रूपांतरित करण्यासाठी विशेष प्रयत्न करणे गरजेचे आहे. संशोधनाचे प्रत्यक्ष उद्योग क्षेत्रात रूपांतर झाल्यास देशाच्या तांत्रिक प्रगतीला मोठी चालना मिळेल, असेही त्यांनी नमूद केले. तसेच संशोधक विद्यार्थ्यांसाठी परदेशात उच्च शिक्षणासाठी उपलब्ध असलेल्या विविध शासकीय योजनांची माहितीही त्यांनी दिली.

डॉ. प्रदीप बिलूलकर यांनी उपस्थितांना संशोधनाचा पंचसूत्री कार्यक्रम समजावून सांगत संशोधनातील गुणवत्ता आणि नावीन्याचे महत्त्व अधोरेखित केले.

उद्घाटन समारंभाला विविध महाविद्यालयांतील विद्यार्थी, प्राध्यापक आणि संशोधक मोठ्या संख्येने उपस्थित होते. परिषद ऑनलाईन व ऑफलाईन या दोन्ही माध्यमांत आयोजित करण्यात आली होती. देश-विदेशातून ६०० हून अधिक शोधनिबंध प्राप्त झाले असून त्यापैकी १९७ निवडक शोधनिबंधांचे विविध तांत्रिक सत्रांमध्ये सादरीकरण करण्यात आले.

कार्यक्रमाच्या प्रारंभी डॉ. अर्चना काळे यांनी स्वागतपर भाषण केले. परिषदेचे Convener डॉ. परीक्षित महाले यांनी आपल्या भाषणात देश-विदेशातील नवीन तांत्रिक संकल्पना आणि संशोधनाची वाढती गरज यावर प्रकाश टाकला, तर डॉ. तुषार भोईटे यांनी परिषदेच्या आयोजनाची सविस्तर माहिती दिली.

ही परिषद संस्थापक संचालक प्रा. यशोधन सोमण यांच्या मार्गदर्शनाखाली आणि प्राचार्य डॉ. संदीप कदम यांच्या नेतृत्वाखाली आयोजित करण्यात आली. परिषदेच्या आयोजनासाठी ग्लोबमाईंडचे व्यवस्थापकीय संचालक प्रवीण जाधव यांचे विशेष सहकार्य लाभले.

परिषदेच्या यशस्वी आयोजनासाठी डॉ. बाळाजी बोडखे, संगणक विभागप्रमुख प्रा. सागर राजेभोसले आणि डॉ. वीणा कदम यांच्या नियोजनाचे विशेष कौतुक करण्यात आले. अध्यक्षीय भाषणात प्रा. सोमण यांनी आयोजक व सहभागी संशोधकांना शुभेच्छा देत अशा प्रकारच्या व्यासपीठासाठी संस्था कायम कटिबद्ध असल्याचे नमूद केले.

कार्यक्रमाचे सूत्रसंचालन प्रा. मीनाक्षी देवकर यांनी केले, तर आभार प्रदर्शन प्रा. सागर राजेभोसले यांनी केले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post शैक्षणिक संशोधन औद्योगिक तंत्रज्ञानात बदलण्याची गरज – डॉ. दत्तात्रय जाधव* appeared first on GOLDEN PENN.