पुणे, १८ एप्रिल २०२६ — भारतीय ग्राहक तंत्रज्ञान क्षेत्रातील उदयोन्मुख ब्रँड Wobble ने आपला प्रमुख स्मार्टफोन Wobble One पुण्यात लॉन्च करत शहरात दमदार एंट्री केली. धनोरी येथील केंशा मोबाईल्समध्ये आयोजित पहिल्या लाइव्ह अनावरण सोहळ्याला ग्राहक, कंटेंट क्रिएटर्स आणि स्थानिक इन्फ्लुएंसर्सची मोठी उपस्थिती लाभली. नव्या डिव्हाइसच्या आकर्षक डिझाईनसह प्रगत तंत्रज्ञानामुळे उपस्थितांमध्ये उत्साहाचे वातावरण पाहायला मिळाले.

या कार्यक्रमात सहभागी झालेल्या ग्राहकांना Wobble One चा अत्याधुनिक कॅमेरा, AI-आधारित फोटोग्राफी, Dolby Vision डिस्प्ले आणि फ्लॅगशिप-स्तरावरील कामगिरीचा प्रत्यक्ष अनुभव घेण्याची संधी मिळाली. विशेषतः 50MP फ्रंट कॅमेरा आणि 4K HDR व्हिडिओ क्षमतेमुळे हा स्मार्टफोन कंटेंट क्रिएटर्ससाठी आकर्षणाचा केंद्रबिंदू ठरला. पुण्यातील डिजिटल-फर्स्ट तरुणांनी या फोनला सकारात्मक प्रतिसाद दिला.

Wobble One मध्ये Sony LYTIA 600 सेन्सरसह 50MP ट्रिपल रियर कॅमेरा सेटअप देण्यात आला असून AI Best Take, Super Night Mode आणि Video Stabilisation सारख्या प्रगत फीचर्सचा समावेश आहे. MediaTek Dimensity 7400 प्रोसेसरमुळे या फोनला उच्च कार्यक्षमता प्राप्त झाली असून 120Hz AMOLED डिस्प्ले आणि Dolby Atmos स्पीकर्समुळे उत्कृष्ट ऑडिओ-व्हिज्युअल अनुभव मिळतो.

डिव्हाइस Stock Android 15 वर आधारित असून 5 वर्षांचे OS व सुरक्षा अपडेट्स देण्याचे आश्वासन कंपनीने दिले आहे. यासोबतच दमदार बॅटरी, 33W फास्ट चार्जिंग आणि प्रगत कूलिंग सिस्टीममुळे दीर्घकाळ वापरातही कार्यक्षमता टिकून राहते. तसेच, कठोर गुणवत्ता चाचण्यांमुळे डिव्हाइसची टिकाऊपणाही अधोरेखित होते.

Wobble One ची सुरुवातीची किंमत ₹26,999 ठेवण्यात आली असून तो तीन स्टोरेज पर्याय आणि आकर्षक रंगांमध्ये उपलब्ध आहे. देशभरातील 300 हून अधिक सर्व्हिस सेंटरच्या नेटवर्कमुळे ग्राहकांना विश्वासार्ह विक्रीपश्चात सेवा मिळणार आहे. पुण्यातील यशस्वी लॉन्चनंतर Wobble One आता देशातील इतर शहरांकडे वाटचाल करत आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post Wobble One चे पुण्यात दमदार पदार्पण; ग्राहक व इन्फ्लुएंसर्सचा उत्स्फूर्त प्रतिसाद appeared first on GOLDEN PENN.

या पुरस्काराचे वितरण ११ व १२ एप्रिल रोजी नाशिक जिल्ह्यातील चांदवड येथे अहिल्यादेवी होळकर वाडा येथे आयोजित सोहळ्यात होणार आहे. या कार्यक्रमाला प्रा. रामशिंदे (सभापती, विधान परिषद), माजी आमदार रामहरी रुपनवर, श्रीमंत अमरजीत राजे जहागीरदार, खासदार रामराव वडकुते, माजी आमदार गोपीचंद पडळकर, डॉ. प्रकाश महानवर (कुलगुरू, सोलापूर विद्यापीठ), डॉ. अभिमन्यू टकले तसेच इतर मान्यवर उपस्थित राहणार आहेत.

प्रवीण काकडे यांनी गेल्या अनेक वर्षांपासून सामाजिक व शैक्षणिक क्षेत्रात सातत्याने कार्य केले आहे. विशेषतः कोरोना काळात त्यांनी डोंगर-दऱ्यांतील दुर्गम भागात जाऊन विद्यार्थ्यांना शैक्षणिक साहित्य वाटप केले. रत्नागिरी, सिंधुदुर्ग, रायगड, सातारा, कोल्हापूर आणि सांगली या जिल्ह्यांतील हजारो विद्यार्थ्यांना त्यांनी प्रत्यक्ष वाडी-वस्त्यांवर जाऊन मदत केली, ज्यामुळे अनेक विद्यार्थ्यांना शिक्षणाच्या प्रवाहात टिकून राहता आले.

अहिल्यादेवी सामाजिक व शैक्षणिक विकास ट्रस्टच्या माध्यमातून त्यांनी ५,००० हून अधिक विद्यार्थ्यांना शैक्षणिक साहित्य व आर्थिक मदत केली आहे. गुणवंत विद्यार्थ्यांचा सत्कार, महिलांसाठी मोठे पुरस्कार सोहळे आणि विविध सामाजिक उपक्रम त्यांनी राबवले आहेत. त्यांच्या कार्याची दखल घेत यापूर्वीही त्यांना समाजरत्न पुरस्कार (२०१९), राष्ट्रीय जीवनगौरव पुरस्कार (२०२३) आणि महाराष्ट्र रत्न पुरस्कार देऊन सन्मानित करण्यात आले आहे. त्यांच्या या कार्यामुळे महाराष्ट्रासह गोवा आणि कर्नाटकातील धनगर समाजात आनंदाचे वातावरण निर्माण झाले आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post प्रवीण काकडे यांना “महाराजा यशवंतराव होळकर” राज्यस्तरीय समाजसेवा पुरस्कार जाहीर appeared first on GOLDEN PENN.

पिंपळे सौदागर (ता. २८, प्रतिनिधी):

पाणी टंचाईच्या पार्श्वभूमीवर उन्नती सोशल फाउंडेशनच्या वतीने “फ्लश सेव्ह वॉटर अभियान” हा साधा, कमी खर्चिक आणि परिणामकारक उपक्रम सुरू करण्यात आला आहे. या अभियानाची सुरुवात पिंपरी-चिंचवडमधील पारस रिवेरा सोसायटीत करण्यात आली असून, नागरिकांमध्ये पाणी बचतीबाबत जनजागृती निर्माण करण्याचा यामागील उद्देश आहे.

या उपक्रमांतर्गत घरातील टॉयलेटच्या फ्लश टँकमध्ये एक लिटर पाण्याने भरलेली प्लास्टिकची बाटली ठेवण्याचे आवाहन करण्यात आले आहे. या छोट्या उपायामुळे प्रत्येक फ्लशवेळी सुमारे एक लिटर पाणी कमी वापरले जाते आणि मोठ्या प्रमाणावर पाणी बचत शक्य होते.

पारस रिवेरा सोसायटीतील ४० फ्लॅट्समध्ये हा उपक्रम राबविण्यात आला असून, सरासरी वापर लक्षात घेतल्यास दररोज सुमारे ६४० लिटर पाण्याची बचत होत आहे. महिन्याभरात ही बचत तब्बल १९,२०० लिटरपर्यंत पोहोचत असून, हा छोटासा बदल जलसंधारणासाठी महत्त्वपूर्ण ठरत आहे.

या उपक्रमाबाबत बोलताना डॉ. कुंदाताई संजय भिसे यांनी प्रत्येक नागरिकाने अशा साध्या उपाययोजना अवलंबल्यास मोठ्या प्रमाणावर पाणी बचत शक्य असल्याचे सांगितले. तसेच हा उपक्रम संपूर्ण शहरात राबवण्याचा मानस व्यक्त करण्यात आला असून, सहभागी नागरिकांना प्रमाणपत्र आणि सोसायटींना डस्टबीन देऊन प्रोत्साहन दिले जाणार असल्याची माहिती संस्थापक संजय भिसे यांनी दिली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post फ्लश सेव्ह वॉटर अभियान”मुळे एका सोसायटीतच दररोज ६४० लिटर पाणी बचत appeared first on GOLDEN PENN.

वाढत्या उन्हाची तीव्रता लक्षात घेऊन जिल्हा परिषद प्राथमिक शाळा, आसबेवाडी येथे विद्यार्थ्यांच्या आरोग्याची काळजी घेत एक स्तुत्य उपक्रम राबविण्यात आला. शाळेतील सर्व विद्यार्थ्यांना टोप्यांचे वाटप करण्यात आले, ज्यामुळे कडक उन्हातही विद्यार्थ्यांना दिलासा मिळणार आहे.

या उपक्रमामागे शाळेतील शिक्षक अरुण सरडे सर यांचा पुढाकार विशेष ठरला. त्यांच्या या संवेदनशील आणि विद्यार्थ्यांप्रती असलेल्या काळजीवाहू वृत्तीचे ग्रामस्थांकडून मोठ्या प्रमाणावर कौतुक करण्यात आले.

गावकऱ्यांनी सांगितले की, “विद्यार्थ्यांच्या आरोग्याचा विचार करून अशा प्रकारचे उपक्रम राबविणे ही खरोखरच प्रेरणादायी बाब आहे.”

या उपक्रमामुळे विद्यार्थ्यांमध्ये आनंदाचे वातावरण निर्माण झाले असून, शिक्षणाबरोबरच त्यांच्या सुरक्षिततेलाही प्राधान्य दिले जात असल्याचे स्पष्ट झाले आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post उन्हाच्या तडाख्यात विद्यार्थ्यांसाठी संरक्षणाची ढाल – आसबेवाडी शाळेत टोप्यांचे वाटप” appeared first on GOLDEN PENN.

पुणे/पिंपरी-चिंचवड (प्रतिनिधी) : भारतीय विद्यार्थ्यांना परदेशात, विशेषतः अमेरिकेत वैद्यकीय क्षेत्रात उज्ज्वल करिअर करण्यासाठी मोठ्या प्रमाणात संधी उपलब्ध करून देण्याच्या उद्देशाने ‘देश भगत युनिव्हर्सिटी (DBU) अमेरिका’तर्फे नवीन आंतरराष्ट्रीय वैद्यकीय अभ्यासक्रम लॉन्च करण्यात आले आहेत. पुण्यात झालेल्या पत्रकार परिषदेत तसेच आकुर्डी येथे आयोजित “Growth Strategy Meet 2026” या कार्यक्रमात या उपक्रमाची सविस्तर माहिती देण्यात आली.

विद्यापीठाचे कुलगुरू डॉ. हर्ष सदावर्ती आणि ऑपरेशन्स डायरेक्टर अरुण मलिक यांनी या अभ्यासक्रमाच्या वैशिष्ट्यांवर प्रकाश टाकताना सांगितले की, भारतातील मर्यादित व महागड्या एमबीबीएस शिक्षणाला पर्याय म्हणून हा जागतिक दर्जाचा कार्यक्रम विद्यार्थ्यांसाठी मोठी संधी ठरणार आहे.

या नव्या उपक्रमांतर्गत ४ वर्षांचा आणि ५ वर्षांचा ‘एमडी’ (MD) प्रोग्राम उपलब्ध असून, तो भारतातील ‘एमबीबीएस’ (MBBS) पदवीच्या समकक्ष मानला जातो. विशेष म्हणजे, भारतातील खासगी वैद्यकीय महाविद्यालयांच्या तुलनेत हा अभ्यासक्रम अत्यंत परवडणाऱ्या शुल्कात उपलब्ध करून देण्यात आला आहे.

या कार्यक्रमाचे आणखी एक महत्त्वाचे वैशिष्ट्य म्हणजे त्याची आंतरराष्ट्रीय मान्यता. विद्यार्थ्यांना अमेरिकेतील USMLE, तसेच यूके आणि कॅनडा येथील वैद्यकीय परवाना परीक्षांसाठी विशेष प्रशिक्षण दिले जाणार आहे. त्यामुळे विद्यार्थ्यांना जागतिक स्तरावर डॉक्टर म्हणून करिअर घडवण्याची संधी उपलब्ध होणार आहे.

अभ्यासक्रमाची रचना ही तीन वर्षांच्या सैद्धांतिक शिक्षणासोबत दोन वर्षांच्या क्लिनिकल रोटेशनवर आधारित असून, विद्यार्थ्यांना जगभरातील विविध रुग्णालयांमध्ये प्रत्यक्ष प्रशिक्षण दिले जाणार आहे. यामुळे त्यांना व्यावहारिक अनुभवासोबतच आंतरराष्ट्रीय आरोग्य व्यवस्थेची ओळख होणार आहे.

प्रवेशासाठी १०+२ सायन्स शाखा पूर्ण केलेले आणि ‘नीट’ (NEET) परीक्षा उत्तीर्ण विद्यार्थी पात्र असतील. याशिवाय, ‘D-Best Global MD’ या विद्यापीठाच्या स्वतंत्र प्रवेश परीक्षेद्वारे विद्यार्थ्यांची गुणवत्ता तपासली जाणार आहे.

दरम्यान, १८ मार्च २०२६ रोजी आकुर्डी येथील ग्रँड Exotica येथे आयोजित “Growth Strategy Meet 2026” कार्यक्रमाला विद्यार्थ्यांचा व पालकांचा उत्स्फूर्त प्रतिसाद मिळाला. या कार्यक्रमात उपकुलगुरू डॉ. हर्ष सदाबर्ती यांनी भारतीय विद्यार्थ्यांना आंतरराष्ट्रीय स्तरावर स्पर्धात्मक बनवण्यासाठी अशा अभ्यासक्रमांची गरज अधोरेखित केली.

या वेळी व्यासपीठावर प्रेसिडेंट 2ओएसडी अमित कुकरेजा, MBBS डायरेक्टर अरुण मलीक, मृत्युंजय हिरेमठ, बबिता सिरस्वा यांच्यासह अनेक मान्यवर उपस्थित होते. तसेच सीनियर मार्केटिंग मॅनेजर दिनेश सिंह, कार्यक्रम आयोजक सिंटू सिंग आणि करिअर क्राफ्ट एज्युकेशनल सर्व्हिसच्या मुख्य कार्यकारी अधिकारी बबिता सिरस्वा यांनी विद्यार्थ्यांना मार्गदर्शन केले.

कार्यक्रमात संस्थेच्या भविष्यातील विस्तार योजना, आंतरराष्ट्रीय सहकार्य, संशोधनाच्या संधी आणि जागतिक दर्जाच्या शिक्षण प्रणालीवर सखोल चर्चा करण्यात आली. विशेषतः School of Medicine अंतर्गत राबविण्यात येणाऱ्या MD (MBBS) कार्यक्रमामुळे विद्यार्थ्यांना अमेरिका, यूके आणि इतर देशांमध्ये करिअर करण्याचे दरवाजे खुले होत असल्याचे अधोरेखित करण्यात आले.

“भारतात एमबीबीएसच्या जागा मर्यादित आणि खर्चिक आहेत. अशा परिस्थितीत विद्यार्थ्यांना गुणवत्तापूर्ण आणि आंतरराष्ट्रीय दर्जाचे शिक्षण मिळावे, यासाठी सेंट व्हिन्सेंट आणि ग्रेनेडाइन्स येथील कॅम्पसमध्ये हे अभ्यासक्रम सुरू करण्यात आले आहेत,” असे डॉ. हर्ष सदावर्ती यांनी स्पष्ट केले.

या उपक्रमामुळे विद्यार्थ्यांना केवळ पदवीच नव्हे, तर जागतिक स्तरावर करिअर घडवण्याची संधी मिळणार असून, शैक्षणिक क्षेत्रात नवी दिशा निर्माण होईल, असा विश्वास यावेळी व्यक्त करण्यात आला.

कार्यक्रमाचे सूत्रसंचालन व प्रास्ताविक नीता यादवाड यांनी प्रभावीपणे पार पाडले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post पुणे : ‘देश भगत युनिव्हर्सिटी’कडून आंतरराष्ट्रीय वैद्यकीय अभ्यासक्रम लॉन्च; ‘Growth Strategy Meet 2026’मध्ये जागतिक करिअरच्या संधींचा वेध appeared first on GOLDEN PENN.

पिंपळे निलख येथील मैत्री आधार सामाजिक संस्था यांनी आपल्या २६ व्या सामाजिक उपक्रमांतर्गत समाजाप्रती असलेली बांधिलकी पुन्हा एकदा सिद्ध केली. मंगळवार, दिनांक १७ मार्च २०२६ रोजी वाकड येथील अभिराज फाउंडेशन मतिमंद स्कूल येथे जाऊन संस्थेच्या वतीने विशेष गरज असलेल्या ४५ विद्यार्थ्यांना मदत करण्यात आली. या उपक्रमामुळे विद्यार्थ्यांच्या चेहऱ्यावर आनंद फुलला आणि सामाजिक संवेदनशीलतेचे उत्तम उदाहरण घडले.

या मदत उपक्रमामध्ये एकूण रुपये २१,६६०/- किमतीच्या आवश्यक वस्तूंचे वितरण करण्यात आले. यामध्ये शाळेसाठी २ ऑफिस कपाटे, विद्यार्थ्यांच्या वर्गखोल्यांसाठी ६ पंखे तसेच मुलांना फळे आणि चिक्कीचे वाटप करण्यात आले. शाळेच्या गरजेनुसार ही मदत करण्यात आली असून, यामुळे विद्यार्थ्यांच्या दैनंदिन शिक्षणात अधिक सोयी निर्माण होणार आहेत.

या उपक्रमामुळे समाजात सकारात्मक संदेश पसरला असून, गरजूंसाठी एकत्र येऊन मदतीचा हात पुढे करण्याची प्रेरणा मिळाली आहे. “राम कृष्ण हरी” या भावनेतून सेवा कार्य करत असलेल्या संस्थेचे सर्वत्र कौतुक होत असून, भविष्यातही अशाच समाजोपयोगी उपक्रमांची अपेक्षा व्यक्त केली जात आहे.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post मैत्री आधार सामाजिक संस्थेची २६ वी समाजसेवा; वाकडमधील मतिमंद मुलांना मदतीचा हात appeared first on GOLDEN PENN.

पुणे : कीस्टोन स्कूल ऑफ इंजिनिअरिंग, उरळी देवाची (पुणे) येथे “INMEC-2026” (Interdisciplinary Advances in Mechanical, Electronics and Computer Engineering) या आंतरराष्ट्रीय परिषदेचे १४ व १५ मार्च रोजी यशस्वी आयोजन करण्यात आले. उद्योग क्षेत्रातील ग्लोबमाईंड टेक्नॉलॉजी तसेच विज्ञान-तंत्रज्ञान प्रकाशन क्षेत्रातील अग्रगण्य साईटेक प्रेस व स्प्रिन्जर नेचर यांच्या संयुक्त भागीदारीत ही परिषद पार पडली.

परिषदेच्या उद्घाटन समारंभासाठी तंत्रशिक्षण विभाग, महाराष्ट्र राज्य, पुणे येथील सहसंचालक डॉ. दत्तात्रय जाधव प्रमुख पाहुणे म्हणून उपस्थित होते. तसेच सॅमसन टेकनीनिशे लॅब्सचे मुख्य डेटा सायंटिस्ट डॉ. प्रदीप बिलूलकर सन्माननीय अतिथी म्हणून उपस्थित होते. महाराष्ट्र रत्न आणि कृत्रिम बुद्धिमत्ता क्षेत्रातील तज्ज्ञ अब्दुल्ला पठाण हे मुख्य वक्ते म्हणून लाभले.

यावेळी बोलताना डॉ. जाधव म्हणाले की, प्राध्यापकांनी शैक्षणिक संशोधन औद्योगिक तंत्रज्ञानात रूपांतरित करण्यासाठी विशेष प्रयत्न करणे गरजेचे आहे. संशोधनाचे प्रत्यक्ष उद्योग क्षेत्रात रूपांतर झाल्यास देशाच्या तांत्रिक प्रगतीला मोठी चालना मिळेल, असेही त्यांनी नमूद केले. तसेच संशोधक विद्यार्थ्यांसाठी परदेशात उच्च शिक्षणासाठी उपलब्ध असलेल्या विविध शासकीय योजनांची माहितीही त्यांनी दिली.

डॉ. प्रदीप बिलूलकर यांनी उपस्थितांना संशोधनाचा पंचसूत्री कार्यक्रम समजावून सांगत संशोधनातील गुणवत्ता आणि नावीन्याचे महत्त्व अधोरेखित केले.

उद्घाटन समारंभाला विविध महाविद्यालयांतील विद्यार्थी, प्राध्यापक आणि संशोधक मोठ्या संख्येने उपस्थित होते. परिषद ऑनलाईन व ऑफलाईन या दोन्ही माध्यमांत आयोजित करण्यात आली होती. देश-विदेशातून ६०० हून अधिक शोधनिबंध प्राप्त झाले असून त्यापैकी १९७ निवडक शोधनिबंधांचे विविध तांत्रिक सत्रांमध्ये सादरीकरण करण्यात आले.

कार्यक्रमाच्या प्रारंभी डॉ. अर्चना काळे यांनी स्वागतपर भाषण केले. परिषदेचे Convener डॉ. परीक्षित महाले यांनी आपल्या भाषणात देश-विदेशातील नवीन तांत्रिक संकल्पना आणि संशोधनाची वाढती गरज यावर प्रकाश टाकला, तर डॉ. तुषार भोईटे यांनी परिषदेच्या आयोजनाची सविस्तर माहिती दिली.

ही परिषद संस्थापक संचालक प्रा. यशोधन सोमण यांच्या मार्गदर्शनाखाली आणि प्राचार्य डॉ. संदीप कदम यांच्या नेतृत्वाखाली आयोजित करण्यात आली. परिषदेच्या आयोजनासाठी ग्लोबमाईंडचे व्यवस्थापकीय संचालक प्रवीण जाधव यांचे विशेष सहकार्य लाभले.

परिषदेच्या यशस्वी आयोजनासाठी डॉ. बाळाजी बोडखे, संगणक विभागप्रमुख प्रा. सागर राजेभोसले आणि डॉ. वीणा कदम यांच्या नियोजनाचे विशेष कौतुक करण्यात आले. अध्यक्षीय भाषणात प्रा. सोमण यांनी आयोजक व सहभागी संशोधकांना शुभेच्छा देत अशा प्रकारच्या व्यासपीठासाठी संस्था कायम कटिबद्ध असल्याचे नमूद केले.

कार्यक्रमाचे सूत्रसंचालन प्रा. मीनाक्षी देवकर यांनी केले, तर आभार प्रदर्शन प्रा. सागर राजेभोसले यांनी केले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post शैक्षणिक संशोधन औद्योगिक तंत्रज्ञानात बदलण्याची गरज – डॉ. दत्तात्रय जाधव* appeared first on GOLDEN PENN.

प्रशालेत प्रथमच पुस्तक प्रकाशनाचा कार्यक्रम होत असल्याने विद्यार्थ्यांमध्ये विशेष उत्सुकता पाहायला मिळाली. हे पुस्तक मासिक ऋग्वेद चिल्ड्रन रिलीफ फंड, आजरा तर्फे प्रकाशित करण्यात आले असून त्याचे प्रकाशक सुभाष शंकर विभुते आहेत. विज्ञानाचा प्रसार व्हावा या उद्देशाने या पुस्तकाची किंमत केवळ २५ रुपये ठेवण्यात आली आहे.

कार्यक्रमात बोलताना डॉ. दिलीप गरुड यांनी “विज्ञानाला अध्यात्माची जोड दिल्यास विज्ञानाचा उपयोग दैनंदिन जीवनात अधिक चांगल्या प्रकारे करता येतो,” असे मत व्यक्त केले. कार्यक्रमाध्यक्ष तुळशीराम नवले यांनी विद्यार्थ्यांनी विज्ञानाची आवड जोपासावी व विज्ञानामुळे मानवाची मोठी प्रगती झाल्याचे सांगितले. तसेच कल्याणी कुलकर्णी यांनी अंधश्रद्धेविरोधात विद्यार्थ्यांना जागरूक राहण्याचे आवाहन करत गोष्टीतून त्याची उदाहरणे दिली.

डॉ. सहाणे यांनी वाचनाचे महत्त्व पटवून देत विद्यार्थ्यांना पुस्तके वाचण्याचे आवाहन केले. डॉ. नंदा हरम यांचे हे तेरावे पुस्तक असून भविष्यात शंभराव्या पुस्तकाचे प्रकाशन याच प्रशालेत व्हावे अशी अपेक्षा त्यांनी व्यक्त केली. कार्यक्रमाचे प्रास्ताविक जगताप सर यांनी केले, तर विज्ञानगीत, पुस्तकातील कथेचे अभिवाचन व सूत्रसंचालन संध्या शेवडे यांनी केले. कार्यक्रमाच्या शेवटी मुख्याध्यापक माने सर यांनी आभार मानले.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post गोष्टी विज्ञानाच्या’ पुस्तकातून विद्यार्थ्यांना विज्ञानाची गोडी appeared first on GOLDEN PENN.

*पुण्यात मणिपाल हॉस्पिटल, बाणेर येथे स्वादुपिंडातील दुर्मिळ SPN गाठीवर भारतातील सर्वात कमी वयातील रुग्णांपैकी एका मुलीवर यशस्वी उपचार; उपचारानंतर मुलगी पुन्हा शाळेत.*

*पुणे, १३ मार्च २०२६:* पुण्यातील बाणेर येथील मणिपाल हॉस्पिटलमधील कॅन्सर सर्जनांनी १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढून टाकली. या केससह भारतात स्वादुपिंडाच्या सॉलिड स्यूडोपापिलरी निओप्लाझम (एसपीएन) या आजाराने पीडत सर्वात कमी वयाच्‍या रूग्‍णाची नोंद झाली आहे. विशेष म्हणजे, या गाठीची शरीरात कोणतीही लक्षणे दिसत नव्हती. पण, शाळेत कराटेच्या तासादरम्यान पोटाला झालेल्‍या दुखापतीमुळे या आजाराचे अनपेक्षितपणे निदान झाले.

इमेजिंग आणि बायोप्सीसह तपासण्‍या केल्‍यानंतर सॉलिड स्यूडोपापिलरी निओप्लाझम (एसपीएन)चे निदान झाले. हा स्वादुपिंडाचा दुर्मिळ आणि कमी तीव्रतेचा कर्करोगजन्य ट्यूमर आहे, जो पूर्णपणे काढून टाकल्यास रुग्ण पूर्णपणे बरा होण्याची शक्यता अत्यंत जास्त असते. एकूण स्वादुपिंडाच्या गाठींपैकी एसपीएनचे प्रमाण फक्‍त १ ते ३ टक्‍के असते आणि दरवर्षी १० लाख व्‍यक्तींपैकी एका व्यक्तीला हा आजार होतो. हा आजार प्रामुख्याने तरुण महिलांमध्ये, साधारणपणे किशोरवयीन ते ३० वर्षांच्या वयोगटात अधिक आढळतो, आणि लहान मुलांमध्ये या आजाराचे निदान होणे अत्यंत दुर्मिळ आहे. त्‍या मुलीमध्‍ये आजाराची कोणतीच लक्षणे दिसून येत नव्‍हती, तसेच ती नेहमीप्रमाणे शाळेत जात होती आणि दैनंदिन काम करत होती, ज्‍यामुळे या निदानामुळे तिच्या पालकांना मोठा धक्का बसला. शस्त्रक्रियेचा निर्णय घेण्यापूर्वी कुटुंबाने अनेक हॉस्पिटल्‍समध्‍ये डॉक्‍टरांचा सल्ला घेतला.

*या केसबाबत सांगताना बाणेरमधील मणिपाल हॉस्पिटलमधील सर्जिकल ऑन्‍कोलॉजीचे एचओडी व कन्‍सल्‍टण्‍ट डॉ. अमित पारसनीस म्‍हणाले* , ” _शस्त्रक्रियेदरम्यान स्वादुपिंडाच्या रचनेचे नीट निरीक्षण केल्यानंतर आम्ही सेंट्रल पॅनक्रिएटॉमी करण्याचा निर्णय घेतला. यामुळे आम्हाला ड्युओडेनम (लहान आतड्याचा सुरुवातीचा भाग) आणि स्वादुपिंडाचा काही भाग सुरक्षित राखता आला, तसेच व्हिपल प्रोसिजर सारखी मोठी व गुंतागुंतीची शस्त्रक्रिया टाळता आली. स्वादुपिंड हा अवयव शरीरातील महत्त्वाच्या रक्तवाहिन्यांच्या अगदी जवळ असतो आणि लहान मुलांना रक्ताचा जास्तीचा स्त्राव सहन होत नाही, त्यामुळे ही शस्त्रक्रिया तांत्रिकदृष्ट्या अत्यंत आव्हानात्मक होती. पण, आम्ही अत्यंत कमी रक्तस्त्रावात ही गाठ सुरक्षितपणे काढून टाकली आणि स्वादुपिंडाचे कार्य कायम ठेवले. रुग्ण मुलगी आता पूर्णपणे बरी झाली आहे, तसेच ती पुन्‍हा शाळेत जाऊ लागली आहे आणि पुन्‍हा दैनंदिन काम करू लागली आहे. ती आता सामान्य आयुष्य जगू शकेल, अशी आम्हाला खात्री आहे_ .”

स्वादुपिंडाच्या गाठी अनेकदा बराच काळ कोणतीही लक्षणे न दिसता शरीरात राहू शकतात आणि कधी-कधी इतर कारणांसाठी केलेल्या तपासणीमध्‍ये त्‍यांचे अनपेक्षितपणे निदान होते. अशा दुर्मिळ आजारांचे व्यवस्थापन करण्यासाठी, विशेषतः लहान मुलांच्या बाबतीत वेळेवर केलेली तपासणी आणि बहुआयामी टीमने केलेले उपचार अत्यंत महत्त्वाचे ठरतात.

*पुण्‍यातील बाणेर येथील मणिपाल हॉस्पिटलचे क्‍लस्‍टर डायरेक्‍टर श्री. आनंद मोटे म्‍हणाले,* _प्रगत कॅन्‍सर थेरपी, गॅस्‍ट्रोएण्‍टेरोलॉजी व पीडियाट्रिक सर्जरी करणाऱ्या आमच्‍या व्‍यावसायिकांची बहुआयामी टीम, तसेच अत्‍याधुनिक तंत्रज्ञान व आपलेपणाने आम्‍ही या सेवा देतो. मणिपाल हॉस्पिटल्‍समध्‍ये आम्‍ही विशेषत: आव्‍हानात्‍मक व दुर्मिळ केसेसमध्‍ये सुरक्षित, गुणकारी व रूग्‍ण-केंद्रित केअर देण्‍यावर लक्ष केंद्रित केले आहे._ ”

सर्जिकल ऑन्‍कोलॉजीचे डॉ. अमित पारसनीस, तसेच अॅनेस्‍थेसियोलॉजिस्‍ट डॉ. आशिष पाठक, पीडियाट्रिक इंटेन्सिव्हिस्‍ट डॉ. पूजा गिरे आणि बहुआयामी टीमने ही शस्त्रक्रिया यशस्‍वीरित्‍या केली.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post कराटे सरावादरम्‍यान झालेल्‍या दुखापतीमुळे वाचला जीव: पुण्यातील १० वर्षांच्या मुलीच्या स्वादुपिंडातील दुर्मिळ गाठ यशस्वीरित्या काढली appeared first on GOLDEN PENN.

Pune, March 6, 2026: A new chapter in Indian classical music education began in Pune as Chinmaya Vishwa Vidyapeeth inaugurated the ‘School of Kalayoga’ at Baner on Friday, March 6. The institute was formally inaugurated by Pujya Swami Swaroopanand, head of Chinmaya Mission and Vice-Chancellor of Chinmaya Vishwa Vidyapeeth.

Pune, known for its rich cultural and artistic heritage, now gets a unique centre dedicated to nurturing Indian classical music through a blend of traditional and modern educational approaches. The School of Kalayoga aims to revive the ancient guru–shishya tradition while integrating it with a structured university system, offering students both experiential learning and recognized academic degrees.

Speaking at the inauguration, Pramodini Rao, Director of Chinmaya Naad Bindu in Pune and Head of the School of Kalayoga, emphasized the importance of reconnecting with India’s cultural roots. She said that India’s ancient knowledge traditions hold immense experiential wisdom. According to the vision of Swami Tejomayananda, the true purpose of music is to elevate art, artists, and audiences to a higher spiritual and cultural plane. Hence, music education should go beyond technical training and nurture deeper artistic and spiritual understanding.

The institute will offer a four-year Bachelor of Arts (Honours) in Music, a two-year Master’s degree, and PhD programs in music. Students will be able to specialize in Hindustani vocal music, flute, and tabla at the undergraduate and postgraduate levels. The doctoral program will focus on research in performance studies, pedagogy, musicology, and Indian knowledge traditions.

A key feature of the School of Kalayoga is its two-tier teaching approach, where traditional mentorship by gurus is complemented by academic guidance from faculty members. Through concerts, music gatherings, festivals, and interactions with eminent scholars, the institute aims to create a vibrant cultural environment where music is practiced not just as a subject, but as a lifelong discipline and spiritual pursuit.

GOLDEN PENN

संपादक :  भाग्यश्री बि एम/ Golden Penn

goldenpenn.com/

The post Chinmaya Vishwa Vidyapeeth Launches ‘School of Kalayoga’ in Baner to Promote Indian Classical Music appeared first on GOLDEN PENN.