📍 पिंपळे सौदागर | प्रतिनिधी

पिंपरी-चिंचवड शहरातील झपाट्याने विकसित होणाऱ्या पिंपळे सौदागर परिसरात स्वतंत्र पोलीस स्टेशन सुरू करण्याची मागणी आता जोर धरू लागली आहे. वाढती लोकसंख्या, नागरी विस्तार आणि सुरक्षेच्या वाढत्या गरजा लक्षात घेता ही मागणी अधिक तीव्र झाली आहे.

या पार्श्वभूमीवर नगरसेविका डॉ. सौ. कुंदाताई संजय भिसे यांनी पोलीस आयुक्त विनय चौबे यांची भेट घेऊन सविस्तर निवेदन सादर केले.

🚨 नागरिकांची गैरसोय वाढली

सध्या पिंपळे सौदागरमधील नागरिकांना पोलीस संबंधित सर्व कामांसाठी सांगवी पोलीस स्टेशन येथे जावे लागते. दोन्ही भागांतील अंतर, वाहतूक कोंडी आणि वाढती लोकसंख्या यामुळे नागरिकांना मोठ्या अडचणींचा सामना करावा लागत आहे.

• तक्रार नोंदविण्यासाठी वेळेचा अपव्यय
• कागदपत्रांसाठी वारंवार फेऱ्या
• महिलां व ज्येष्ठ नागरिकांना अधिक त्रास
• आपत्कालीन परिस्थितीत विलंब

🗣️ “स्वतंत्र पोलीस स्टेशन अत्यावश्यक” – डॉ. भिसे

यावेळी बोलताना डॉ. कुंदाताई भिसे म्हणाल्या की,

“पिंपळे सौदागर हा वेगाने विकसित होणारा परिसर असून नागरिकांच्या सुरक्षिततेसाठी स्वतंत्र पोलीस स्टेशन अत्यंत गरजेचे आहे. नागरिकांना लांब अंतर पार करून सांगवीला जावे लागणे ही गंभीर बाब आहे.”

🏢 जागेची मागणी, प्रशासन सकारात्मक

या मागणीसाठी पिंपरी-चिंचवड महानगरपालिकेच्या मालकीची योग्य जागा उपलब्ध करून देण्याची मागणी करण्यात आली आहे. त्यामुळे स्थानिक पातळीवर पोलीस सेवा सुरू होऊन कायदा व सुव्यवस्था अधिक सक्षमपणे राखता येईल.

या उपक्रमासाठी भाजपा शहराध्यक्ष तथा नगरसेवक शत्रुघ्न बापू काटे तसेच सहयोगी नगरसेविका अनिता संदीप काटे यांचे सहकार्य लाभत आहे.

पोलीस आयुक्त विनय चौबे यांनीही या मागणीची गांभीर्याने दखल घेत सकारात्मक भूमिका दर्शवली असून, लवकरच योग्य निर्णय घेण्याचे आश्वासन दिले आहे.

✅ नागरिकांना मिळणार मोठा दिलासा

स्वतंत्र पोलीस स्टेशन सुरू झाल्यास पिंपळे सौदागरमधील नागरिकांना तात्काळ व सुलभ पोलीस सेवा मिळणार असून, परिसरातील कायदा व सुव्यवस्था अधिक बळकट होण्यास मदत होणार आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पिंपळे सौदागरमध्ये स्वतंत्र पोलीस स्टेशनची मागणी; नगरसेविका डॉ. कुंदाताई भिसे यांचा ठोस पाठपुरावा appeared first on GOLDEN PENN.

*पुण्यात मणिपाल हॉस्पिटल, बाणेर येथे स्वादुपिंडातील दुर्मिळ SPN गाठीवर भारतातील सर्वात कमी वयातील रुग्णांपैकी एका मुलीवर यशस्वी उपचार; उपचारानंतर मुलगी पुन्हा शाळेत.*

*पुणे, १३ मार्च २०२६:* पुण्यातील बाणेर येथील मणिपाल हॉस्पिटलमधील कॅन्सर सर्जनांनी १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढून टाकली. या केससह भारतात स्वादुपिंडाच्या सॉलिड स्यूडोपापिलरी निओप्लाझम (एसपीएन) या आजाराने पीडत सर्वात कमी वयाच्‍या रूग्‍णाची नोंद झाली आहे. विशेष म्हणजे, या गाठीची शरीरात कोणतीही लक्षणे दिसत नव्हती. पण, शाळेत कराटेच्या तासादरम्यान पोटाला झालेल्‍या दुखापतीमुळे या आजाराचे अनपेक्षितपणे निदान झाले.

इमेजिंग आणि बायोप्सीसह तपासण्‍या केल्‍यानंतर सॉलिड स्यूडोपापिलरी निओप्लाझम (एसपीएन)चे निदान झाले. हा स्वादुपिंडाचा दुर्मिळ आणि कमी तीव्रतेचा कर्करोगजन्य ट्यूमर आहे, जो पूर्णपणे काढून टाकल्यास रुग्ण पूर्णपणे बरा होण्याची शक्यता अत्यंत जास्त असते. एकूण स्वादुपिंडाच्या गाठींपैकी एसपीएनचे प्रमाण फक्‍त १ ते ३ टक्‍के असते आणि दरवर्षी १० लाख व्‍यक्तींपैकी एका व्यक्तीला हा आजार होतो. हा आजार प्रामुख्याने तरुण महिलांमध्ये, साधारणपणे किशोरवयीन ते ३० वर्षांच्या वयोगटात अधिक आढळतो, आणि लहान मुलांमध्ये या आजाराचे निदान होणे अत्यंत दुर्मिळ आहे. त्‍या मुलीमध्‍ये आजाराची कोणतीच लक्षणे दिसून येत नव्‍हती, तसेच ती नेहमीप्रमाणे शाळेत जात होती आणि दैनंदिन काम करत होती, ज्‍यामुळे या निदानामुळे तिच्या पालकांना मोठा धक्का बसला. शस्त्रक्रियेचा निर्णय घेण्यापूर्वी कुटुंबाने अनेक हॉस्पिटल्‍समध्‍ये डॉक्‍टरांचा सल्ला घेतला.

*या केसबाबत सांगताना बाणेरमधील मणिपाल हॉस्पिटलमधील सर्जिकल ऑन्‍कोलॉजीचे एचओडी व कन्‍सल्‍टण्‍ट डॉ. अमित पारसनीस म्‍हणाले* , ” _शस्त्रक्रियेदरम्यान स्वादुपिंडाच्या रचनेचे नीट निरीक्षण केल्यानंतर आम्ही सेंट्रल पॅनक्रिएटॉमी करण्याचा निर्णय घेतला. यामुळे आम्हाला ड्युओडेनम (लहान आतड्याचा सुरुवातीचा भाग) आणि स्वादुपिंडाचा काही भाग सुरक्षित राखता आला, तसेच व्हिपल प्रोसिजर सारखी मोठी व गुंतागुंतीची शस्त्रक्रिया टाळता आली. स्वादुपिंड हा अवयव शरीरातील महत्त्वाच्या रक्तवाहिन्यांच्या अगदी जवळ असतो आणि लहान मुलांना रक्ताचा जास्तीचा स्त्राव सहन होत नाही, त्यामुळे ही शस्त्रक्रिया तांत्रिकदृष्ट्या अत्यंत आव्हानात्मक होती. पण, आम्ही अत्यंत कमी रक्तस्त्रावात ही गाठ सुरक्षितपणे काढून टाकली आणि स्वादुपिंडाचे कार्य कायम ठेवले. रुग्ण मुलगी आता पूर्णपणे बरी झाली आहे, तसेच ती पुन्‍हा शाळेत जाऊ लागली आहे आणि पुन्‍हा दैनंदिन काम करू लागली आहे. ती आता सामान्य आयुष्य जगू शकेल, अशी आम्हाला खात्री आहे_ .”

स्वादुपिंडाच्या गाठी अनेकदा बराच काळ कोणतीही लक्षणे न दिसता शरीरात राहू शकतात आणि कधी-कधी इतर कारणांसाठी केलेल्या तपासणीमध्‍ये त्‍यांचे अनपेक्षितपणे निदान होते. अशा दुर्मिळ आजारांचे व्यवस्थापन करण्यासाठी, विशेषतः लहान मुलांच्या बाबतीत वेळेवर केलेली तपासणी आणि बहुआयामी टीमने केलेले उपचार अत्यंत महत्त्वाचे ठरतात.

*पुण्‍यातील बाणेर येथील मणिपाल हॉस्पिटलचे क्‍लस्‍टर डायरेक्‍टर श्री. आनंद मोटे म्‍हणाले,* _प्रगत कॅन्‍सर थेरपी, गॅस्‍ट्रोएण्‍टेरोलॉजी व पीडियाट्रिक सर्जरी करणाऱ्या आमच्‍या व्‍यावसायिकांची बहुआयामी टीम, तसेच अत्‍याधुनिक तंत्रज्ञान व आपलेपणाने आम्‍ही या सेवा देतो. मणिपाल हॉस्पिटल्‍समध्‍ये आम्‍ही विशेषत: आव्‍हानात्‍मक व दुर्मिळ केसेसमध्‍ये सुरक्षित, गुणकारी व रूग्‍ण-केंद्रित केअर देण्‍यावर लक्ष केंद्रित केले आहे._ ”

सर्जिकल ऑन्‍कोलॉजीचे डॉ. अमित पारसनीस, तसेच अॅनेस्‍थेसियोलॉजिस्‍ट डॉ. आशिष पाठक, पीडियाट्रिक इंटेन्सिव्हिस्‍ट डॉ. पूजा गिरे आणि बहुआयामी टीमने ही शस्त्रक्रिया यशस्‍वीरित्‍या केली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post कराटे सरावादरम्‍यान झालेल्‍या दुखापतीमुळे वाचला जीव: पुण्यातील १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढली appeared first on GOLDEN PENN.

मात्र सध्या पिंपळे गुरुव येथील काही ठिकाणची परिस्थिती पाहता नागरिकांमध्ये नाराजी व्यक्त होत आहे. परिसरातील समस्या, अस्वच्छता आणि दुर्लक्षित कामांमुळे स्थानिकांना मोठ्या अडचणींचा सामना करावा लागत असल्याचे दिसून येत आहे.

याबाबत श्री.अतुल पवार सचिव- ऑल इंडिया ह्यूमन राईट असोसिएशन पुणे जिल्हा, भारत सरकार यांनी तीव्र नाराजी व्यक्त केली आहे. पालिकेचे कर्मचारी दुर्लक्ष करत असल्यासारखी परिस्थिती असल्याची टीका त्यांनी केली. नागरिकांच्या समस्या सोडविण्यासाठी प्रशासनाने ठोस पावले उचलली पाहिजेत, अन्यथा संबंधितांवर तात्काळ कारवाई करावी, अशी मागणीही त्यांनी केली आहे.

पिंपळे गुरुव परिसरातील समस्या तातडीने सोडवून नागरिकांना दिलासा देण्यासाठी पिंपरी-चिंचवड महानगरपालिकेने लक्ष घालावे, अशी अपेक्षा स्थानिक नागरिकांकडून व्यक्त होत आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post लक्ष्मणभाऊ जगताप यांनी घडवलेला परिसर आज दुर्लक्षित – अतुल पवार संतापले appeared first on GOLDEN PENN.

पिंपरी सौदागर (पुणे) : सिद्ध लेखिका – पुणे शाखेच्या वतीने “मराठी भाषा गौरवदिन” आणि “जागतिक महिला दिन” निमित्त आयोजित करण्यात आलेला पहिलाच साहित्यिक कार्यक्रम मोठ्या उत्साहात पार पडला. कुणाल आयकॉन, पिंपरी सौदागर येथील क्लब हाऊसमध्ये हा कार्यक्रम नियोजनबद्ध आणि साहित्यिक वातावरणात संपन्न झाला.

या कार्यक्रमाला सिद्ध लेखिका संस्थेच्या अध्यक्षा प्रा. पद्मा हुशिंग, पुणे जिल्हा प्रमुख चारूशिला बिवरे, कार्यकारिणी सदस्य प्रा. अर्चना अंबासकर, वर्षा फाटक, यामिनी पाठक, प्रा. गायत्रीताई हेर्लेकर तसेच अश्विनी रानडे, निलिमा विंचू आणि शिल्पा फणसे आदी मान्यवर उपस्थित होते. त्यांच्या पुढाकारातून कार्यक्रमाचे उत्कृष्ट आयोजन करण्यात आले.

कार्यक्रमाचे विशेष आकर्षण म्हणजे यशोवाणी संस्थेच्या संचालिका प्राची गुर्जर यांची प्रा. अर्चना अंबासकर यांनी घेतलेली प्रेरणादायी मुलाखत. या संवादातून त्यांच्या कार्यप्रवासातील अनुभव आणि प्रेरणादायी विचार उपस्थितांसमोर उलगडले. तसेच पुणे शाखेत नव्याने सहभागी झालेल्या लेखिका सख्यांचा परिचय मेळावा आणि मराठी भाषा गौरव दिनानिमित्त ज्ञानपीठ पुरस्कारप्राप्त मराठी साहित्यिकांच्या साहित्यकार्यावर परिसंवादही आयोजित करण्यात आला.

याच वेळी आयोजित निबंध स्पर्धेतील विजेत्यांचा गौरव करण्यात आला. राधिका भाडारकर यांनी प्रथम क्रमांक पटकावला. कार्यक्रमाचे निवेदन वर्षा फाटक यांनी केले, तर आभार प्रदर्शन शिल्पा फणसे यांनी केले. दीपप्रज्वलनापासून पसायदानापर्यंत संपूर्ण कार्यक्रम आनंदी वातावरणात पार पडला. या यशस्वी आयोजनासाठी प्रा. अर्चना अंबासकर, चारूशिला बिवरे आणि वर्षा फाटक यांनी विशेष परिश्रम घेतले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मराठी भाषा गौरवदिन व जागतिक महिला दिनानिमित्त ‘सिद्ध लेखिका’ पुणे शाखेचा कार्यक्रम उत्साहात appeared first on GOLDEN PENN.

पुणे : संतसाहित्यावरील  ‘मोगरा फुलला’ हाभव्य सांस्कृतिक सोहळा समुद्राच्या कुशीत वसलेल्या मॉरिशस येथे १ मार्च २०२६ रोजी सर्ज कॉन्स्टंटीन थिएटर येथे उत्साहात संपन्न झाला. संत ज्ञानेश्वर महाराज यांच्या ७५० व्या जन्मोत्सवानिमित्त आणि मराठी भाषेला अभिजात भाषेचा दर्जा मिळाल्याच्या सुवर्णक्षणाच्या निमित्ताने हा विशेष उपक्रम स्वान रिसर्च अँड सोशल स्टडी फाऊंडेशनतर्फे आयोजित करण्यात आला होता.

या सोहळ्यामुळे जगभरातील मराठी रसिक एका सांस्कृतिक धाग्यात गुंफले गेले. गेल्या सुमारे २०० वर्षांपासून मॉरिशसमध्ये मराठी संस्कृती जपली जात असल्याने या कार्यक्रमासाठी मॉरिशसची निवड करण्यात आली.

या कार्यक्रमाचे आयोजन स्वान रिसर्च अँड सोशल स्टडी फाऊंडेशनने केले. यावेळी प्रसिद्ध व्याख्याते गणेश शिंदे आणि प्रसिद्ध गायिका सिन्मिता धापटे-शिंदे यांनी संतसाहित्यावर आधारित व्याख्यान आणि संगीतमय सादरीकरण सादर केले. तसेच शुभांगी शिंदे यांनी ‘मी महाराष्ट्र बोलतोय’ हे प्रभावी स्वागत सादर केले. मराठी भाषेशी जोडणाऱ्या विविध उपक्रमांचा समृद्ध अनुभव रसिक प्रेक्षकांना मिळाला. महाराष्ट्र आणि मॉरिशसमधील मराठी रसिकांनी उत्स्फूर्त सहभाग नोंदवत कार्यक्रमाला भरभरून प्रतिसाद दिला.

या कार्यक्रमाला मॉरिशसचे कला आणि संस्कृती मंत्री महेंद्र गोंदिया, मॉरिशस मराठी कल्चरल सेंटर ट्रस्टचे अध्यक्ष  धनीराव भवाजी, मॉरिशस मराठी मंडळी फेडरेशनचे अध्यक्ष  बलराज नारू, मॉरिशस मराठी स्पीकिंग युनियनचे अध्यक्ष भालचंद्र गोविंद, स्वान फाऊंडेशनचे सचिव विकास टाकळीकर आणि सचिव श्री. प्रसादराजे भोपळे उपस्थित होते.

यावेळी स्वान रिसर्च अँड सोशल स्टडी फाऊंडेशनचे अध्यक्ष शशिकांत कांबळे यांनी हा उपक्रम विविध देशांमध्ये नेण्याचा संकल्प व्यक्त केला. तसेच एप्रिल महिन्यात लंडन येथे डॉ. बी. आर. आंबेडकर डिबेट वर्ल्ड कप आयोजित करण्यात येणार असल्याची माहिती त्यांनी दिली. याशिवाय लवकरच मॉरिशसमध्ये आंतरराष्ट्रीय युथ फेस्टिव्हल आयोजित करण्याची घोषणाही त्यांनी केली.

‘मोगरा फुलला’ हा सोहळा केवळ सांस्कृतिक कार्यक्रम ठरला नाही, तर जागतिक पातळीवर मराठी अस्मिता, संत परंपरा आणि भाषिक अभिमान यांचे प्रभावी दर्शन घडवणारा ऐतिहासिक क्षण ठरला. परंपरा आणि आधुनिकतेचा संगम साधत मराठी संस्कृतीचे जागतिक बंध अधिक दृढ करण्याचा संदेश या कार्यक्रमातून देण्यात आला. मराठी संस्कृतीची सुवासिक परंपरा सीमारेषा ओलांडून जगभर फुलत राहो, अशी भावना या कार्यक्रमातून व्यक्त करण्यात आली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मोगरा फुलला’ उत्सव मॉरिशस येथे यशस्वीरीत्या संपन्न appeared first on GOLDEN PENN.

वाकड प्रतिनिधी | मुंजोबा नगर

वाकड परिसरातील मुंजोबा नगर येथे शॉर्ट सर्किटमुळे लागलेल्या भीषण आगीत एका महिलेचा संसार पूर्णतः जळून खाक झाला. सुदैवाने या आगीत श्रीमती सुमन राठोड आणि त्यांच्या एकुलत्या एक मुलाचा जीव थोडक्यात बचावला; मात्र घरातील पै-पैसा, भांडी-कुंडी, धान्य, अंथरूण-पांघरूण असे सर्व साहित्य भस्मसात झाले.

आगीतून जीव वाचला, पण उदरनिर्वाहाचे सर्व साधन जळून गेल्याने श्रीमती राठोड यांच्यावर अक्षरशः आभाळ कोसळले आहे. “आता मुलाला काय खायला घालू?” असा केविलवाणा प्रश्न त्या विचारत आहेत. रोजंदारीवर काम करून संसार चालवणाऱ्या या माउलीसमोर अचानक उभा राहिलेला हा प्रसंग अत्यंत हृदयद्रावक आहे.

घटनेची माहिती मिळताच मैत्री आधार सामाजिक संस्था, पिंपळे निलख यांच्या वतीने तत्काळ मदतीचा हात पुढे करण्यात आला. संस्थेने श्रीमती सुमन राठोड यांना रुपये १०,०००/- ची आर्थिक मदत देत त्यांच्या संसाराला आधार दिला. संस्थेच्या या सामाजिक उपक्रमाचे परिसरातून कौतुक होत आहे.

स्थानिक नागरिकांनीही प्रशासनाने अशा आपत्तीग्रस्त कुटुंबांना तातडीची मदत व पुनर्वसन द्यावे, अशी मागणी केली आहे. शॉर्ट सर्किटमुळे वाढणाऱ्या आगीच्या घटनांच्या पार्श्वभूमीवर घरगुती विद्युत यंत्रणांची नियमित तपासणी करण्याचे आवाहन करण्यात येत आहे.

या घटनेमुळे पुन्हा एकदा सिद्ध झाले की, संकटाच्या काळात सामाजिक संस्था आणि संवेदनशील नागरिक हेच खरे आधारस्तंभ ठरतात.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post आता मुलाला काय खायला घालू?” — वाकडमधील माउलीची हाक appeared first on GOLDEN PENN.

पिंपरी | प्रतिनिधी

पिंपरी-चिंचवड महानगरपालिकेच्या ह व ड प्रभागांतर्गत पिंपळे गुरव व नवी सांगवी परिसरात अनधिकृत व्यावसायिक बांधकामांचे प्रमाण मोठ्या प्रमाणात वाढले असून, या बेकायदेशीर बांधकामांवर तातडीने कारवाई करून ती भुईसपाट करावीत, अशी मागणी माजी नगरसेवक राजेंद्र जगताप यांनी महापालिका आयुक्तांकडे निवेदनाद्वारे केली आहे.

पिंपळे गुरव परिसरातील विविध भागांत बांधकाम विषयक नियम धाब्यावर बसवून मजल्यावर मजले चढवणे, इमारतींचे व्यावसायिक वापरात रूपांतर करणे तसेच मोठ्या प्रमाणात बेकायदेशीर गाळे उभारणे असे प्रकार सुरू असल्याचा आरोप त्यांनी केला आहे.

विशेष म्हणजे या अनधिकृत बांधकामांना राजकीय वरदहस्त असून संबंधित अधिकाऱ्यांच्या छुप्या पाठिंब्याशिवाय एवढ्या मोठ्या प्रमाणात बांधकामे होणे शक्य नाही, अशी भावना स्थानिक नागरिकांमध्ये असल्याचेही निवेदनात नमूद करण्यात आले आहे. निवडणूक काळात अशा बांधकामांना अधिक वेग आल्याचेही त्यांनी निदर्शनास आणले.

मोरया पार्क व जाभूळकर पार्क परिसरात मोठ्या प्रमाणात बांधकामे

ड प्रभागातील प्रभाग क्रमांक २९ मधील मोरया पार्क व जाभूळकर पार्क ५ व ६ लेन परिसरात मोठ्या प्रमाणात अनधिकृत बांधकामे सुरू असल्याचा आरोप करण्यात आला आहे. या सर्व प्रकरणांचे महापालिका प्रशासनाने तातडीने सर्व्हेक्षण करून नियमबाह्य बांधकामांवर जमीनदोस्त कारवाई करावी, तसेच दोषी व संबंधित अधिकाऱ्यांवर कठोर प्रशासकीय कारवाई करावी, अशी मागणी जगताप यांनी केली आहे.

नवी सांगवीतही अनधिकृत बांधकामांचा वेग वाढला

नवी सांगवी परिसरातही अनधिकृत व्यावसायिक बांधकामांचा सुळसुळाट सुरू असून, परवानगीशिवाय इमारतींवर मजले वाढवणे, व्यावसायिक स्वरूपात इमारतींचे रूपांतर करणे आणि बेकायदेशीर गाळे उभारणे हे प्रकार वाढत असल्याचा आरोप निवेदनात आहे.

ह प्रभागातील प्रभाग क्रमांक ३१ मधील चैत्रबन सोसायटी परिसरात भाजप नगरसेवकांकडून सहा मजली अनधिकृत बांधकाम उभारण्यात आल्याचा गंभीर आरोपही निवेदनात करण्यात आला आहे.

“सामान्य नागरिकांच्या बांधकामांना विरोध नाही”

राजेंद्र जगताप यांनी स्पष्ट केले की, सामान्य नागरिकांच्या वैयक्तिक बांधकामांना विरोध नाही, मात्र व्यावसायिक स्वरूपातील अनधिकृत बांधकामे तातडीने थांबवावीत. परिसरातील काही बड्या नेत्यांच्या वरदहस्तामुळे नागरिकांना जागा विकण्यास भाग पाडले जात असल्याचेही त्यांनी सांगितले.

तसेच, “तीन मजल्यापर्यंत बांधकाम केले असल्यास वरच्या सदनिका आम्हाला द्या, अन्यथा कारवाई करू” अशा धमक्याही काही ठिकाणी दिल्या जात असल्याचा आरोप त्यांनी केला आहे.

कारवाई न झाल्यास मुख्यमंत्री-उपमुख्यमंत्र्यांकडे तक्रार व न्यायालयात दाद

दरम्यान, जर महापालिकेने तातडीने कारवाई केली नाही तर राज्याचे मुख्यमंत्री व उपमुख्यमंत्री यांच्याकडे निवेदन देण्यात येईल तसेच प्रसंगी न्यायालयात दाद मागितली जाईल, असा इशाराही निवेदनात देण्यात आला आहे.क्रमांक २९ मधील मोरया पार्क व जाभूळकर पार्क ५ व ६ लेन परिसरात मोठ्या प्रमाणात अनधिकृत बांधकामे सुरू असल्याचा आरोप करण्यात आला आहे. या सर्व प्रकरणांचे महापालिका प्रशासनाने तातडीने सर्व्हेक्षण करून नियमबाह्य बांधकामांवर जमीनदोस्त कारवाई करावी, तसेच दोषी व संबंधित अधिकाऱ्यांवर कठोर प्रशासकीय कारवाई करावी, अशी मागणी जगताप यांनी केली आहे.

नवी सांगवीतही अनधिकृत बांधकामांचा वेग वाढला

नवी सांगवी परिसरातही अनधिकृत व्यावसायिक बांधकामांचा सुळसुळाट सुरू असून, परवानगीशिवाय इमारतींवर मजले वाढवणे, व्यावसायिक स्वरूपात इमारतींचे रूपांतर करणे आणि बेकायदेशीर गाळे उभारणे हे प्रकार वाढत असल्याचा आरोप निवेदनात आहे.

ह प्रभागातील प्रभाग क्रमांक ३१ मधील चैत्रबन सोसायटी परिसरात भाजप नगरसेवकांकडून सहा मजली अनधिकृत बांधकाम उभारण्यात आल्याचा गंभीर आरोपही निवेदनात करण्यात आला आहे.

“सामान्य नागरिकांच्या बांधकामांना विरोध

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पिंपळे गुरव व नवी सांगवीत अनधिकृत व्यावसायिक बांधकामांचा सुळसुळाट; आयुक्तांकडे तातडीच्या कारवाईची मागणी appeared first on GOLDEN PENN.

पुणे : पुणे महानगरपालिकेच्या औंध रोड कार्यालयाच्या माध्यमातून छत्रपती शिवाजी महाराज यांच्या जयंतीनिमित्त परिसर स्वच्छता व पाहणीसाठी विशेष संयुक्त मोहीम (ड्राईव्ह) राबविण्यात आली. या मोहिमेत सर्व विभागांचे प्रमुख, वार्ड अधिकारी नायकर यांच्यासह आरोग्य, अतिक्रमण, विद्युत, उद्यान तसेच ड्रेनेज विभागाचे अधिकारी व कर्मचारी सहभागी झाले होते.

ही पाहणी डॉ. बाबासाहेब आंबेडकर चौक ते राजर्षी शाहू महाराज चौक या मार्गावर घेण्यात आली. पाहणीदरम्यान परिसरातील स्वच्छता, अतिक्रमण, विद्युत व्यवस्था, हिरवळ तसेच ड्रेनेज व्यवस्थेचा सखोल आढावा घेण्यात आला.

या वेळी उपमहापौर परशुराम वाडेकर यांच्यासह नगरसेवक सनी निम्हन, नगरसेविका सपना छाजेड, भक्ती गायकवाड तसेच आनंद छाजेड, अमित मुरकुटे, अविनाश कदम व अन्य स्थानिक कार्यकर्ते उपस्थित होते.

1. याप्रसंगी परशुराम वाडेकर, उपमहापौर, पुणे यांनी अशाच स्वरूपाची मोहीम दोन महिन्यांतून एकदा संपूर्ण शहरातील सर्व प्रभागांतील झोपडपट्ट्या व प्रमुख रस्त्यांवर राबविण्याचे स्पष्ट निर्देश दिले. या सातत्यपूर्ण मोहिमेमुळे नागरिकांच्या दैनंदिन समस्या तातडीने सोडविण्यास मदत होईल, असा विश्वास त्यांनी व्यक्त केला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post *छत्रपती शिवाजी महाराज जयंतीनिमित्त औंध रोड परिसरात महापालिकेची संयुक्त मोहीम appeared first on GOLDEN PENN.

उपनगरांमध्ये दिवसेंदिवस वाढत चाललेल्या अतिक्रमणामुळे नागरिकांना मोठ्या त्रासाला सामोरे जावे लागत असून वाहतुकीची कोंडी आणि अपघातांचा धोका वाढत असल्याचे चित्र आहे. याच पार्श्वभूमीवर ऑल इंडिया ह्युमन राइट असोसिएशन, पुणे जिल्हा (भारत सरकार) चे सचिव अतुल पवार यांनी पिंपरी-चिंचवड महापालिकेचे माननीय आयुक्त श्रावण हार्डीकर यांना पत्र देत उपनगरांतील अतिक्रमणावर सरसगट कारवाई करण्याची मागणी केली होती.

पत्रात नमूद करण्यात आले होते की, फुटपाथवर लावण्यात येणाऱ्या हातगाड्या, दुकाने व तात्पुरते अतिक्रमण यामुळे पादचाऱ्यांना रस्त्यावरून चालावे लागत आहे. परिणामी वाहनचालक व पादचारी यांच्यात धोकादायक परिस्थिती निर्माण होऊन वाहतुकीवर परिणाम होत असून अपघातांची शक्यता वाढत आहे. त्यामुळे या अतिक्रमणांवर तात्काळ कठोर कारवाई करावी, अशी मागणी करण्यात आली होती.

या पत्राची तात्काळ दखल घेत अतिक्रमण विभाग (क्षेत्रीय ‘ड’ कार्यालय) यांच्या वतीने आश्विनी गायकवाड, सहायक आयुक्त यांनी संबंधित अधिकाऱ्यांना सरसगट धडक कारवाईचे आदेश दिले.

ही कारवाई श्रेयश अटकोरे, मुख्य बिट निरीक्षक यांच्या निदर्शनात पार पडली. कारवाईदरम्यान सुरक्षा बल गटाचे ८ जवान व चालक यांचा समावेश होता.

महापालिकेच्या पथकाने वाकड, पिंपळे सौदागर, पिंपळे गुरव आणि सांगवी या परिसरात मोठ्या प्रमाणात अतिक्रमण हटवून नागरिकांना दिलासा दिला.

यावेळी अधिकाऱ्यांनी सांगितले की, ही कारवाई नियमितपणे सुरू ठेवण्यात येणार असून शहरातील फुटपाथ मोकळे करून पादचाऱ्यांची सुरक्षितता व वाहतूक सुरळीत करण्यासाठी कठोर भूमिका घेतली जाणार आहे.

या धडक कारवाईमुळे परिसरातील नागरिकांनी समाधान व्यक्त केले असून महापालिकेने अशीच सातत्यपूर्ण कारवाई करावी, अशी मागणी होत आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post उपनगरांतील अतिक्रमणावर महापालिकेची धडक कारवाई; फुटपाथवरील हातगाड्या हटवल्या appeared first on GOLDEN PENN.

शिवाजीनगर रोड, दापोडी परिसरात MH13 AX 4786 क्रमांकाचा लॅारी ट्रक संशयास्पद स्थितीत आढळून आला. यावेळी अतुल पवार (सचिव, ऑल इंडिया ह्युमन राइट असोसिएशन, पुणे जिल्हा – भारत सरकार) यांनी सदर वाहन थांबवून वाहनचालकाची चौकशी केली.

वाहनचालकाने सांगितले की तो मुंबईहून सोलापूरकडे जात आहे. मात्र वाहनाचा ड्रायव्हिंग लायसन्स व कागदपत्रे विचारल्यावर वाहनचालकाने स्पष्ट केले की वाहन परवाना संपलेला आहे तसेच “गाडीचा परवाना ऑनलाइन चेक करा” असे उत्तर दिले. त्यामुळे सदर वाहन अनधिकृत पद्धतीने वाहतूक करत असल्याचे निदर्शनास आले.

या गंभीर बाबीची दखल घेत 112 वर कॉल करून संबंधित विभागाला माहिती देण्यात आली. त्यानंतर तात्काळ पोलिसांनी घटनास्थळी दाखल होत योग्य ती कार्यवाही केली, त्यामुळे मोठा धोका टळला.

विशेष म्हणजे सदर ट्रक क्षमता पेक्षा जास्त वजन वाहत असल्याने एका बाजूला कललेला होता, तरीही चालक वेगाने व बेधुंदपणे वाहन चालवत होता, हे स्थानिक नागरिकांच्या निदर्शनास आले. अशा प्रकारच्या वाहनांमुळे अपघातांची शक्यता वाढत असल्याने प्रशासनाने कठोर प्रतिबंधात्मक उपाययोजना कराव्यात, अशी भावना नागरिकांकडून व्यक्त होत आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post शिवाजीनगर रोड दापोडी येथे परवाना संपलेल्या ट्रकवर कारवाई; मोठा अपघात टळला appeared first on GOLDEN PENN.