पिंपरी-चिंचवड : प्रतिनिधी

वाकड परिसरातील नागरिकांना सुलभ व दर्जेदार आरोग्य सेवा उपलब्ध करून देण्याच्या उद्देशाने पिंपरी-चिंचवड महानगरपालिकेच्या वतीने कावेरी नगर, वाकड भाजी मंडई येथे नव्याने सुरू करण्यात आलेल्या ‘नागरी आयुष्यमान आरोग्य मंदिरा’चे लोकार्पण उत्साहात पार पडले.

या उद्घाटन सोहळ्यास नगरसेविका आरती चौंधे यांच्या उपस्थितीत विविध मान्यवरांची उपस्थिती लाभली. कार्यक्रमास ज्येष्ठ वैद्यकीय अधिकारी डॉ. शंकर मुसळगी (नवीन थेरगाव रुग्णालय), नोडल वैद्यकीय अधिकारी डॉ. तुषार जाधव (NTH) तसेच कावेरी नगर दवाखान्याच्या वैद्यकीय अधिकारी डॉ. प्रसन्ना भोसलेंची प्रमुख उपस्थिती होती. परिसरातील ज्येष्ठ नागरिक व मान्यवरांनीही कार्यक्रमाला हजेरी लावली.

उद्घाटनानंतर आरोग्य केंद्राची पाहणी करण्यात आली. केंद्रातील आधुनिक सुविधा, स्वच्छतेचा दर्जा आणि रुग्णसेवेचे नियोजन पाहून उपस्थितांनी समाधान व्यक्त केले. या केंद्रामार्फत सर्वसामान्य नागरिकांना त्यांच्या हक्काची, दर्जेदार व सुलभ आरोग्य सेवा घराजवळच उपलब्ध होणार आहे.

या उपक्रमाचा मुख्य उद्देश नागरिकांपर्यंत आरोग्य सेवा अधिक प्रभावीपणे पोहोचवणे हा असून, डॉक्टर व आरोग्य कर्मचाऱ्यांशी संवाद साधून त्यांच्या कामाचा आढावा देखील घेण्यात आला. सर्वांच्या सामूहिक प्रयत्नातून हे केंद्र नागरिकांच्या विश्वासाचे आणि उत्तम आरोग्य सेवेचे प्रतीक ठरेल, असा विश्वास व्यक्त करण्यात आला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post वाकडवासीयांच्या सेवेसाठी ‘आरोग्य मंदिर’ सज्ज; कावेरी नगर येथे लोकार्पण संपन्न appeared first on GOLDEN PENN.

Dr. Chaturvedi brings nearly four decades of experience in surgical oncology and returns to Apollo with deep clinical expertise and leadership. He has extensive experience in handling complex cancer cases across multiple specialisations including head and neck, breast, thoracic, gastrointestinal, and gynaecologic cancers, along with expertise in robotic and minimally invasive procedures.

Academically, he holds M.B.B.S., M.S. in General Surgery, and M.Ch. in Surgical Oncology. Over the years, he has played a pivotal role in building advanced cancer care systems in North India, introducing organ-specific treatment units, multidisciplinary tumour boards, and contributing to national research collaborations in oncology.

Preetha Reddy, Executive Vice Chairperson of Apollo Hospitals, stated that Dr. Chaturvedi’s return is a major boost to the organisation’s vision of delivering accessible, precise, and high-quality cancer care across the country. She emphasised that his leadership will help expand Apollo’s reach and strengthen its clinical excellence.

• Speaking on his appointment, Dr. Chaturvedi expressed his commitment to advancing subspecialised care, expanding robotic surgery capabilities, and strengthening multidisciplinary treatment protocols. He will lead a vast oncology network of over 400 specialists, further reinforcing Apollo’s mission to provide world-class cancer care to patients across India and globally.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post Apollo Hospitals Enterprise Limited Appoints Dr. Harit Kumar Chaturvedi as CEO of Oncology Network, Strengthens Team with 25 Experts appeared first on GOLDEN PENN.

या निमित्ताने वडोदरा येथे ‘अथश्री’च्या ६,००० व्या रहिवाशाला घराचा ताबा देण्याचा सोहळा पार पडला. देशभरात सुमारे १६ वसाहतींमध्ये विस्तारलेल्या ‘अथश्री’त ३,००० हून अधिक ज्येष्ठ नागरिकांना सुविधा दिल्या जात आहेत. कार्यक्रमाची सुरुवात अध्यक्ष श्रीकांत परांजपे यांच्या भाषणाने झाली, तर व्यवस्थापकीय संचालक शशांक परांजपे यांनी ‘अथश्री’च्या प्रवासाचा आढावा घेतला.

या कार्यक्रमात रहिवाशांनी सादर केलेल्या विविध कलाप्रस्तुतींनी समुदायातील उत्साह आणि सक्रिय जीवनशैली अधोरेखित केली. तसेच आरोग्य, वेलनेस आणि समुदाय सहभाग वाढवण्यासाठी नवीन भागीदारी जाहीर करण्यात आल्या. यामध्ये ओपीडी, आयसीयू, आपत्कालीन सेवा, कार्डियाक अॅम्ब्युलन्स, ऑन-कॉल पॅरामेडिक सुविधा तसेच रिअल-टाइम हेल्थ मॉनिटरिंग प्रणालीचा समावेश आहे.

यावेळी ‘अथश्री’मधील उल्लेखनीय योगदान देणाऱ्या रहिवाशांचा सत्कार करण्यात आला. यामध्ये डॉ. मोहन फडणीस, पद्मश्री संजय गोविंद धांडे, वीरचक्र सन्मानित विंग कमांडर सुरेश कर्णिक, डॉ. रिता मुल्हेरकर आणि अभिनेत्री वंदना गुप्ते यांचा समावेश होता. या सत्कार सोहळ्याने समुदायातील कर्तृत्व आणि अनुभवाचा गौरव करण्यात आला.

शशांक परांजपे यांनी सांगितले की, ज्येष्ठ नागरिकांसाठी सन्मानाने आणि स्वावलंबीपणे राहता येईल अशी व्यवस्था निर्माण करण्याच्या उद्देशाने सुरू झालेला हा उपक्रम आज हजारो लोकांचा विश्वास जिंकत आहे. बदलती कुटुंबरचना, वाढती आयुर्मर्यादा आणि ‘सिल्वर इकॉनॉमी’मुळे भारतात ज्येष्ठ नागरिक निवास क्षेत्र झपाट्याने विस्तारत असून, ‘अथश्री’सारखे प्रकल्प भविष्यातील दिशा ठरवत आहेत.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post अथश्रीला २५ वर्षे पूर्ण; ज्येष्ठ नागरिक निवास क्षेत्रात ६,००० रहिवाशांचा टप्पा appeared first on GOLDEN PENN.

उद्घाटनानिमित्त रुग्णांसाठी विशेष उपक्रम राबवण्यात आला असून ३१ मे २०२६ पर्यंत सर्व नागरिकांसाठी मोफत सर्वसमावेशक नेत्र तपासणीची सुविधा उपलब्ध करून देण्यात आली आहे. या उपक्रमामुळे डोळ्यांच्या आजारांचे लवकर निदान होऊन प्रतिबंधात्मक उपचारांना चालना मिळणार आहे.

सुमारे ४,२०० चौरस फूट क्षेत्रात उभारण्यात आलेले हे केंद्र अत्याधुनिक तंत्रज्ञान व आधुनिक पायाभूत सुविधांनी सुसज्ज आहे. येथे मोतीबिंदू, LASIK (रिफ्रॅक्टिव्ह), कॉर्निया, ग्लॉकोमा, रेटिना तसेच बाल नेत्रचिकित्सा यांसारख्या सर्व सेवा एकाच छताखाली उपलब्ध आहेत. याशिवाय फार्मसी व ऑप्टिकल सेवा देखील उपलब्ध करून देत रुग्णांना संपूर्ण नेत्रसेवेचा अनुभव दिला जाणार आहे.

यावेळी चीफ स्ट्रॅटेजी ऑफिसर Vandana Jain आणि चीफ ऑपरेटिंग ऑफिसर Rahul Agarwal यांनी सांगितले की, प्रगत नेत्रसेवा अधिकाधिक लोकांपर्यंत पोहोचवणे आणि उच्च दर्जाची वैद्यकीय गुणवत्ता राखणे हे संस्थेचे ध्येय आहे. अनुभवी डॉक्टर व प्रशिक्षित वैद्यकीय कर्मचाऱ्यांच्या माध्यमातून या केंद्रात उत्तम उपचार परिणाम आणि उत्कृष्ट रुग्णसेवा देण्यात येणार असल्याचा विश्वास त्यांनी व्यक्त केला.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मोशीत डॉ. अग्रवाल्स आय हॉस्पिटलचे अत्याधुनिक नेत्ररुग्णालय सुरू appeared first on GOLDEN PENN.

पुणे प्रतिनिधी : पुण्याच्या खाद्यसंस्कृतीत वेगळी ओळख निर्माण करणाऱ्या ‘शौकीन फॅमिली पान’ या ब्रँडने विस्ताराचा वेग कायम ठेवत खेड शिवापूर येथे नव्या शाखेचे उद्घाटन केले आहे. २८ मार्च २०२६ रोजी पुणे-बंगळूर महामार्गावरील हॉटेल जगदंबा परिसरात ही शाखा सुरू करण्यात आली. नळ स्टॉप येथून सुरू झालेल्या या उपक्रमाने अल्पावधीतच ग्राहकांची पसंती मिळवत पुणे व मुंबईत आपला ठसा उमटवला आहे.

‘शौकीन पान’ची खासियत म्हणजे येथे मिळणारी सर्व पाने १०० टक्के तंबाखूमुक्त असून नैसर्गिक घटकांपासून तयार केली जातात. त्यामुळे आरोग्यदायी आणि सुरक्षित पर्याय म्हणून ग्राहकांकडून मोठा प्रतिसाद मिळत आहे. फॅमिली-फ्रेंडली संकल्पनेमुळे महिलांसह लहान मुलांनाही येथे आरामदायी आणि स्वच्छ वातावरणात पानाचा आनंद घेता येतो.

या ठिकाणी पारंपरिक विड्यांबरोबरच ‘फायर पान’, ‘चॉकलेट पान’ आणि ‘गोल्ड लीफ पान’ यांसारख्या ५० हून अधिक विविध चवींची मेजवानी उपलब्ध आहे. पारंपरिक पानाला ‘डेजर्ट पान’ची आधुनिक ओळख देत या ब्रँडने तरुणांमध्येही विशेष लोकप्रियता मिळवली आहे.

सध्या पुण्यातील कोथरूड, बाणेर, हडपसर, वाकड, सिंहगड रोड, बावधन व पिंपरी-चिंचवड येथे शाखा कार्यरत असून मुंबईतील दादरमध्येही ‘शौकीन पान’ने यशस्वी पाऊल ठेवले आहे. २००५ साली उद्योजक शरद मोरे यांनी सुरू केलेल्या या ब्रँडचे डिजिटल प्लॅटफॉर्मवरही विस्तार झाले असून Swiggy व Zomatoद्वारेही सेवा उपलब्ध आहे. खेड शिवापूरमधील नव्या शाखेमुळे ब्रँडचा विस्तार अधिक बळकट होत असून भविष्यात राज्यासह देशभर विस्ताराचा मानस व्यक्त करण्यात आला आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पुण्याचे लाडके ‘शौकीन फॅमिली पान’ खेड शिवापूरमध्ये; ५०+ चवींची आकर्षक मेजवानी appeared first on GOLDEN PENN.

पिंपळे सौदागर (ता. २८, प्रतिनिधी):

पाणी टंचाईच्या पार्श्वभूमीवर उन्नती सोशल फाउंडेशनच्या वतीने “फ्लश सेव्ह वॉटर अभियान” हा साधा, कमी खर्चिक आणि परिणामकारक उपक्रम सुरू करण्यात आला आहे. या अभियानाची सुरुवात पिंपरी-चिंचवडमधील पारस रिवेरा सोसायटीत करण्यात आली असून, नागरिकांमध्ये पाणी बचतीबाबत जनजागृती निर्माण करण्याचा यामागील उद्देश आहे.

या उपक्रमांतर्गत घरातील टॉयलेटच्या फ्लश टँकमध्ये एक लिटर पाण्याने भरलेली प्लास्टिकची बाटली ठेवण्याचे आवाहन करण्यात आले आहे. या छोट्या उपायामुळे प्रत्येक फ्लशवेळी सुमारे एक लिटर पाणी कमी वापरले जाते आणि मोठ्या प्रमाणावर पाणी बचत शक्य होते.

पारस रिवेरा सोसायटीतील ४० फ्लॅट्समध्ये हा उपक्रम राबविण्यात आला असून, सरासरी वापर लक्षात घेतल्यास दररोज सुमारे ६४० लिटर पाण्याची बचत होत आहे. महिन्याभरात ही बचत तब्बल १९,२०० लिटरपर्यंत पोहोचत असून, हा छोटासा बदल जलसंधारणासाठी महत्त्वपूर्ण ठरत आहे.

या उपक्रमाबाबत बोलताना डॉ. कुंदाताई संजय भिसे यांनी प्रत्येक नागरिकाने अशा साध्या उपाययोजना अवलंबल्यास मोठ्या प्रमाणावर पाणी बचत शक्य असल्याचे सांगितले. तसेच हा उपक्रम संपूर्ण शहरात राबवण्याचा मानस व्यक्त करण्यात आला असून, सहभागी नागरिकांना प्रमाणपत्र आणि सोसायटींना डस्टबीन देऊन प्रोत्साहन दिले जाणार असल्याची माहिती संस्थापक संजय भिसे यांनी दिली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post फ्लश सेव्ह वॉटर अभियान”मुळे एका सोसायटीतच दररोज ६४० लिटर पाणी बचत appeared first on GOLDEN PENN.

पिंपळे सौदागर येथील जीवनज्योती सुपर स्पेशालिटी हॉस्पिटलमध्ये दुर्मीळ आणि गुंतागुंतीची शस्त्रक्रिया यशस्वीपणे पार पडली. डॉक्टरांनी ६६ वर्षीय महिलेच्या उदरातील सुमारे ४ किलो वजनाचा ओव्हेरियन ट्यूमर काढून तिचे प्राण वाचवले. काही काळापासून रुग्णाला पोटात सूज व अस्वस्थता जाणवत होती; मात्र शस्त्रक्रियेची भीती असल्याने सुरुवातीला त्यांनी रुग्णालयात दाखल होण्यास नकार दिला होता. डॉक्टरांच्या समुपदेशनानंतर त्यांनी शस्त्रक्रियेस संमती दिली.

ही गुंतागुंतीची शस्त्रक्रिया सर्जन डॉ. प्रशांत केदारी आणि स्त्रीरोग तज्ज्ञ डॉ. क्षितिजा गायके यांच्या नेतृत्वाखाली पार पडली. एक्सप्लोरेटरी लॅपरोटॉमी करून ओव्हेरियन ट्यूमर काढण्यात आला तसेच ओमेंटल बायोप्सी करण्यात आली. शस्त्रक्रियेदरम्यान रुग्णाच्या अपेंडिक्समध्ये अनेक दगड (मल्टिपल अपेंडिकोलिथ) आढळल्यामुळे अपेंडिक्सही काढण्यात आले. भूलतज्ज्ञ डॉ. प्रवीण थोरात यांनी या प्रक्रियेत महत्त्वाची भूमिका बजावली.

विशेष म्हणजे इतक्या मोठ्या शस्त्रक्रियेदरम्यान केवळ सुमारे १०० मिलीपेक्षा कमी रक्तस्राव झाला. शस्त्रक्रियेनंतर रुग्णाची प्रकृती स्थिर असून त्या सुरक्षित असल्याची माहिती देण्यात आली. या शस्त्रक्रियेची माहिती जीवनज्योती हॉस्पिटलचे चीफ ऑपरेशन ऑफिसर संदीप कांबळे यांनी पत्रकार परिषदेत दिली. डॉक्टर, परिचारिका आणि संपूर्ण वैद्यकीय टीमच्या समन्वयामुळे ही शस्त्रक्रिया यशस्वी झाली असल्याचे त्यांनी सांगितले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post जीवनज्योती हॉस्पिटलमध्ये यशस्वी शस्त्रक्रिया; ६६ वर्षीय महिलेच्या उदरातील ४ किलोचा ट्यूमर काढला appeared first on GOLDEN PENN.

*पुण्यात मणिपाल हॉस्पिटल, बाणेर येथे स्वादुपिंडातील दुर्मिळ SPN गाठीवर भारतातील सर्वात कमी वयातील रुग्णांपैकी एका मुलीवर यशस्वी उपचार; उपचारानंतर मुलगी पुन्हा शाळेत.*

*पुणे, १३ मार्च २०२६:* पुण्यातील बाणेर येथील मणिपाल हॉस्पिटलमधील कॅन्सर सर्जनांनी १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढून टाकली. या केससह भारतात स्वादुपिंडाच्या सॉलिड स्यूडोपापिलरी निओप्लाझम (एसपीएन) या आजाराने पीडत सर्वात कमी वयाच्‍या रूग्‍णाची नोंद झाली आहे. विशेष म्हणजे, या गाठीची शरीरात कोणतीही लक्षणे दिसत नव्हती. पण, शाळेत कराटेच्या तासादरम्यान पोटाला झालेल्‍या दुखापतीमुळे या आजाराचे अनपेक्षितपणे निदान झाले.

इमेजिंग आणि बायोप्सीसह तपासण्‍या केल्‍यानंतर सॉलिड स्यूडोपापिलरी निओप्लाझम (एसपीएन)चे निदान झाले. हा स्वादुपिंडाचा दुर्मिळ आणि कमी तीव्रतेचा कर्करोगजन्य ट्यूमर आहे, जो पूर्णपणे काढून टाकल्यास रुग्ण पूर्णपणे बरा होण्याची शक्यता अत्यंत जास्त असते. एकूण स्वादुपिंडाच्या गाठींपैकी एसपीएनचे प्रमाण फक्‍त १ ते ३ टक्‍के असते आणि दरवर्षी १० लाख व्‍यक्तींपैकी एका व्यक्तीला हा आजार होतो. हा आजार प्रामुख्याने तरुण महिलांमध्ये, साधारणपणे किशोरवयीन ते ३० वर्षांच्या वयोगटात अधिक आढळतो, आणि लहान मुलांमध्ये या आजाराचे निदान होणे अत्यंत दुर्मिळ आहे. त्‍या मुलीमध्‍ये आजाराची कोणतीच लक्षणे दिसून येत नव्‍हती, तसेच ती नेहमीप्रमाणे शाळेत जात होती आणि दैनंदिन काम करत होती, ज्‍यामुळे या निदानामुळे तिच्या पालकांना मोठा धक्का बसला. शस्त्रक्रियेचा निर्णय घेण्यापूर्वी कुटुंबाने अनेक हॉस्पिटल्‍समध्‍ये डॉक्‍टरांचा सल्ला घेतला.

*या केसबाबत सांगताना बाणेरमधील मणिपाल हॉस्पिटलमधील सर्जिकल ऑन्‍कोलॉजीचे एचओडी व कन्‍सल्‍टण्‍ट डॉ. अमित पारसनीस म्‍हणाले* , ” _शस्त्रक्रियेदरम्यान स्वादुपिंडाच्या रचनेचे नीट निरीक्षण केल्यानंतर आम्ही सेंट्रल पॅनक्रिएटॉमी करण्याचा निर्णय घेतला. यामुळे आम्हाला ड्युओडेनम (लहान आतड्याचा सुरुवातीचा भाग) आणि स्वादुपिंडाचा काही भाग सुरक्षित राखता आला, तसेच व्हिपल प्रोसिजर सारखी मोठी व गुंतागुंतीची शस्त्रक्रिया टाळता आली. स्वादुपिंड हा अवयव शरीरातील महत्त्वाच्या रक्तवाहिन्यांच्या अगदी जवळ असतो आणि लहान मुलांना रक्ताचा जास्तीचा स्त्राव सहन होत नाही, त्यामुळे ही शस्त्रक्रिया तांत्रिकदृष्ट्या अत्यंत आव्हानात्मक होती. पण, आम्ही अत्यंत कमी रक्तस्त्रावात ही गाठ सुरक्षितपणे काढून टाकली आणि स्वादुपिंडाचे कार्य कायम ठेवले. रुग्ण मुलगी आता पूर्णपणे बरी झाली आहे, तसेच ती पुन्‍हा शाळेत जाऊ लागली आहे आणि पुन्‍हा दैनंदिन काम करू लागली आहे. ती आता सामान्य आयुष्य जगू शकेल, अशी आम्हाला खात्री आहे_ .”

स्वादुपिंडाच्या गाठी अनेकदा बराच काळ कोणतीही लक्षणे न दिसता शरीरात राहू शकतात आणि कधी-कधी इतर कारणांसाठी केलेल्या तपासणीमध्‍ये त्‍यांचे अनपेक्षितपणे निदान होते. अशा दुर्मिळ आजारांचे व्यवस्थापन करण्यासाठी, विशेषतः लहान मुलांच्या बाबतीत वेळेवर केलेली तपासणी आणि बहुआयामी टीमने केलेले उपचार अत्यंत महत्त्वाचे ठरतात.

*पुण्‍यातील बाणेर येथील मणिपाल हॉस्पिटलचे क्‍लस्‍टर डायरेक्‍टर श्री. आनंद मोटे म्‍हणाले,* _प्रगत कॅन्‍सर थेरपी, गॅस्‍ट्रोएण्‍टेरोलॉजी व पीडियाट्रिक सर्जरी करणाऱ्या आमच्‍या व्‍यावसायिकांची बहुआयामी टीम, तसेच अत्‍याधुनिक तंत्रज्ञान व आपलेपणाने आम्‍ही या सेवा देतो. मणिपाल हॉस्पिटल्‍समध्‍ये आम्‍ही विशेषत: आव्‍हानात्‍मक व दुर्मिळ केसेसमध्‍ये सुरक्षित, गुणकारी व रूग्‍ण-केंद्रित केअर देण्‍यावर लक्ष केंद्रित केले आहे._ ”

सर्जिकल ऑन्‍कोलॉजीचे डॉ. अमित पारसनीस, तसेच अॅनेस्‍थेसियोलॉजिस्‍ट डॉ. आशिष पाठक, पीडियाट्रिक इंटेन्सिव्हिस्‍ट डॉ. पूजा गिरे आणि बहुआयामी टीमने ही शस्त्रक्रिया यशस्‍वीरित्‍या केली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post कराटे सरावादरम्‍यान झालेल्‍या दुखापतीमुळे वाचला जीव: पुण्यातील १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढली appeared first on GOLDEN PENN.

पिंपरी, पुणे :

फिटनेस, समावेशकता आणि सामाजिक जबाबदारी यांचा प्रभावी संगम साधत 2,500 हून अधिक नागरिकांनी रन2फीड मॅरेथॉनमध्ये उत्स्फूर्त सहभाग नोंदवला. ही मॅरेथॉन रविवार, 8 फेब्रुवारी 2026 रोजी बालासाहेब कुंजीर क्रीडांगण, पिंपरी येथे मोठ्या उत्साहात पार पडली. “Turning Miles into Meals” (प्रत्येक पावलातून अन्नाची निर्मिती) या प्रेरणादायी संकल्पनेतून या उपक्रमाने धावण्याला सामाजिक बांधिलकीची जोड दिली.

या मॅरेथॉनमध्ये 1 किमी, 2 किमी, 3 किमी, 5 किमी, 10 किमी आणि हाफ मॅरेथॉन (21 किमी) अशा विविध अंतरांच्या श्रेणी ठेवण्यात आल्या होत्या. त्यामुळे शालेय विद्यार्थी, युवक, ज्येष्ठ नागरिक, प्रथमच धावणारे, फिटनेसप्रेमी तसेच व्यावसायिक धावपटूंना सहभागाची संधी मिळाली.

या कार्यक्रमाचे विशेष आकर्षण म्हणजे महिलांसाठी राखीव “SHE RUN’s” ही विशेष श्रेणी होती. महिलांचे आरोग्य, स्व-काळजी आणि सक्षमीकरण यांना प्रोत्साहन देणाऱ्या या उपक्रमात विविध क्षेत्रांतील महिलांनी मोठ्या संख्येने सहभाग घेतला.

या मॅरेथॉनचे आयोजन इस्कॉन BCEC पुणेच्या ‘फूड फॉर लाइफ’ कार्यक्रमांतर्गत करण्यात आले होते. यासाठी पिंपरी-चिंचवड महानगरपालिका (PCMC) यांचे सक्रिय सहकार्य लाभले. स्पर्धकांच्या सुरक्षिततेसाठी आणि वैद्यकीय सज्जतेसाठी आदित्य बिर्ला मेमोरियल हॉस्पिटल हे कार्यक्रमाचे हेल्थ पार्टनर होते.

कार्यक्रमास नगरसेविका सौ. कुंदाताई भिसे, उन्नती सोशल फाउंडेशनचे अध्यक्ष श्री. संजय भिसे, PCMC आरोग्य विभागातील श्री. घाटे, ब्रिजस्टोन पुणेचे व्यवस्थापकीय संचालक श्री. मोइत्रा, तसेच विविध शैक्षणिक संस्थांचे प्रतिनिधी उपस्थित होते. यावेळी स्वच्छ भारत अभियानाअंतर्गत शपथविधी देखील पार पडला.

उत्तम वाहतूक व्यवस्थापन, पाणीपुरवठा केंद्रे, वैद्यकीय मदत आणि स्वयंसेवकांच्या सहकार्यामुळे हा उपक्रम अत्यंत यशस्वी ठरला. ‘Run Against Hunger’ हा संदेश देत मॅरेथॉनची सांगता झाली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post रन टू फीड मॅरेथॉनमध्ये 2,500 हून अधिक धावपटूंचा सहभाग; फिटनेस आणि भूकमुक्त समाजासाठी पुणे एकवटले appeared first on GOLDEN PENN.

पिंपळे निलख प्रतिनिधी :

नितीन इंगवले मित्र परिवाराच्या वतीने आज तीन गरजू नागरिकांचे मोतीबिंदू ऑपरेशन यशस्वीरीत्या करून देण्यात आले. यासह आतापर्यंत एकूण १० जणांना नवी दृष्टी मिळाल्याने अनेक कुटुंबांच्या आयुष्यात आशेचा प्रकाश पसरला आहे.

ही मदत केवळ वैद्यकीय उपचारापुरती मर्यादित नव्हती, तर अंधारातून उजेडाकडे नेणारी माणुसकीची सेवा ठरली. ऑपरेशननंतर पुन्हा स्पष्ट दिसू लागलेल्या डोळ्यांतून उमटलेले समाधान आणि अश्रूंनी व्यक्त झालेले आभार पाहून सेवेची खरी किंमत पैशात नसून कृतज्ञ भावनांमध्ये असते, हे पुन्हा एकदा अधोरेखित झाले.

यापूर्वी सात जणांच्या डोळ्यांच्या शस्त्रक्रिया करून दिल्यानंतर आज पुन्हा तीन गरजू नागरिकांना नवी दृष्टी देत, नितीन इंगवले आणि मित्र परिवाराने सामाजिक बांधिलकीचे उत्तम उदाहरण समाजासमोर ठेवले आहे.

“कोणतीही चांगली गोष्ट लहान नसते आणि कोणताही प्रकाश वाया जात नाही,” हे या उपक्रमातून सिद्ध झाले.

महत्त्वाचे म्हणजे, हे सामाजिक कार्य राजकारणाचा काडीमात्र संबंध न ठेवता, कोणत्याही निवडणूक-प्रेरित उद्देशांशिवाय, निखळ सेवाभावातून करण्यात आले आहे. आज दहा जीवनांमध्ये उजेड पसरवून या मित्र परिवाराने समाजात माणुसकी, विश्वास आणि प्रेरणेचा संदेश दिला आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post आतापर्यंत १० जणांना नवी दृष्टी; नितीन इंगवले मित्र परिवाराची उल्लेखनीय सेवा appeared first on GOLDEN PENN.